நாளை நள்ளிரவு வரை பெட்ரோல் பங்க்குகள் இயங்காது!

தமிழகத்தில் அனைத்து பெட்ரோல் பங்க்குகளிலும் இன்று (04/07/2020) நள்ளிரவு 12.00 மணிமுதல் நாளை (05/07/2020) நள்ளிரவு வரை விற்பனை இல்லை.

முழுமுடக்கம் கடைப்பிடிக்கப்படும் ஒவ்வொரு ஞாயிற்றுக்கிழமையும் பெட்ரோல் பங்க்குகள் இயங்காது. ஆம்புலன்ஸ், பால், அவசர மருத்துவ சிகிச்சை வாகனங்களுக்கு மட்டும் நாளை (05/07/2020) பெட்ரோல், டீசல் விற்பனை செய்யப்படும். வரும் திங்கட்கிழமை முதல் வாடிக்கையாளர்கள் முகக்கவசம் அணிந்து வந்தால் மட்டுமே பெட்ரோல், டீசல் வழங்கப்படும். நாளை (05/07/2020) முழு முடக்கம் கடைப்பிடிக்க உள்ளதையொட்டி தமிழ்நாடு பெட்ரோலிய விற்பனையாளர்கள் சங்கம் இந்த அறிவிப்பை வெளியிட்டுள்ளது.