Skip to main content

ஆதார் பெயரில் எந்த சேவையையும் யாருக்கும் மறுக்கக்கூடாது! - ஆதார் ஆணையம்

Published on 11/02/2018 | Edited on 11/02/2018

Aadhaar

 

ஆதார் இல்லையென்ற காரணத்தால் ரேஷன் பொருட்கள் மறுப்பு, சிகிச்சை மறுப்பு மற்றும் அதனால் ஏற்பட்ட மோசமான பாதிப்புகள் என இதுதொடர்பான செய்திகளுக்கு சமீப காலமாக பஞ்சமே இல்லை. இந்த ஆதார் பரிதாபங்கள் சமூக வலைத்தளங்களிலும் பேசுபொருளாகியுள்ள நிலையில், ஆதார் இல்லை என்ற காரணத்திற்காக எந்த சேவையையும் யாருக்கும் மறுக்கக்கூடாது என ஆதார் ஆணையம் வலியுறுத்தியுள்ளது.

 

இதுகுறித்து ஆதார் ஆணையம் அனைத்து மாநிலங்கள் மற்றும் யூனியன் பிரதேசங்களின் தலைமைச் செயலாளர்களுக்கு அனுப்பியுள்ள கடிதத்தில், ‘மருத்துவ வசதி, சிகிச்சைகள், ரேஷன் பொருட்கள், பள்ளி சேர்க்கை, அரசு நலத்திட்டங்கள் என எந்தவொன்றும், அப்பாவி பொதுமக்களுக்கு ஆதார் இல்லை என்ற காரணத்தால் மறுக்கக்கூடாது. இதற்காக ஆதார் சட்டம் பிரிவு 7ல் குறிப்பிட்டுள்ளது போல், ஆதார் சரிபார்த்தலில் குழப்பம் ஏற்பட்டாலோ, சம்மந்தப்பட்டவர் ஆதார் வைத்திருக்கவில்லை என்றாலோ, மாற்று வழிகளில் அடையாள சரிபார்ப்பை முடித்துவிட்டு, உரிய சேவைகள் கிடைக்க வழிவகை செய்யவேண்டும்’ என வலியுறுத்தியுள்ளது.

 

மேலும், ஆதார் வெளிப்படைத்தன்மை மற்றும் பொறுப்பான நிர்வாகத்திற்காக மட்டுமே அறிமுகப்படுத்தப் பட்டதே தவிர, அதைக் காரணமாக எந்த சேவைகளும் தடைப்படுவதற்கு வழிவகுக்கக்கூடாது. அப்படி நடக்கும்பட்சத்தில் சம்பந்தப்பட்டவர்களின் மீது புகாரளிக்கலாம் என குறிப்பிட்டுள்ளது.

சார்ந்த செய்திகள்

 

Next Story

ஆதார் தகவலை திருடி வாக்கு சேகரிக்கும் பாஜக? - விசாரணை நடத்த உயர்நீதிமன்றம் உத்தரவு!

Published on 25/03/2021 | Edited on 25/03/2021

 

 

ஆதார் தகவலை திருடி வாக்கு சேகரிக்கும் பாஜக? - விசாரணை நடத்த உயர்நீதிமன்றம் உத்தரவு!


தமிழகத்தைப் போலவே புதுச்சேரியிலும் வருகின்ற ஏப்ரல் 6 ஆம் தேதி, சட்டப்பேரவை தேர்தல் நடைபெறவுள்ளது. இந்தநிலையில் இந்திய ஜனநாயக இளைஞர் கூட்டமைப்பின் தலைவர் சென்னை உயர்நீதிமன்றத்தில் வழக்கு ஒன்றைத் தாக்கல் செய்தார். அதில் பூத் அளவிலான வாக்காளர்களுக்கு பாஜக வாட்ஸ்-அப் குழுவில் இணையுமாறு இணைப்புடன் (லிங்) குறுஞ்செய்திகள் வருவதாகக் கூறியுள்ளார்.


மேலும் அவர், ஆதார் அட்டையில் அளிக்கப்பட்ட தொலைப்பேசி எண்ணில் மட்டுமே அவ்வாறான குறுஞ்செய்திகள் வருவதாகவும், மத்தியில் ஆளுங்கட்சியாக உள்ள பாஜக அதிகாரத்தைப் பயன்படுத்தி, ஆதார் தகவல்களைத் திருடியுள்ளதாகவும் குற்றஞ்சாட்டியுள்ளார். மேலும் இதுகுறித்து ஏற்கனவே புகார் அளித்திருப்பதாகவும் அவர் கூறியுள்ளார்.


இந்த வழக்கை விசாரித்து சென்னை உயர்நீதிமன்றம், இந்தப் புகார் மிகத் தீவிரமானது எனக் கூறி, இதுகுறித்து விசாரித்து வெள்ளிக்கிழமைக்குள் அறிக்கை தாக்கல் செய்யும்படி இந்தியத் தேர்தல் ஆணையத்திற்கு உத்தரவிட்டுள்ளது. 

 

 

 

Next Story

”தனிநபர் உரிமைகளை மறுக்கக்கூடாது” -ஆதார் வழக்கில் நீதிபதி

Published on 26/09/2018 | Edited on 26/09/2018
adhar


”வங்கி கணக்குகளுக்கும், மொபைல் இணைப்பு சேவைகளுக்கும் ஆதார் கட்டாயம் இல்லை. தனியார் நிறுவனங்கள் ஆதார் தகவல்களைக் கோருவது சட்ட விரோதம். தனிநபர் கண்ணியம் காக்க ஆதார் சட்டத்தில் மத்திய அரசு திருத்தம் கொண்டுவர வேண்டும். குறைந்த, அத்தியாவசிய தகவல்களே ஆதாருக்காகப் பெறப்படுகிறது.ஆதார் எண்னை போலியாக உருவாக்க முடியாது.நீட்,சிபிஎஸ்சி தேர்வுகளுக்கு ஆதாரை கட்டாயமாக்க கூடாது. பான் கார்டுக்கு ஆதார் கார்ட் அவசியம். பள்ளிச் சேர்க்கைக்கும் ஆதார் கட்டாயம கிடையாது. ஆதாருக்காகப் பெறப்படும் தகவல்கள் குறைவு, நன்மைகள் அதிகம்” என்று நீதிபதி ஏ.கே சிக்ரி தெரிவித்தார்.
 

அரசியல் சாசனப்படி ஆதார் செல்லும் என்று உச்சநீதிமன்றம் தீர்ப்பு வழங்கியுள்ளது. ஆதார் இல்லை என்பதற்காக தனிநபரின் உரிமைகள் மறுக்கப்பட கூடது, அதேபோல, யாருக்கும் அரசின் சலுகைகளும் மறுக்கப்படக் கூடாது என்று தீபக் மிஸ்ரா தலைமையில் அடங்கிய ஐந்து பேர் கொண்ட நீதிபதிகளின் அமர்வு தெரிவித்துள்ளது.