தமிழகத்தின் இன்றைய கரோனா நிலவரம்!

தமிழகத்தில் இன்று ஒரே நாளில் 25,316 பேருக்கு கரோனா உறுதி செய்யப்பட்டுள்ளது. 11 ஆவது நாளாக தமிழகத்தில் முன்பை விட குறைந்த பாதிப்பு தொடர்ச்சியாக உறுதி செய்யப்பட்டு வருகிறது. இதில், சென்னையில் ஒரே நாளில் 2,217 பேருக்கு கரோனா உறுதி செய்யப்பட்டுள்ளது. இன்று ஒரேநாளில் சென்னையில் மட்டும் 77 பேர் கரோனா பாதிப்பால் உயிரிழந்துள்ளனர். தமிழகத்தில் கரோனா சிகிச்சையில் உள்ளவர்களின் எண்ணிக்கை 2,88,702 ஆக குறைந்துள்ளது. அதேபோல் இன்று 32,263 பேர் குணமடைந்து வீடு திரும்பியுள்ளனர். இதனால் இதுவரை தமிழகத்தில் குணமடைந்து வீடு திரும்பினோர் எண்ணிக்கை 18,34,439 ஆக அதிகரித்துள்ளது.

இன்று வெளியிடப்பட்ட அறிவிப்பின்படி, 24 மணிநேரத்தில் தமிழகத்தில் 483 பேர் கரோனாவிற்கு உயிரிழந்துள்ளனர். அரசு மருத்துவமனைகளில் 279  பேரும் தனியார் மருத்துவமனைகளில்  204 பேரும் கரோனாவிற்கு உயிரிழந்துள்ளனர். இன்று கரோனா தொற்றால் இணை நோயில்லாத 115 பேர் உயிரிழந்துள்ளனர். இதனால் தமிழகத்தில் கரோனா உயிரிழப்பு மொத்த எண்ணிக்கை 25,205 ஆக அதிகரித்துள்ளது. கோவையில் கடந்த 24 மணி நேரத்தில் 3,061 பேருக்கு  கரோனா உறுதி செய்யப்பட்டுள்ளது. ஈரோட்டில் 1,488 பேருக்கும், திருப்பூரில் 1,252 பேருக்கும், சேலத்தில் 1,290 பேருக்கும் இன்று ஒரேநாளில் கரோனா உறுதி  செய்யப்பட்டுள்ளது.