Skip to main content

கொண்டாட்டத்தின் நடுவே கொள்ளை... புத்தாண்டில் அடுத்தடுத்த வீடுகள் உடைப்பு... நகை, பணம் திருட்டு!

Published on 02/01/2022 | Edited on 02/01/2022

 

New Year robbery ... next door demolition ... jewelry, money abbess!

 

பிறந்த புத்தாண்டு யாருக்குக் கொண்டாட்டமோ இல்லையோ, கொள்ளையர்களுக்கு கொண்டாட்டமாகியிருக்கிறது தென்காசியில்.

 

புத்தாண்டை வரவேற்க நள்ளிரவு 12 மணிக்கு மக்கள் ஆலயங்கள், தேவாலயங்கள், மற்றும் வழிபாட்டுத் தளங்களுக்கு சென்று பிறக்கும் ஆண்டு நல்லபடியாக இருக்க வேண்டும் என்று மனதாரப் பிரார்த்திப்பதுண்டு. அந்த நள்ளிரவில் ஆளில்லாத வீடுகள் அடைக்கப்பட்டிருப்பது இயல்பு. அது தான் கொள்ளையர்களுக்கு வாய்ப்பாகியிருக்கிறது. ஆற அமர கொள்ளையடித்திருக்கிறார்கள் தென்காசி மாவட்டத்தின் சாம்பவர்வடகரை நகரின் அடுத்தடுத்த இரண்டு வீடுகளில்.

 

இந்த ஊரின் ஐயப்பன் கோவில் கீழ் பகுதியில் வசித்து வருகிற மாசிலாமணி, சுரண்டையிலுள்ள பள்ளியின் ஆசிரியர். இவரது அடுத்த வீட்டைச் சேர்ந்தவர் வைகுண்டராஜன். இவர்கள் இரவு 11.00 மணிக்கு தங்களது வீடுகளைப் பூட்டி விட்டுக் குடும்பத்தினருடன், அதே பகுதியில் உள்ள தேவாலயத்தில் நடந்த புத்தாண்டு சிறப்பு பூஜைக்காக சென்றுள்ளனர். பிரார்த்தனை முடிந்து அதிகாலை 03.00 மணிக்கு வீடு திரும்பும் போது வீடுகளின் முன்பக்க கதவுகள் உடைக்கப்பட்டு, உள்ளே பீரோக்களும் உடைக்கப்பட்டு பொருட்கள் சிதறிக் கிடந்தது கண்டு பதறிப் போனார்கள்.

 

இதில் ஆசிரியர் மாசிலாமணி வீட்டில் 10 கிராம் தங்க நகைகளும், 40 ஆயிரம் ரொக்கமும் மற்றும் வைகுண்ட ராஜனின் வீட்டில் 20 கிராம் தங்க நகை, 5 ஆயிரமும் கொள்ளை போனது தெரிய வந்திருக்கிறது. மற்ற நகைகளை குடும்பத்தினர் புத்தாண்டு பிரார்த்தனைக்காக அணிந்து சென்றதால் அவைகள் தப்பியுள்ளன.

 

இது குறித்து அவர்களின் புகார்கள் அடிப்படையில் சாம்பவர்வடகரை காவல்துறையினர் வழக்குப் பதிவு செய்து, உதவி ஆய்வாளர் காசிவிஸ்வநாதன் தலைமையிலான குழுவினர் சம்பவ இடத்தை நேரில் பார்வையிட்டு விசாரணை நடத்தினர். கொள்ளையில் ஈடுபட்ட மர்ம நபர்களைத் தேடி வருகின்றனர்.

 

புத்தாண்டு இரவில் அடுத்தடுத்து நடந்த புத்தாண்டுக் கொள்ளைச் சம்பவம் தென்காசி பகுதியில் பரபரப்பை ஏற்படுத்தியுள்ளது.

 

சார்ந்த செய்திகள்

Next Story

ரூ. 7 கோடி மதிப்புள்ள தங்கம் பறிமுதல்; சென்னையில் பரபரப்பு!

Published on 27/03/2024 | Edited on 27/03/2024
Rs. 7 crore worth of gold seized; Sensation in Chennai
மாதிரிப்படம்

சென்னை விமான நிலையத்திற்கு இன்று (27.03.2024) துபாயில் இருந்து எமிரேட்ஸ் ஏர்லைன்ஸ் என்ற விமானம் ஒன்று வந்துள்ளது. இந்த விமானத்தில் வந்தவர்களை சுங்கத்துறை அதிகாரிகள் தீவிரமாக சோதனை செய்தனர். அப்போது கேரள மாநிலம் கோட்டையம் பகுதியைச் சேர்ந்த 37 வயதான பெண் ஒருவர் தனது 14 வயது மகளுடன் வந்துள்ளார்.

இவர்களை சுங்கத்துறை அதிகாரிகள் சோதனை செய்த போது ரூ. 7 கோடி மதிப்புள்ள 11.98 கிலோ தங்கக் கட்டிகள் இருப்பது கண்டுபிடிக்கப்பட்டது. மேலும் தொடர்ந்து அவர்களிடம் நடத்தப்பட்ட விசாரணையில் லண்டனில் இருந்து துபாய் வழியாக வந்த போது கடத்தல் தங்கத்தோடு சிக்கியது தெரியவந்துள்ளது.

இதனையடுத்து 37 வயதான அப்பெண்ணை கைது செய்து சுங்கத்துறை அதிகாரிகள் நீதிமன்ற காவலில் அடைத்தனர். அண்மைக் காலத்தில் பயணி ஒருவரிடம் இருந்து 12 கிலோ கடத்தல் தங்கம் பிடிபட்டது இதுவே முதல்முறை என்ற தகவலும் வெளியாகியுள்ளது. மேலும், ரூ.7 கோடி மதிப்புள்ள 11.98 கிலோ தங்கக் கட்டிகள் சென்னை விமான நிலையத்தில் பறிமுதல் செய்யப்பட்ட சம்பவம் சென்னை விமான நிலைய அதிகாரிகள் மற்றும் விமான பயணிகள் மத்தியில் பெரும் பரபரப்பை ஏற்படுத்தியுள்ளது. 

Next Story

சிக்கிய 6 கோடி ரூபாய் தங்கம்! - அதிரடியில் தேர்தல் பறக்கும் படை 

Published on 25/03/2024 | Edited on 25/03/2024
6 crores of gold trapped! Election Flying Squad in action
மாதிரி படம் 

சேலம் அருகே, உரிய ஆவணங்களின்றி கூரியர் நிறுவன வாகனத்தில் கொண்டு செல்லப்பட்ட 6.20 கோடி ரூபாய் தங்க நகைகளைத் தேர்தல் பறக்கும் படை அதிகாரிகள் பறிமுதல் செய்தனர்.

நாடாளுமன்றத் தேர்தல் வரும் ஏப்ரல் 19ம் தேதி நடக்கிறது. இதையொட்டி வாக்காளர்களுக்கு அரசியல் கட்சிகள் சார்பில் பணம் உள்ளிட்ட பரிசுப் பொருட்கள் வழங்கப்படுவதைத் தடுக்கும் வகையில், தேர்தல் பறக்கும் படை அதிகாரிகள் தீவிரமாகக் கண்காணித்து வருகின்றனர். இந்நிலையில், சேலத்தை அடுத்துள்ள மல்லூர் பிரிவு சோதனைச் சாவடியில் தேர்தல் பறக்கும் படை அதிகாரி ரபீக் அஹ்மது தலைமையில் அலுவலர்கள் மார்ச் 23 ஆம் தேதி காலை வாகனச் சோதனையில் ஈடுபட்டு இருந்தனர்.

அப்போது, சேலத்திலிருந்து வந்த தனியார் கூரியர் நிறுவனத்திற்குச் சொந்தமான வாகனத்தை நிறுத்தி சோதனையிட்டனர். அதில் இருந்த 3 சாக்கு மூட்டைகளைப் பிரித்துப் பார்த்தனர். அவற்றில் 39 நகைப் பெட்டிகள் வைக்கப்பட்டிருந்தன. அந்தப் பெட்டிகளில் 6.20 கோடி ரூபாய் மதிப்பிலான 29 கிலோ புதிய தங்க நகைகள் இருந்தன. இந்த நகைகளைக் கொண்டு செல்வதற்கான உரிய ஆவணங்கள் இல்லாததால் அவற்றை தேர்தல் பறக்கும் படை அதிகாரிகள் பறிமுதல் செய்தனர். 

அவற்றை, நாமக்கல் மாவட்டம் ராசிபுரம் வட்டாட்சியர் அலுவலகத்தில் உள்ள உதவி தேர்தல் நடத்தும் அலுவலர் முத்துராமலிங்கத்திடம் ஒப்படைத்தனர். இதுகுறித்து அவர் கூறுகையில், ''பறிமுதல் செய்யப்பட்ட நகைகள் சேலத்தில் இருந்து திண்டுக்கல், மதுரை, புதுக்கோட்டை ஆகிய இடங்களில் உள்ள நகைக் கடைகளுக்குக் கொண்டு செல்லப்படுவதற்காக கூரியர் நிறுவனத்தின் மூலம் அனுப்பி வைத்துள்ளனர். ஆனாலும் இதற்கான உரிய ஆதாரங்கள் இல்லாததால் நகைகளைப் பறிமுதல் செய்து, அரசு கருவூலத்தில் ஒப்படைக்கப்பட்டுள்ளது. சம்பந்தப்பட்ட நிறுவனம், இந்த நகைகளுக்கான ஆதாரங்களைக் காண்பித்துவிட்டு பெற்றுச் செல்லலாம்'' என்றார்.