Skip to main content

 7 பேர் பற்றிய கேள்வி - செய்தியாளர்களை சந்திக்கிறார் ரஜினி 

Published on 13/11/2018 | Edited on 13/11/2018
Rajinikanth



சென்னை விமான நிலையத்தில் நேற்று பேட்டி அளித்த ரஜினியிடம், 7 பேர் விடுதலை தொடர்பாக கேள்வி எழுப்பப்பட்டது. அதற்கு எந்த 7 பேர் என்று ரஜினி கேட்டார். எந்த 7 பேர் என்று அவர் கேட்டதால் விமர்சனங்கள் எழுந்தன. இதுதொடர்பாக இன்று செய்தியாளர்களை அவர் சந்திக்கிறார். 


சென்னை விமான நிலையத்தில் நடிகர் ரஜினிகாந்த் நேற்று செய்தியாளர்களை சந்தித்து பேட்டி அளித்த விபரம்:-

 

செய்தியாளர் : 7 பேர் விடுதலை தொடர்பாக தமிழக அரசு அனுப்பிய கடிதத்தை குடியரசுத் தலைவர் கவனத்திற்கே கொண்டு போகாமல் மத்திய...
 

ரஜினி : எந்த 7 பேர்?
 

செய்தியாளர் : ராஜீவ் காந்தி கொலை வழக்கில்...
 

ரஜினி : எனக்கு அது தெரியவில்லை... இப்பதான் வந்திருக்கிறேன்....
 

செய்தியாளர் : 7 பேர் விடுதலையில் உங்களது நிலைப்பாடு என்ன?
 

ரஜினி : இப்பதான் அதனை கேட்கிறேன்.

 

செய்தியாளர் : தமிழ்நாட்டில் சிறுமிகள் பாலியல் பலாத்காரம் செய்யப்பட்டு வருகிறார்கள். கொல்லப்படுகிறார்கள். இதுபற்றி உங்கள் கருத்து...
 

ரஜினி : இதற்கு கடுமையான சட்டம் கொண்டுவரப்பட வேண்டும். அதோடு மட்டுமல்ல, உடனடியாக அதனை அமல்படுத்த வேண்டும்.
 

செய்தியாளர் : பணமதிப்பிழப்பு அமல்படுத்தி இரண்டு ஆண்டுகள் ஆகிறது. இதுபற்றிய உங்கள் கருத்து என்ன?


ரஜினி : அந்த நடவடிக்கையில் மத்திய அரசு அமல்படுத்தியதில் தவறு நடந்துவிட்டது. அது விரிவாக பேச வேண்டிய விஷயம்.

 

செய்தியாளர் : பாஜகவுக்கு எதிராக மிகப்பெரிய கூட்டணி உருவாக்க வேண்டும் என்று முயற்சி நடைபெறுகிறது. பாஜக அந்த அளவுக்கு ஆபத்தான கட்சியா?
 

ரஜினி : அப்படியென்று இவர்கள் நினைத்துக்கொண்டிருக்கிறார்கள். அப்ப டெஃபனிட்டா அப்படித்தானே இருக்க முடியும்.
 

இவ்வாறு பதில் அளித்தார். 

 

 

 

 

சார்ந்த செய்திகள்

Next Story

ஜனநாயக கடமையாற்றினார் நடிகர் ரஜினிகாந்த்!

Published on 19/04/2024 | Edited on 19/04/2024
Actor Rajinikanth cast his vote

உலகின் மிகப்பெரிய ஜனநாயக திருவிழாவான இந்திய நாட்டின் 18ஆவது நாடாளுமன்ற தேர்தல் நாடுமுழுவதும் களைகட்டி வருகிறது. அதன்படி முதற்கட்டமாக இன்று தொடங்கி ஜூன் 1 ஆம் தேதி வரை 7 கட்டமாக வாக்குப்பதிவு நடைபெறவுள்ளது. முதற்கட்டமாக 21 மாநிலங்கள் மற்றும் யூனியன் பிரதேசங்களில் உள்ள 102 இடங்களுக்கு இன்று வாக்குப்பதிவு நடைபெறுகிறது.

அந்த வகையில் தமிழகத்தில் உள்ள 39 நாடாளுமன்ற தொகுதிக்கும், புதுச்சேரியில் உள்ள ஒரு நாடாளுமன்ற தொகுதிக்கும் இன்று வாக்குப்பதிவு நடைபெற்று வருகிறது. பதற்றமான வாக்குச்சாவடிகளில்  அடுக்கு பாதுகாப்பு போடப்பட்டுள்ளது. சரியாக காலை 7 மணிக்கு தொடங்கிய வாக்குபதிவு மாலை 5 மணி வரை நடைபெறவுள்ளது.

இந்த நிலையில் காலை 7 மணி முதல் வாக்காள பெருமக்கள் ஆர்வத்துடன் வாக்களித்து வருகின்றனர். அதேபோன்று அரசியல் கட்சி தலைவர்கள், வேட்பாளர்கள் என பலரும் தங்களின் வாக்குகளை வாக்குச்சாவடிகளில் செலுத்தி வருகின்றனர்.  அதன்படி நடிகர் ரஜினிகாந்த் சென்னை ஸ்டெல்லா மேரிஸ் கல்லூரியில் தனது வாக்கினை பதிவு செய்துள்ளார்.

Next Story

“அரசியல் கேள்விக்கெல்லாம் பதில் சொல்லமாட்டேன்!”- ரஜினிகாந்த்

Published on 14/03/2024 | Edited on 14/03/2024
Rajinikanth has said that he will not answer political questions

வேட்டையன் படப்பிடிப்பிற்காக சென்னையிலிருந்து ஹைதராபாத் சென்றிருந்த நடிகர் ரஜினிகாந்த், படப்பிடிப்பை முடித்துவிட்டு சென்னை திரும்பினார்.ரஜினிகாந்த் நடிப்பில் அடுத்து வெளிவரும் திரைப்படமான வேட்டையன் படப்பிடிப்பு, ஹைதராபாத் மற்றும் சுற்றுவட்டாரப் பகுதிகளில் நடந்து வருகிறது.

அடுத்தகட்ட படப்பிடிப்பில் கலந்துகொள்ள, சென்னையிலிருந்து விமானம் மூலம் கடந்த 9ஆம் தேதி ஹைதராபாத் புறப்பட்டார். 75 சதவீத படப்பிடிப்பு நிறைவுற்ற நிலையில், அங்கிருந்து விமானம் மூலம் சென்னை திரும்பினார்.

“படப்பிடிப்பு நன்றாகப் போய்க்கொண்டிருக்கிறது..” என்று மீடியாக்களிடம் ரஜினிகாந்த் தெரிவித்தபோது, நாடாளுமன்றத் தேர்தல் குறித்து கேள்வி எழுப்பினார்கள். அதற்கு  “அரசியல் கேள்விக்கெல்லாம் பதில் சொல்லமாட்டேன்..” என்று கூலாகச் சொல்லிவிட்டு கிளம்பினார்.