உலகின் பொருளாதார வளர்ச்சி பாதிக்கப்படும் - ஐக்கிய நாடுகள் சபை

ஐக்கிய நாடுகள் சபையின் பொருளாதார மற்றும் சமூக விவகாரங்களுக்கான துறை தயாரித்துள்ள அறிக்கையில், நாடுகளிடையிலான வர்த்தகப்போர் மற்றும் அதிகரித்து வரும் உலக வெப்பமயமாதல் உள்ளிட்ட காரணங்களால் உலகின் பொருளாதார வளர்ச்சி பாதிக்கப்படும் என்று தெரிவிக்கப்பட்டுள்ளது. 

கடந்த ஆண்டு அமெரிக்க அதிபர் டொனால்ட் ட்ரம்ப், சீன பொருள்கள் மீது அதிக வரி விதித்தார். அதுமட்டுமின்றி கனடா, மெக்சிகோ இடையிலான வர்த்தக பேரங்களும் நடைபெற்றன. மேலும் உலகம் வெப்பமயமாதலை தடுக்க ஒருங்கிணைந்த நடவடிக்கை இல்லாததனால், உணவு உற்பத்தி பாதிக்கப்பட்டு வளரச்சி பாதிக்கப்படும். இது பொருளாதார பின்னடைவுக்கு வழி வகுக்கும் என்று ஐக்கிய நாடுகள் சபையின் பொருளாதார நிபுணர் எலியட் தெரிவித்துள்ளார்.