பிரபல மலையாள நடிகையான மஹிமா நம்பியார், சாட்டை திரைப்படம் மூலம் தமிழ் சினிமாவிற்கு அறிமுகமானார். அதனைத் தொடர்ந்து அவர் நடித்த 'புரியாத புதிர்', 'கொடிவீரன்', 'இரவுக்கு ஆயிரம் கண்கள்' ஆகிய படங்களுக்கு கணிசமான வரவேற்பு கிடைத்தது. மௌனகுரு புகழ் இயக்குநர் சாந்தகுமார் இயக்கத்தில் ஆர்யா நடிப்பில் கடந்த 2019ஆம் ஆண்டு வெளியான மகாமுனி படத்தில் ஆர்யாவிற்கு ஜோடியாக மஹிமா நம்பியார் நடித்திருந்தார். இப்படத்தில் அவர் நடிப்பு பெரிய அளவில் பேசப்பட்டது.
இந்த நிலையில், ஸ்பெயினில் நடைபெற்ற மேட்ரிட் சர்வதேச திரைப்பட விழாவில் மகாமுனி படத்திற்காக சிறந்த துணை நடிகை விருதை மஹிமா நம்பியார் வென்றுள்ளார். இத்தகவலை தன்னுடைய சமூக வலைத்தளப்பக்கத்தில் தெரிவித்துள்ள மஹிமா நம்பியார், இந்த விருதினை வென்றது தனக்கு மகிழ்ச்சியளிப்பதாகக் குறிப்பிட்டுள்ளார். மேலும், படத்தின் இயக்குநர் சாந்தகுமாருக்கும் நடிகர் ஆர்யாவிற்கும் மஹிமா நம்பியார் நன்றி தெரிவித்துள்ளார்.
“Best Supporting actress” at the International Film festival MadridIIF2021 for Magamuni.I feel so overwhelmed &emotional &I’m at a loss for words. I can’t thank you enough @santhakumar_dir 🤗🥰❤️🤩Thank you @Arya_offl @Actress_Indhuja @StudioGreen2 pic.twitter.com/zHZgD7du86
— Mahima Nambiar (@Mahima_Nambiar) August 29, 2021
