ராணிப்பேட்டை மாவட்டம் அரக்கோணத்தில் இயங்கி வரும் இந்தியக் கடற்படை விமானத்தளத்தில் ஹெலிகாப்டர் பைலட் பயிற்சி பள்ளியில் 102 வது ஹெலிகாப்டர் பயிற்சி நிறைவு விழா நடைபெற்றது. பயிற்சியில் இந்தியக் கடற்படையின் அனைத்து ஹெலிகாப்டர் விமானிகளின் அல்மா மேட்டரான இந்தியக் கடற்படை விமானப்படை 561 இல், கடுமையான பறக்கும் மற்றும் தரைப் பயிற்சியை உள்ளடக்கிய தீவிர 22 வார பயிற்சியினை வெற்றிகரமாக நிறைவு செய்த ஒரு பெண் உட்பட 21 பேருக்கு பயிற்சி நிறைவு விழா நடைபெற்றது.
இதில் கிழக்கு பிராந்திய கடற்படை தளபதி வைஸ் அட்மிரல் ராஜேஷ் பெந்தர்கர் சிறப்பு அழைப்பாளராகக் கலந்து கொண்டு திறந்தவெளி ஜீப்பில் வீரர்களின் அணிவகுப்பு மரியாதையை ஏற்றுக் கொண்டார். அதனைத் தொடர்ந்து இப்பயிற்சியில் சிறந்து விளங்கிய அதிகாரிகளுக்கு நினைவு பரிசு வழங்கப்பட்டது.
அதில் பாலின உள்ளடக்கம் மற்றும் பெண்களுக்கான தொழில் வாய்ப்புகளை விரிவுபடுத்துவதற்கான இந்தியக் கடற்படையின் அர்ப்பணிப்பை எடுத்துக்காட்டும் வகையில், சீனியர் லேப் நட் அனாமிகா பி.ராஜீவ் 'முதல் பெண் கடற்படை ஹெலிகாப்டர் பைலட்' பட்டம் பெற்று வரலாறு படைத்துள்ளார். லடாக் யூனியன் பிரதேசத்தில் இருந்து முதல் ஆணையிடப்பட்ட கடற்படை அதிகாரியான லெப்டினன்ட் ஜாம்யாங் செவாங் ஒரு தகுதி வாய்ந்த ஹெலிகாப்டர் பைலட்டாகவும் வெற்றிகரமாக பட்டம் பெற்றார்.
ஃபிளையிங்கில் ஆர்டர் ஆஃப் மெரிட்டில் முதலிடம் வகிக்கும் பயிற்சி விமானிக்கான ஃபிளாக் (flag) ஆபிசர் கமாண்டிங்-இன்-சீஃப், தரைப் பாடங்களில் மெரிட் வரிசையில் முதலிடம் பிடித்ததற்காக சப் லெப்டினன்ட் குண்டே நினைவு புத்தகப் பரிசு வழங்கப்பட்டது. மொத்தத்தில் முதலாவதாக கேரள ரோலிங் டிராபி ஆளுநருக்கு தகுதிக்கான வரிசை வழங்கப்பட்டது. நிகழ்ச்சியில் அதிகாரிகள் பலர் கலந்து கொண்டனர்.
- "எல்லாருமே பார்ப்பீங்க" - விவரிக்கும் 'கூச முனுசாமி வீரப்பன்'
- "அதான் அடிச்சு தூக்குனேன்" - கூலாக சொன்ன கூச முனுசாமி வீரப்பன்
