Breaking

காவல் நிலையத்திற்கு பெயிண்ட் அடிக்க ரவுடியிடம் ஸ்பான்சர் வசூல்... இன்ஸ்பெக்டர் உள்பட 6 பேர் அதிரடி இடமாற்றம்!

Photographer

Published on 26/08/2021 | Edited on 26/08/2021

Sponsorship collection to Rowdy to paint police station; 6 people including inspector transferred to action!

சேலம் அழகாபுரம் காவல் நிலையத்தில் ரவுடியிடம் மாமூல் வசூலித்த புகாரின் பேரில் ஆய்வாளர் கந்தவேல் உள்பட 6 பேர் கூண்டோடு இடமாற்றம் செய்யப்பட்டுள்ளனர்.

சேலம் அழகாபுரம் காவல் நிலையத்தில் ரவுடி ஒருவரிடம் 40 ஆயிரம் ரூபாய் மாமூல் வசூலித்தது தொடர்பாக மாநகர காவல்துறை ஆணையர் நஜ்மல் ஹோடாவுக்கு புகார்கள் சென்றன. இதுகுறித்து விசாரிக்குமாறு துணை அணையர் கும்மராஜாவுக்கு உத்தரவிட்டார்.

விசாரணையில், அழகாபுரம் காவல் நிலைய காவல்துறையினர் வசூல் வேட்டை நடத்தியது உறுதிப்படுத்தப்பட்டது. காவல் நிலையத்திற்குப் புதிதாக பெயிண்ட் அடிக்க வேண்டும் என்று கூறி மாமூல் வசூலித்துள்ளதாக காவலர் ஒருவர் கூறியுள்ளார்.

இதுகுறித்த முழுமையான விசாரணை அறிக்கை மாநகர காவல்துறை ஆணையரிடம் சமர்ப்பிக்கப்பட்டது. இதையடுத்து, காவல் ஆய்வாளர் கந்தவேல் உள்பட 6 பேரை உடனடியாக இடமாற்றம் செய்து ஆணையர் உத்தரவிட்டுள்ளார்.

அதன்படி, ஆய்வாளர் கந்தவேல் பள்ளப்பட்டி காவல் நிலையத்திற்கும், எஸ்.ஐ. கிருஷ்ணமூர்த்தி அம்மாபேட்டை காவல் நிலையத்திற்கும் இடமாற்றம் செய்யப்பட்டுள்ளனர்.

எஸ்.எஸ்.ஐ.க்கள் ரவி சேலம் நகர குற்றப்பிரிவு காவல் நிலையத்திற்கும், சிவன் அன்னதானப்பட்டிக்கும், சந்திரசேகர் அம்மாபேட்டைக்கும், தலைமைக் காவலர் பாஸ்கர் கிச்சிப்பாளையத்திற்கும் மாற்றப்பட்டுள்ளனர்.

இச்சம்பவம் சேலம் மாநகர காவல்துறையில் பெரும் பரபரப்பை ஏற்படுத்தியுள்ளது.

விரிவான அலசல் கட்டுரைகள்

சார்ந்த செய்திகள்

ஜீவாதங்கவேல்

Photographer

Published on 26/04/2024 | Edited on 26/04/2024

young man who went to visit a relative's house passed away

ஈரோடு, சூரம்பட்டி, நேரு வீதியைச் சேர்ந்தவர் சுலோச்சனா (73). இவரது கணவர் மருதாசலம் (75). இவர்களுக்கு மூன்று மகன்கள் உள்ளனர். கடைசி மகன் மட்டும் திருமணம் ஆகி தனியாக வசித்து வருகிறார். மற்ற இரண்டு மகன்களும் பெற்றோர்களுடன் வசித்து வந்தனர். 2-வது மகன் மோகனுக்கு மது குடிக்கும் பழக்கம் உள்ளது. இந்த நிலையில், கடந்த 21ஆம் தேதி சித்தோடு, சாணார்பாளையத்தில் உள்ள தங்களது உறவினர் வீட்டு விசேஷத்துக்குச் சென்று வருவதாக கூறிச் சென்ற மோகன் அதன்பின் வீடு திரும்பவில்லை.

இதையடுத்து, பல்வேறு இடங்களில் மகனைத் தேடி வந்த தாய் சுலோச்சனா, நேற்று சித்தோடு பகுதியில் சென்று தன் மகன் குறித்து விசாரித்துள்ளார். அப்போது, கடந்த 21ஆம் தேதி மதுபோதையில் சித்தோடு வந்த மோகன் அங்குள்ள செல்போன் கடை முன்பாக மயங்கிக் கிடந்தவர், சிறிது நேரத்தில் இறந்து விட்டதாகவும், இதையடுத்து, அங்கிருந்தவர்கள் மோகனின் உடலை சித்தோடு அரசு மருத்துவக் கல்லூரி மருத்துவமனைக்கு அனுப்பி வைத்து விட்டதாகவும் தெரிவித்துள்ளனர்.

இதையடுத்து, சுலோச்சனா அரசு மருத்துவக் கல்லூரி மருத்துவமனைக்கு சென்று இறந்தது தனது மகன் மோகன் தான் என்பதை உறுதி செய்தார். இதுகுறித்து நேற்று அவர் அளித்த புகாரின் பேரில், சித்தோடு போலீசார் வழக்குப் பதிவு செய்து விசாரித்து வருகின்றனர்.

விரிவான அலசல் கட்டுரைகள்

நக்கீரன் செய்திப்பிரிவு

Photographer

Published on 26/04/2024 | Edited on 26/04/2024

உலகின் மிகப்பெரிய ஜனநாயக திருவிழாவான இந்திய நாட்டின் 18ஆவது நாடாளுமன்றத் தேர்தல் நாடு முழுவதும் களைகட்டி வருகிறது. அதன்படி வாக்குப்பதிவானது முதற்கட்டமாக கடந்த ஏப்ரல் 19 ஆம் தேதி தொடங்கி வரும் ஜூன் 1 ஆம் தேதி வரை 7 கட்டமாக நடைபெற உள்ளது. தமிழ்நாடு உள்ளிட்ட 21 மாநிலங்கள் மற்றும் யூனியன் பிரதேசங்களில் உள்ள 102 இடங்களுக்கு கடந்த 19 ஆம் தேதி வாக்குப்பதிவு நடைபெற்று முடிந்தது. இதன் ஒரு பகுதியாக நாடு முழுவதும் 13 மாநிலங்களில் உள்ள 87 மக்களவைத் தொகுதிகளில் இன்று (26.04.2024) 2ஆம் கட்ட வாக்குப்பதிவு நடைபெற்று வருகிறது.

இந்நிலையில் கர்நாடக மாநிலம் பெங்களூருவின் தெற்கு மக்களவைத் தொகுதி பாஜக வேட்பாளர் தேஜஸ்வி சூர்யா மீது போலீசார் வழக்குப்பதிவு செய்துள்ளனர். சமூக வலைத்தள பக்கமான எக்ஸ் வலைத்தள பக்கத்தில் மதரீதியாக வாக்கு சேகரிப்பது தொடர்பான வீடியோ ஒன்றை பாஜக வேட்பாளர் தேஜஸ்வி சூர்யா வெளியிட்டிருந்தார். இந்நிலையில் ஜெயநகர் போலீசார் அவர் மீது தற்போது வழக்குப்பதிவு செய்துள்ளனர். ஏற்கெனவே இன்று காலை மற்றொரு பாஜக வேட்பாளரான சுதாகர் மீது போலீசார் வழக்குப்பதிவு செய்திருந்தனர் என்பது குறிப்பிடத்தகுந்தது.