Skip to main content

கொரியா தமிழ்ச்சங்க விருதுகள் வழங்கும் விழா!

Published on 08/10/2019 | Edited on 08/10/2019

 

 

தென் கொரியாவில் நடந்த தமிழ் கலை இலக்கிய சந்திப்பு நிகழ்வில் 2019-ம் ஆண்டிற்கான கொரிய தமிழ்ச்சங்க விருதுகள் வழங்கப்பட்டது

 

கொரிய தமிழ்ச்சங்கம் சார்பாக அக்டோபர் 6 ஆம் தேதி ஞாயிற்றுக்கிழமை, கியாங்கி பல்கலைக்கழக பன்னாட்டு வளாகம், சுஒன்-ல் முன்றாவது தமிழ் கலை இலக்கியச் சந்திப்பு நடைபெற்றது. இதில்  கொரியா தமிழ்ச்சங்கத்தை சார்ந்த பல்வேறு துறைகளில் சாதித்த உறுப்பினர்களுக்கு ஆண்டுதோறும் வழங்கப்படும் கொரியா தமிழ்ச்சங்க விருதுகள் வழங்கப்பட்டன. அறிவியல் துறையில் சிறப்பான ஆய்வுக் கட்டுரைகள் சமர்ப்பிக்கபட்டதற்காக முப்பது பேருக்கும், பெண் ஆராய்ச்சியாளர் மூன்று பேருக்கும், பொறியியல் துறையில் 7 உறுப்பினர்களுக்கும், விளையாட்டுத்துறையில் சாதித்த இரண்டு அணிகளுக்கும் வழங்கப்பட்டன.
 

korea



சிறந்த தொழில்நுட்ப மேலாண்மையில் இருவருக்கும், மக்களிடையே சமுக விழிப்புணர்வை ஏற்படுவதற்காக இருவருக்கும் (ஆதனுர் சோழன், மூத்த துணை ஆசிரியர், நக்கீரன், மற்றும் ஆழி செந்திநாதன், ஆழி பதிப்பகம்), சமூக செயற்பாட்டாளர் ஒருவருக்கும், படைப்பாளிகள் இருவருக்கும் (மெரீனா புரட்சி திரைப்பட இயக்குனர் எம். எஸ். இராஜ் உள்ளிட்ட), அறிவியல் தமிழை வளர்ப்பதர்க்காக இருவருக்கும் வழங்கப்பட்டது.

 

குறிப்பாக இந்த விழாவில் உரையாற்றிய இந்த விழாவில் தமிழ்-கொரியா மொழி மற்றும் பண்பாட்டு ஒற்றுமைகளும் என்ற தலைப்பில் உரையாற்றிய, முனைவர். சிவஞானம் பாலசுப்பிரமணியனுக்கு (ஒரிசா பாலு) "உலகத்தமிழன் விருதும்",  கணினித்மிழுக்கு அரும்பங்காற்றிய காலஞ்சென்ற மா. ஆண்டோ பீட்டர் குறித்து நினைவு சொற்பொழிவாற்றிய  ஆளூர் சாநவாஸ் அவர்களுக்கு "சமூக பண்பாளர்" விருதும் கொரியா தமிழ்ச்சங்கத்தால் வழங்கி மதிப்பளிக்கப்பட்டது. முன்னதாக இந்த நிகழ்வில் இளம் சட்டவாளரும் அரசியல் தலைவருமான இராஜீவ் காந்தி இந்திய சமூக மற்றும் அரசியலில் பாலின சமத்துவம் என்ற தலைப்பில் இணையவழி நிகழ்நிலை உரையாற்றியிருந்தார் என்பது குறிப்பிடத்தக்கது.

 

korea



இந்த விருது வழங்கும் நிகழ்வினை சங்கத்தின் உறுப்பினர்களான  விஜயலட்சுமி பத்மநாபன், முனைவர். காளிமுத்து பாண்டி, ஆனந்த் முது மற்றும் நந்தா முருகன், ஆகியோர் ஏற்பாடு செய்திருந்தனர்.  முன்னதாக விருதுக்கான தெரிவுக்குழு தலைவர் முனைவர். புருசோத்தமன் பாஸ்கரன் மற்றும் ஒருங்கிணைப்பாளர் முனைவர். செல்வராஜ் ஆரோக்கியராஜ் ஆகியோர் பரிந்துரைத்து கொரிய தமிழ்ச்சங்கத்தின் செயலாளர் முனைவர் இராமன் குருசாமி, கொரிய தமிழ்ச்சங்கத்தின் தலைவர் முனைவர் சுப்ரமணியன் இரமசுந்தரம் ஆகியோர் விருதாளர்களை அறிவித்தனர்.

 

Next Story

1857 கி.மீ. சைக்கிள் ஓட்டும் போட்டியில் வென்ற கொரியத் தமிழர்

Published on 26/02/2024 | Edited on 26/02/2024
Korean Tamil wins cycling competition

உலகம் முழுவதும் தமிழர்கள் வேலைக்கு சென்றிருக்கிறார்கள். ஆனால், பணிபுரியும் நாட்டில் இந்தியாவுக்கும் தமிழ்நாட்டுக்கும் பெருமை சேர்த்து, சாதனை புரிபவர்கள் மிகவும் சிலரே இருக்கிறார்கள். அப்படி பல துறைகளிலும் இந்தியாவுக்கும் தமிழ்நாட்டுக்கும் பெருமை சேர்க்கும் வகையில் சாதனை புரிந்த தமிழர்களைக் கவுரவிக்க, தமிழ்நாடு அரசு ஆண்டுதோறும் விழா நடத்தி விருது வழங்குகிறது.

2023 ஆம் ஆண்டுக்கான அயலகத் தமிழர் விருது வழங்கும் விழா 2024 ஜனவரியில், சென்னை வர்த்தக மையத்தில் நடைபெற்றது.  மூன்றாம் ஆண்டாக நடைபெற்ற இந்த அயலகத் தமிழர் மாநாட்டில் தமிழ்நாடு முதலமைச்சர் மு.க.ஸ்டாலின், அறிவியல், தொழில், சமூக சேவை, விளையாட்டு என 8 பிரிவுகளின் கீழ் பல்வேறு துறைகளில் சிறப்பாக செயல்பட்ட 14 அயலகத் தமிழர்களுக்கு விருதுகளை வழங்கினார். இதில் 58 நாடுகளில் இருந்து தமிழ் வம்சாவளியினர், அமைச்சர்கள், கல்வியாளர்கள், கவிஞர்கள் உள்ளிட்டோர் கலந்து கொண்டனர். 218 உலகத் தமிழ்ச் சங்கங்களைச் சேர்ந்த அயலகத் தமிழர்கள் பங்கேற்றனர்.

முதலமைச்சர் மு.க.ஸ்டாலினிடம் விருதுபெற்ற 14 அயலகத் தமிழர்களில், அவர்களில் மதுரை மாவட்டம் திருப்பரங்குன்றம் அருகேயுள்ள குதிரைகுத்தி கிராமத்தைச் சேர்ந்த முனைவர் குருசாமி ராமன் தனித்த சிறப்புடையவர். இவருக்கு விளையாட்டில் சாதனை புரிந்த தமிழர் பிரிவில், தமிழ்நாடு அரசின் கணியன் பூங்குன்றனார் விருது, தங்கப் பதக்கத்துடன் பாராட்டுப் பத்திரமும் வழங்கப்பட்டது.

Korean Tamil wins cycling competition

முனைவர் குருசாமி ராமன், கொரியாவில் 1857 கிலோமீட்டர் தூரமுள்ள சைக்ளிங் கிராண்ட் ஸ்லாம் போட்டியில் வெற்றிபெற்ற முதல் இந்தியத் தமிழர் என்ற பெருமையைப் பெற்றவர். இதன்மூலம், தமிழ்நாட்டுக்கும், கொரியாவில் வசிக்கும் தமிழர்களுக்கும் பெருமை சேர்த்துள்ளார்.குதிரை குத்தி கிராமத்தைச் சேர்ந்த குருசாமி – மாரியம்மாள் தம்பதியின் மகனாக, பின்தங்கிய கிராமத்தில் பிறந்த முனைவர் ராமன் தென் கொரியாவில் உள்ள யெங்ணம் பல்கலைக்கழகத்தில் ஜினோமிக்ஸ் பிரிவில் ஆராய்ச்சியாளராகவும் உதவி பேராசிரியராகவும் தென் கொரியாவில் உள்ள யெங்ணம் பல்கலையில் கடந்த பத்து வருடங்களாக பணிபுரிகிறார். முனைவர் ராமன், மனைவி பொன் அருணா மற்றும் மகள் அதிராவுடன் தென் கொரியாவில் வசித்து வருகிறார்.

Next Story

கொரிய பெண்களை பாலியல் வன்கொடுமை செய்த பாஜக பிரமுகர்; ஆஸ்திரேலியா நீதிமன்றம் அதிரடி! 

Published on 26/04/2023 | Edited on 26/04/2023

 

australia overseas friends of the bjp leader balesh dhankhar related court judgement

 

ஆஸ்திரேலியாவில் உள்ள  சிட்னியில் வசித்து வரும் இந்திய வம்சாவளி தொழிலதிபர் பாலேஷ் தன்கர். பாஜக பிரமுகரான இவர்  'ஓவர்சீஸ் பிரண்ட்ஸ் ஆஃப் தி  பி.ஜே.பி' எனும் பாஜகவின் வெளிநாட்டு உறுப்பினர்களுக்காக அமைப்பை உருவாக்கி அதன் தலைவராகச் செயல்பட்டு வந்தவர். இந்நிலையில் பாலேஷ் தன்கர் வீட்டில் கடந்த 2018ம் ஆண்டு போலீசார் திடீரென சோதனை மேற்கொண்டனர். அப்போது அவரது வீட்டில் பல பெண்களை பாலேஷ் தன்கர் பாலியல் வன்கொடுமை செய்து பதிவு செய்து வைத்திருந்த வீடியோக்களை போலீசார் கைப்பற்றினர். அந்த வீடியோவில் இருந்த பெண்களில் சிலர் சுயநினைவில்லாமல்  போதையில் இருந்துள்ளனர். அந்த விடீயோக்களில் இருந்தவர்களில் பெரும்பாலும் கொரிய நாட்டைச் சேர்ந்த  பெண்களாக இருக்கும் என போலீசார் கருதினர். இது மட்டுமின்றி பாலேஷ் தன்கர் மீது ஐந்து பெண்களை பாலியல் வன்கொடுமை செய்து தாக்கியதாக ம குற்றம் சாட்டப்பட்டது.

 

இது தொடர்பாக வழக்கு பதிவு செய்யப்பட்டு  இவ்வழக்கு சிட்னி நீதிமன்றத்தில் விசாரணையில் இருந்து வந்த நிலையில்  தற்போது அனைத்து தரப்பு வாதங்களும் முடிவடைந்த நிலையில் குற்றம் சாட்டப்பட்ட பாலேஷ் தன்கர் போதைப் பொருட்களை பயன்படுத்தி அதன் மூலம் பெண்களை பாலியல் கொடுமை செய்துள்ளார். இணையதளம் மூலம் பெண்களை வீட்டிற்கு வரவழைத்து  தனிமையில் இருந்ததும் உறுதி செய்யப்பட்டுள்ளது. இவர்களில்  5 கொரிய பெண்களை தாக்கியுள்ளார். ஆஸ்திரேலியாவுக்கு வேலை தேடி வரும் கொரிய பெண்களை தன்னுடைய பாலியல் இசைக்கும் பயன்படுத்தி வந்துள்ளார். மேலும் பெண்களுக்கு மது அல்லது ஐஸ் கிரீமில்  மயக்க மருந்து கலந்து கொடுத்து தனது பாலியல் வன்கொடுமை செய்து வந்துள்ளார்.

 

இது குறித்து இவரிடம் தட்டிக்கேட்ட பெண்களை தாக்கியுள்ளார். மேலும் தனது படுக்கை அறையில் உள்ள கடிகாரத்தில் மறைத்து வைத்திருந்த ரகசிய கேமரா மூலம் பெண்களுடன் தனிமையில் இருக்கும் காட்சிகளையும், தன்னுடன் ஒத்துழைக்காத பெண்களை தாக்கும் காட்சிகளையும் அந்த கேமிரா மூலம் பதிவு செய்துள்ளார். இதன் பதிவுகளை போலீசார் கைப்பற்றியதன் அடிப்படையில் பாலேஷ் தன்கர் குற்றவாளி என்பது உறுதியாகி உள்ளது. மேலும் அவருக்கான தண்டனை விவரங்கள் பின்னர் அறிவிக்கப்படும் என்று நீதிமன்றம் தெரிவித்துள்ளது.