Skip to main content

'வோட்டர் ஹெல்ப் லைன்' செயலி மூலம் மாணவிகளுக்கு விழிப்புணர்வு

Published on 25/11/2022 | Edited on 25/11/2022

 

nn

 

புதுச்சேரி காந்தி வீதியில் உள்ள பாரதிதாசன் மகளிர் கலை மற்றும் அறிவியல் கல்லூரியில் இன்று கல்லூரி மாணவிகளுக்கான வாக்காளர் சேர்ப்பு மற்றும் விழிப்புணர்வு முகாம் நடைபெற்றது. இந்த நிகழ்ச்சியில் உதவி வாக்காளர் அதிகாரி, வட்டாட்சியர் மற்றும் கல்லூரி முதல்வர் கலந்துகொண்டு புதிய வாக்காளர்கள் தங்களது வாக்காளர் அடையாள அட்டையை 'வோட்டர் ஹெல்ப் லைன்' என்கிற செயலி மூலம் தங்களைப் பதிவு செய்வது குறித்து செயல் விளக்கம் அளிக்கப்பட்டுப் பதிவு செய்தனர்.

 

'வோட்டர் ஹெல்ப் லைன்' என்கிற செயலி மூலம் கல்லூரி மாணவர்கள் தங்களது வாக்காளர் அடையாள அட்டையைப் பெறுவதற்காகப் பூர்த்தி செய்தனர். தொடர்ந்து அதிகாரிகள் ஒவ்வொருவரின் வாக்குரிமை, ஒவ்வொரு வாக்கின் மதிப்பு, இளம் வாக்காளர்களே தேசத்தின் வலிமையான தலைவர்களைத் தேர்ந்தெடுக்க வலிமை உள்ளவர்கள் என்பது குறித்து விளக்கமளித்தனர்.

 

தொடர்ந்து மாணவிகள் பலரும் தங்களது வாக்காளர் விவரங்களைச் செயலி மூலம் பதிவு செய்தனர். நிகழ்ச்சியில் தேர்தல் அதிகாரிகள் ஜெகநாதன், சத்தியமூர்த்தி, ஜெகன், சிவராஜ் உள்ளிட்டோர் கலந்து கொண்டனர். இதற்கான ஏற்பாடுகளைக் கல்லூரி நிர்வாகம் மற்றும் தேர்தல் துறை அதிகாரிகள் செய்திருந்தனர்.

 

 

சார்ந்த செய்திகள்

Next Story

'100 நாள் வேலை ஊதியம்' - மத்திய அரசு வெளியிட்ட திடீர் அரசாணை

Published on 28/03/2024 | Edited on 28/03/2024
'100 days of work wages'- Sudden decree issued by the central government

100 நாள் வேலை ஊதியத்தை உயர்த்தி மத்திய அரசு அரசாணை வெளியிட்டுள்ளது.

தமிழகம் மற்றும் புதுச்சேரியில் 100 நாள் வேலைவாய்ப்பு திட்டத்தின் ஊதியத்தை 319 ரூபாயாக உயர்த்தி ஒன்றிய அரசு அரசாணை பிறப்பித்துள்ளது.

தற்பொழுது தேர்தல் நடத்தை விதிகள் அமலில் இருப்பதால் தேர்தல் ஆணையத்தின் அனுமதியைப் பெற்று இந்த அரசாணை வெளியிடப்பட்டுள்ளதாக ஒன்றிய அரசு சார்பில் தெரிவிக்கப்பட்டுள்ளது. மாநிலம் வாரியாக 100 நாள் வேலைத் திட்டத்திற்கான ஊதியத்தை ஏற்கனவே அதிகரித்து மத்திய அரசு அறிவித்து வெளியிட்டிருந்த நிலையில் இதற்கான அரசாணை தற்போது வெளியிட்டுள்ளது.

அண்மையில் மகளிர் தினத்தின் போது சமையல் சிலிண்டர் விலை குறைப்பு நடவடிக்கையில் ஒன்றிய அரசு  ஈடுபட்ட நிலையில், தேர்தல் நேரத்தில் பாஜக அரசு வாக்குகளைப் பெற இதுபோன்ற சலுகைகளை அறிவிப்பதாக எதிர்க்கட்சிகள் குற்றம்சாட்டி வந்தன. இந்நிலையில் தற்போது தேர்தல் தேதி அறிவிக்கப்பட்ட பின்னர் 100 நாள் வேலையின் ஊதியத்தை உயர்த்தி மத்திய அரசு வழங்கியுள்ளதையும் எதிர்க்கட்சிகள் விமர்சித்து வருகின்றன.

Next Story

லிஸ்டில் உள்ள 737 பேர்; இன்றே கடைசி நாள்

Published on 27/03/2024 | Edited on 27/03/2024
737 people on the list; Today is the last day

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

மார்ச் 20 ஆம் தேதி வேட்புமனு தாக்கல் தொடங்கிய நிலையில், 27 ஆம் தேதி வேட்புமனு தாக்கல் செய்யக் கடைசி நாள் என அறிவிக்கப்பட்டிருந்தது. அதன்படி இன்று கடைசி நாளாகும். தமிழ்நாட்டின் 39 தொகுதிகள் உட்பட 102 தொகுதிகளுக்கான வேட்புமனு தாக்கல் இன்று நிறைவு பெறுகிறது. நாளை வேட்புமனு பரிசீலனை நடைபெறுகிறது. நாடாளுமன்றத் தேர்தலில் போட்டியிடத் தமிழ்நாட்டில் இதுவரை 737 பேர் வேட்புமனு தாக்கல் செய்துள்ளனர். 39 தொகுதிகளில் இதுவரை ஆண்கள் 628 பேரும், பெண்கள் 109 பேரும் வேட்புமனு தாக்கல் செய்துள்ளதாகத் தேர்தல் ஆணையம் தெரிவித்துள்ளது.