தமிழ் சினிமாவில் பல மலையாள நடிகர்கள் நடித்திருக்கிறார்கள். அதேபோல கேரள சூப்பர்ஸ்டார்களான மம்முட்டி மற்றும் மோஹன்லால் இருவருமே தமிழ் சினிமாவில் நடித்துள்ளனர். இதில் இருவர், ஜில்லா என்ற தமிழ் படங்களில் நடித்திருக்கிறார் மோகன்லால்.
நடிகர் பிரித்விராஜ் இயக்கத்தில் மோஹன்லால் நடித்து வெளியாகிருக்கும் படம் லூசிஃபெர். கேரளாவில் ரிலீஸாகி செம மாஸ் கலெக்ஷனை குவித்து வருகிறது. படத்தில் பல மாஸ் சண்டை காட்சிகள் இருப்பதனால் இந்த படத்தை ரசிகர்கள் கொண்டாடி வருகின்றனர். உலகம் முழுவதும் ரிலீஸாகியுள்ள இந்த படத்திற்கு நல்ல வரவேற்பு இருக்கிறது. மோஹன்லால் படமான புலி முருகன் படம் செய்த சாதனைகளை இந்த படம் முறியடிக்கும் என்றும் எதிர்பார்க்கப்படுகிறது.
இந்நிலையில், லூசிஃபெர் படத்தில் மோகன்லால் செருப்பு காலால் போலீஸை எட்டி மிதிப்பது போன்ற காட்சி இடம் பெற்றுள்ளது. போலீஸை உதைக்கும் ஸ்டில் கேரளா முழுவதும் போஸ்டர்களாக ஒட்டியுள்ளது படக்குழு. அதனை கேரள போலீஸ் சங்கம் கண்டித்து முதலமைச்சர் பினராயி விஜயனிடம் புகார் மனு கொடுத்துள்ளது. சமூக வலைதளத்தில் இந்த புகாரை பல இளைஞர்கள் கேலி செய்து வருகின்றனர்.
கே.வி.ஆனந்த இயக்கத்தில் சூர்யா ஹீரோவாக நடிக்கும் படத்தில் இந்திய பிரதமராக மோகன் லால் நடிக்கிறார் என்பது குறிப்பிடத்தக்கது.
