புவி வட்டப்பாதையில் இருந்து விலகி நிலவின் வட்டப்பாதையில் சந்திரயான்-2 சுற்றத்தொடங்கியது.
இதுதொடர்பாக பெங்களூருவில் இன்று செய்தியாளர்களிடம் பேசிய இஸ்ரோ தலைவர் சிவன், "இதுவரை யாரும் கால் பதிக்காத நிலவின் தென்துருவத்தில் தரையிறங்கும் நிகழ்வுக்கான முன்னோடியாக, சந்திரயான் - 2 விண்கலம், இன்று காலை பூமியின் சுற்றுவட்டப்பாதையில் இருந்து விலகி, நிலவின் சுற்று வட்டப்பாதைக்கு சென்று சுற்றத் தொடங்கி உள்ளது. இன்று காலை 9.02 மணிக்கு தொடங்கிய இந்த நிகழ்வு 1728 வினாடிகளில் நிறைவடைந்து, நிலவின் சுற்று வட்டப்பாதையில், சந்திரயான் - 2 விண்கலம் சுற்றத் தொடங்கி உள்ளது. இது வரலாற்று நிகழ்வு.
அடுத்து முக்கிய நிகழ்வு வரும் செப்டம்பர் 2 ஆம் தேதி நடைபெற உள்ளது. அன்றைய தினம் விக்ரம் லேண்டர் தற்போதைய சுற்றுவட்டப் பாதையில் இருந்து விலகும், அதன்பின் 3 ஆம் தேதி அதன் சுற்றுவட்டப் பாதையில் சிறிய மாற்றம் செய்யப்பட்டு லேண்டர் இயல்பாக செயல்படுவதை உறுதி செய்வோம். இந்த நிகழ்வு 3 வினாடிகள் நடைபெறும். திட்டமிட்டப்படி வரும் 7 ஆம் தேதி நிலவின் தென் பகுதியில் சந்திரயான் 2 தரையிறங்கும். அன்றைய தினம் பிரதமர் நரேந்திர மோடிக்கு இஸ்ரோ வர அழைப்பு விடுத்துள்ளோம்" என கூறினார்.
- "எல்லாருமே பார்ப்பீங்க" - விவரிக்கும் 'கூச முனுசாமி வீரப்பன்'
- "அதான் அடிச்சு தூக்குனேன்" - கூலாக சொன்ன கூச முனுசாமி வீரப்பன்
