ஆந்திராவில் 24 மணி நேரத்தில் 1,555 பேருக்கு கரோனா தொற்று!

இந்தியாவில் மராட்டியம், தமிழ்நாடு, குஜராத், டெல்லி உள்ளிட்ட மாநிலங்களில் கரோனா பாதிப்பு அதிகமாக இருந்து வருகின்றது.

தென்மாநிலங்களில் ஒன்றான ஆந்திராவில், கரோனாவால் பாதிக்கப்பட்டவர்களின் எண்ணிக்கை சீரான வண்ணம் உயர்ந்து வருகின்றது. கடந்த 24 மணி நேரத்தில் 1,555 பேருக்கு கரோனா தொற்று உறுதி செய்யப்பட்டுள்ளது. இதன்மூலம் அம்மாநிலத்தில் கரோனாவால் பாதிக்கப்பட்டவர்களின் எண்ணிக்கை 23,814 ஆக உயர்ந்துள்ளது. கரோனா தொற்றுக்கு இன்று மேலும் ஐந்து பேர் உயிரிழந்த நிலையில், இதுவரை மொத்த பலி எண்ணிக்கை 198 ஆக உயர்ந்துள்ளது. இதுவரை மாநிலத்தில் 12,154 பேர் சிகிச்சை பெற்று குணமடைந்துள்ளனர். 11,383 பேர் மருத்துவமனையில் சிகிச்சையில் இருந்து வருவதாக அம்மாநில சுகாதாரத்துறை அதிகாரிகள் தெரிவித்துள்ளார்கள்.