Skip to main content

சாமி சிலைகள் உடைப்பு: ஈரோடு மாவட்டத்தில் பெரும் பரபரப்பு

Published on 21/10/2019 | Edited on 21/10/2019

 

சாமி சிலைகள் உடைப்பு விவகாரம் ஈரோடு மாவட்டத்தில் பெரும் பரபரப்பை ஏற்படுத்தி உள்ளது.
 

ஈரோடு மாவட்டம் சிவகிரி அருகே உள்ள அம்மன் கோயில் என்ற பகுதியில் பொன் காளியம்மன் கோயில் உள்ளது. இது இந்துசமய அறநிலையத்துறைக்கு கட்டுப்பட்டது இந்தக் கோயில். கொங்கு வேளாளர் கவுண்டர் சமூகத்தின் சில பிரிவினர் இதை  குலதெய்வமாக வழிபாடு செய்கிறார்கள்.


இந்த கோயிலுக்கு அருகே தொப்ப பாளையம் என்ற இடத்தில் இக்கோயிலின் மூதாதையர்கள் என சொல்லப்படும் காளியண்ணன் சிலைகள் வைக்கப்பட்டிருக்கிறது. இந்த சிலைகளை சுற்றி இரும்பாலான காம்பவுண்டு அமைக்கப்பட்டிருக்கிறது.


 

erode


 

 


இந்த நிலையில் நேற்று நள்ளிரவு ஏழு பேர் கொண்ட மர்ம கும்பல் முகமூடி அணிந்துகொண்டு காம்பவுண்ட் உடைத்து உள்ளே சென்று இரண்டு சாமி சிலைகளையும் சுத்தியலால் அடித்து உடைத்து விட்டனர். இன்று காலையில் சாமி சிலைகள் உடைக்கப்பட்டு இருப்பதை கண்ட மக்கள் பதட்டம் அடைந்தனர். இந்த செய்தி காட்டுத் தீ போல ஈரோடு மாவட்டம் முழுக்க பரவியது. பல ஊர்களிலிருந்து  நூற்றுக்கணக்கானோர் கோயிலுக்கு விரைந்தனர். இத்தகவல் கேள்விப்பட்ட போலீசாரும் பெரும்படையுடன் அங்கு சென்றனர் இந்த நிலையில் அப்பகுதி முழுக்க சாலைமறியல்  கடையடைப்பு என பல்வேறு போராட்டங்கள் நடந்து வருகிறது

 

 


 

 

erode

 

உயர் போலீஸ் அதிகாரிகள் முதல் நூற்றுக்கணக்கான போலீசார் வரை அப்பகுதியில் பாதுகாப்பு பணியில் ஈடுபட்டு வருகிறார்கள் சாமி சிலைகள் உடைப்பு விவகாரம் சாதிய கலவரமாக மாறும் அபாயம் ஏற்பட்டுள்ளது. மற்றொரு சமூகத்தை சேர்ந்த சமூக விரோதிகள் இச் சிலைகளை உடைத்து திட்டமிட்டே சாதி கலவரத்தை உருவாக்க முனைந்துள்ளார்கள் என பொதுமக்கள் கூறுகிறார்கள். சிலைகள் உடைப்பு விவகாரம் கொங்கு மண்டல மாவட்டங்களில் பதட்ட நிலையை ஏற்படுத்தியுள்ளது.


 

சார்ந்த செய்திகள்

Next Story

தேர்தல் பணிக்காக ஈரோட்டில் இருந்த போலீசார் கேரளா பயணம்

Published on 22/04/2024 | Edited on 22/04/2024
Police from Erode to Kerala for election duty

18ஆவது நாடாளுமன்றத் தேர்தல், நாடு முழுவதும் களைகட்டி வருகிறது. 7 கட்டங்களாக இந்தத் தேர்தல் நடைபெறும் நிலையில் முதற்கட்ட வாக்குப்பதிவு, கடந்த 19ஆம் தேதி நடைபெற்று முடிந்துள்ளது. இதில் தமிழ்நாடு உள்ளிட்ட 21 மாநிலங்கள் மற்றும் யூனியன் பிரதேசங்களில் உள்ள 102 இடங்கள் அடங்கும். இதையடுத்து மற்ற மாநிலங்களில் அடுத்தடுத்து வாக்குப்பதிவு நடைபெறவுள்ளது. ஜூன் 1ஆம் தேதி கடைசி நாள் வாக்குப்பதிவு நடைபெறுகிறது. ஜூன் 4ஆம் தேதி தேர்தலின் முடிவுகள் அறிவிக்கப்படவுள்ளன.

இதனால் இரண்டாம் கட்ட தேர்தலுக்கான பிரச்சாரம் வட இந்திய மாநிலங்களில் தீவிரமாக நடைபெற்று வருகிறது. அரசியல் தலைவர்கள் தங்களின் பிரச்சாரத்தைத் தீவிரமாக செய்து வருகின்றனர். அதன்படி கேரள மாநிலத்தில் வரும் 26 ஆம் தேதி பாராளுமன்றத் தேர்தலுக்கான ஓட்டுப் பதிவு நடக்கிறது. இதற்கான பாதுகாப்புப் பணிக்காக பல்வேறு மாநிலங்களில் இருந்து போலீசார் கேரளா செல்லத் தொடங்கியுள்ளனர். அதன்படி ஈரோடு மாவட்டத்திலிருந்த 100 போலீசார், தேர்தல் பாதுகாப்புப் பணிக்காக கேரளா மாநிலம் ஆலப்புழா மற்றும் கோட்டயத்துக்கு இன்று கிளம்பிச் செல்கின்றனர். மேலும், வருகின்ற 26 ஆம் தேதி தேர்தல் முடிந்தவுடன் மீண்டும் ஈரோட்டுக்கு அவர்கள் வருவார்கள் எனவும் அறிவிக்கப்பட்டுள்ளது.

Next Story

தாளவாடியில் சூறைக்காற்றுடன் பலத்த மழை ; வாழை மரங்கள் சேதம்

Published on 22/04/2024 | Edited on 22/04/2024
nn

ஈரோடு மாவட்டம் தாளவாடி மலைப் பகுதியில் கடந்த சில மாதங்களாக கடும் வெயில் வாட்டி வந்தது. இதனால் நிலத்தடி நீர்மட்டம் குறைந்து குடிநீர் தட்டுப்பாடும் ஏற்பட்டது. குடிநீரை விலைக்கு வாங்கும் நிலைக்கு தாளவாடி மலைப்பகுதி மக்கள் தள்ளப்பட்டனர். இந்த நிலையில் நேற்று முன்தினம் காலை நேரங்களில் கடும் வெயில் வாட்டி வருவதும் மதியம் 3 மணிக்கு மேல் சூறைக் காற்றுடன் மிதமான மழையும் சில இடங்களில் பலத்த மழையும் பெய்து வருகிறது.

இந்தத் திடீர் சூறைக்காற்றால் வாழை மரங்கள் முறிந்து சேதமடைந்து வருகிறது. இதனால் விவசாயிகள் கடும் வேதனை அடைந்தனர். இந்தநிலையில் நேற்று மதியம் 3 மணியளவில் மேகமூட்டம் சேர்ந்து தூரல் மழையாக ஆரம்பித்தது. அப்போது தாளவாடி, கும்டாபுரம், பாரதிபுரம், ராமாபுரம், ஓசூர், தொட்டகாஜனூர், கரளவாடி ஆகிய பகுதிகளில் சூறைக்காற்றுடன் 15 நிமிடம் மிதமான மழை பெய்தது. சூறைக்காற்றுக்கு தாக்கு பிடிக்க முடியாமல் ராமாபுரம் கிராமத்தில் விவசாயி தீபு (35) என்பவரின் 700 நேந்திரம் வாழை, சுந்தரமூர்த்தி என்பவரின் 1000 வாழை, ராசு என்பவரின் 1000 வாழை, தொட்டகாஜனூர் சிவண்ணா என்பவரின்  1000 வாழை என 4 ஆயிரம் வாழைகள் முறிந்து நாசமானது. அதேபோல் தாளவாடியில் இருந்து ராமாபுரம் செல்லும் சாலையில் மரம் முறிந்து விழுந்ததால் போக்குவரத்து பாதிக்கப்பட்டது. இதனையடுத்து அங்கு சென்ற நெடுஞ்சாலைத் துறை மரத்தை வெட்டி அப்புறப்படுத்தினர்.

மேலும், ராமாபுரம், பாரதிபுரம் கிராமத்தில் சூறைக்காற்றால் 6 மின்கம்பங்கள் முறிந்து சேதமடைந்தது. அதை சீர் செய்யும் பணியில் மின்வாரிய ஊழியர்கள் ஈடுபட்டுள்ளனர். இதனால் பல்வேறு இடங்களில் மின்தடையும் ஏற்பட்டுள்ளது. கடந்த 2 நாட்களில் மட்டும் சுமார் 20,000 க்கும் மேற்பட்ட வாழை மரங்கள் தாளவாடி மலைப்பகுதியில் சூறைக்காற்றுக்கு சேதம் அடைந்துள்ளதால் விவசாயிகள் வேதனை அடைந்துள்ளனர். ஒருபுறம் மழை வந்ததால் சந்தோசம் இருந்த போதும், சூறைக்காற்றால் வாழை சேதம் அடைந்துள்ளதால் மலைப்பகுதி விவசாயிகள் வேதனை அடைந்துள்ளனர். தமிழக அரசு கள ஆய்வு மேற்கொண்டு சேதமடைந்த வாழைகளுக்கு உரிய நஷ்ட ஈடு வழங்க வேண்டும் எனக் கோரிக்கை வைத்துள்ளனர். மேலும் கடந்த இரண்டு நாட்களாக மட்டும் ரூ. 20 லட்சம் மதிப்பிலான வாழை மரங்கள் முறிந்து சேதம் அடைந்துள்ளதாக விவசாயிகள் வேதனை தெரிவித்தனர்.