டிஸ்கவரி சேனலில் வரும் 'மேன் VS வைல்ட்' என்ற நிகழ்ச்சி மூலம் உலக அளவில் பிரபலமானவர் பியர் க்ரில்ஸ். இவருடன் இணைந்து ஹாலிவுட் நடிகைகள் கேத்தே வின்ஸ்லெட், ஜூலியா ராபர்ட்ஸ், லீனா ஹெட்டே என பல பிரபலங்கள் காட்டுக்குள் பயணம் செய்திருந்தாலும் அமெரிக்க அதிபராக இருந்த ஒபாமா, இந்திய பிரதமர் மோடி இந்நிகழ்ச்சியில் பங்கேற்றது உலக அளவில் பெரும் கவனத்தை ஈர்த்தது. இந்நிலையில் நடிகர் ரஜினிகாந்த் இவருடன் இணைந்து காட்டுக்குள் சென்றுள்ளது பெரும் எதிர்பார்ப்பை ஏற்படுத்தியுள்ளது.
‘இன் டூ தி வைல்ட்’ என்று புதிதாக தொடங்கப்பட்டுள்ள இந்நிகழ்ச்சியில் கலந்துகொள்ளும் முதல் பிரபலமாக ரஜினிகாந்த் இருக்கிறார். இந்நிகழ்ச்சிக்காக வனப்பகுதிக்குள் சென்று ஷூட் செய்துவிட்டு, பின்னர் முள்குத்தியதால் அதிக நேரம் ஷூட்டில் கலந்துக்கொள்ளாமல் திரும்பினார் ரஜினிகாந்த்.
அதனை தொடர்ந்து இந்நிகழ்ச்சி எப்போது ரிலீஸாக போகிறது என்று பலரும் எதிர்பார்ப்பில் இருக்கும்போது ரஜினியும் பியர் கிரில்ஸும் இருப்பதுபோன்ற மோஷன் போஸ்டரை வெளியிட்டு விரைவில் ஒளிபரப்பப்படும் என்று அறிவித்தது டிஸ்கவரி சேனல்.
Gear up to venture into the wilderness of India with survival expert @BearGrylls and the ultimate superstar @Rajinikanth in an action packed adventure. Premieres 23 March at 8 PM, only on Discovery #ThalaivaOnDiscovery pic.twitter.com/zSS4GsSCL4
— Discovery Channel IN (@DiscoveryIN) February 27, 2020
இந்நிலையில் வருகிற மார்ச் 28ஆம் தேதி ரஜினி கலந்துகொண்ட நிகழ்ச்சி ஒளிபரப்பப்போவதாக டிஸ்கவரி சேனல் புரோமோ வெளியிட்டுள்ளது. அதில் ரஜினிகாந்த் காட்டில் குவாட் வகை பைக்கை ஸ்டைலாக ஓட்டிவருகிறார்.
