பேட்ட படத்தை தொடர்ந்து நடிகர் ரஜின் ஏ.ஆர். முருகதாஸ் இயக்கத்தில் தர்பார் படத்தில் நடித்து வருகிறார். அடுத்த வருட பொங்கலுக்கு இப்படம் ரிலீஸாக இருக்கும் நிலையில் மூன்றாம் கட்ட படபிடிப்பு தற்போது நடைபெற்று வருகிறது. இதில் ரஜினிக்கு ஜோடியாக நயன்தாரா நடித்துள்ளார். முழு ஷூட்டிங் அடுத்த வாரத்தில் முடியவுள்ளது.
இந்த படத்தின் ஷூட்டிங் முடிந்தவுடன் இயக்குனர் சிவாவின் இயக்கத்தில் ரஜினி நடிக்க இருக்கிறார் என்று சொல்லப்படுகிறது. இப்படத்திற்கான இறுதிகட்ட எழுத்து பணிகளில் சிவா தீவிரம் செலுத்தி வருவதாக தெரிகிறது. சூர்யாவை வைத்து அவர் இயக்கும் படம் முடிந்த பின்னர் ரஜினி - சிவா படம் தொடங்க இருக்கிறது.
விஸ்வாசம் படத்தின் பாடல்கள் மற்றும் பின்னணி இசை பெரும் வரவேற்பை பெற்ற நிலையில், இயக்குனர் சிவா சூர்யாவை வைத்து இயக்கும் படத்திலும் இமானையே இசையமைப்பாளராக பணிபுரிய வைக்கின்றனராம். இதேபோல ரஜினி படத்திலும் இமானையே இசையமைப்பாளராக வைக்க இயக்குனர் திட்டம் வைத்துள்ளார். இதற்கு ரஜினி தரப்பும் ஓக்கே சொல்லிவிட்டதாக தெரிகிறது. விரைவில் இதுகுறித்த அதிகாரப்பூர்வ செய்திகள் வெளியாகலாம் என எதிர்பார்க்கப்படுகிறது.
