Skip to main content

ஹாட் ஸ்டாருக்கு கோரிக்கை வைத்த 'அயலான்' இயக்குநர்

Published on 27/06/2022 | Edited on 27/06/2022

 

'Ayalaan' director ravikumar r made a request to Hotstar about his movie 'indru netru naalai'

 

2015-ஆம் ஆண்டு ரவிக்குமார் இயக்கத்தில் விஷ்ணு விஷால் நடிப்பில் வெளியான படம் 'இன்று நேற்று நாளை'. சி.வி.குமார் மற்றும் கே.இ.ஞானவேல்ராஜா இணைந்து தயாரித்திருந்த இப்படத்தில் கதாநாயகியாக மியா ஜார்ஜூம், முக்கிய கதாபாத்திரத்தில் கருணாகரன் உள்ளிட்ட பலரும் நடித்திருந்தனர். ஹிப் ஹாப் தமிழா இசையமைத்திருந்தார். சைன்ஸ் ஃபிக்ஷன் ஜானரில் வெளியான இப்படம் விமர்சனம் மற்றும் வசூல் ரீதியாக நல்ல வரவேற்பை பெற்றது. குறிப்பாக படத்தின் திரைக்கதைக்காக படக்குழுவினரை திரை விமர்சகர்கள் உட்பட பலரும் பாராட்டியிருந்தனர். படத்தின் டிஜிட்டல் உரிமையை ஹாட்ஸ்டார் நிறுவனம் கைப்பற்றியிருந்தது.  

 

இதனிடையே 'இன்று நேற்று நாளை' படம் வெளியாகி 7 ஆண்டுகள் கடந்துள்ளது. இதனை முன்னிட்டு படத்தின் இயக்குநர் ரவிக்குமார் தனது ட்விட்டர் பக்கத்தின் வாயிலாக ஹாட்ஸ்டாருக்கு கோரிக்கை வைத்துள்ளார். இது தொடர்பான ட்விட்டர் பதிவில், " அன்பான வேண்டுகோள். இந்த குறைந்த தெளிவுத்திறனுக்குப் பதிலாக 2k, 5.1-இல் எங்கள் “இன்று நேற்று நாளை” படத்தை மீண்டும் பதிவேற்ற முடியுமா " என்று ஹாட்ஸ்டாரை டேக் செய்து குறிப்பிட்டிருந்தார். இதற்கு பதிலளித்த ஹாட்ஸ்டார் நிறுவனம்  'உங்கள் கோரிக்கையை பற்றி எங்கள் டீமுடன் பேசுவோம்' என குறிப்பிட்டுள்ளது. 

 

ரவிக்குமார், தற்போது சிவகார்த்திகேயனை வைத்து 'அயலான்' படத்தை இயக்கியுள்ளார். இப்படத்தில் கதாநாயகியாக ரகுல் ப்ரீத் சிங் நடித்துள்ளார், ஏ.ஆர்.ரஹ்மான் இசையமைக்கிறார். இப்படம் இந்த ஆண்டு கிறிஸ்துமஸ் பண்டிகையை முன்னிட்டு வெளியாகவுள்ளதாக கூறப்படுகிறது. 

 

 

சார்ந்த செய்திகள்

Next Story

ஹாட்ஸ்டாரில் ஸ்ட்ரீமாகி வரும் ஹார்ட் பீட் சீரிஸ்

Published on 09/03/2024 | Edited on 09/03/2024
Heartbeat series streaming on Hotstar

டிஸ்னி+ ஹாட்ஸ்டார் தளம், அதன் ஸ்பெஷல்ஸ் சீரிஸான 'ஹார்ட் பீட்' சீரிஸை மார்ச் 8 ஆம் தேதி சர்வதேச மகளிர் தினக் கொண்டாட்டமாக ஸ்ட்ரீம் செய்யத் துவங்கியுள்ளது. இந்த சீரிஸில் நடிகை அனுமோல், தீபா பாலு, யோகலட்சுமி, தாபா, சாருகேஷ், ராம், சபரேஷ், சர்வா, பதினே குமார், குரு லக்ஷ்மன், ஜெயராவ், கிரி துவாரகேஷ், சந்திரசேகர், தேவிஸ்ரீ, கவிதாலயா கிருஷ்ணன், தியான்ஷ், ரியா, ஸ்மைல் செல்வா மற்றும் சரவணன் ராஜவேல் ஆகியோர் நடித்துள்ளனர்.

'ஏ டெலி பேக்டரி' நிறுவனம் இந்த சீரிஸை தயாரித்துள்ளது. இந்தத் சீரிஸை இயக்குநர் தீபக் சுந்தர்ராஜன் இயக்கியுள்ளார். ரெஜிமெல் சூர்யா தாமஸ் ஒளிப்பதிவு செய்துள்ளார். ஒரு மருத்துவமனையில் பணியாற்றும்  மருத்துவர்களைச் சுற்றி, நடக்கும் பரபரப்பு சம்பவங்கள் தான் ஹார்ட் பீட் சீரிஸின் கதைக்களம் எனத் தெரிவிக்கப்பட்டுள்ளது.

Next Story

ஓடிடியில் ஸ்ட்ரீம் செய்யப்பட்டு வரும் சபா நாயகன்

Published on 17/02/2024 | Edited on 17/02/2024
ashok selvan saba nayagan streaming in hotstar

அசோக் செல்வன், மேகா ஆகாஷ், கார்த்திகா முரளிதரன் மற்றும் சாந்தினி சௌத்ரி ஆகியோர்  நடிப்பில், இயக்குநர் கார்த்திகேயன் இயக்கத்தில் கடந்த டிசம்பர் 22ஆம் தேதி வெளியான படம் சபா நாயகன். க்ளியர் வாட்டர் பிலிம்ஸ் மற்றும் ஐ சினிமா கேப்டன் மெகா என்டர்டெயின்மென்ட் என்ற இரு நிறுவனங்களும் இணைந்து தயாரித்திருந்த இப்படத்திற்கு லியோன் ஜேம்ஸ் இசையமைத்திருந்தார்.  

ஒரு இளைஞனின் பள்ளி வாழ்க்கை, கல்லூரி வாழ்க்கை, கல்லூரிக்கு பின்னான வாழ்க்கை என மூன்று காலகட்டத்தில் அவன் சந்திக்கும் பெண்களைப் பற்றியும், அவனது காதல் பற்றியும் காமெடி கலந்து சொல்கிறது இப்படம். இப்படம் ரசிகர்கள் மத்தியில் நல்ல வரவேற்பை பெற்றது. இப்படம் கடந்த காதலர் தினத்தை முன்னிட்டு டிஸ்னி + ஹாட்ஸ்டார் ஒடிடி தளத்தில் வெளியானது.