‘ஒன்லி ஒன் சூப்பர் ஒன்’ : முன்னிலையில் விராட்; ஆர்சிபி அபாரம்

16 ஆவது ஐபிஎல் சீசனின் 65 ஆவது லீக் போட்டி ஹைதராபாத்தில் நடந்தது. இப்போட்டியில் பெங்களூர் மற்றும் ஹைதராபாத் அணிகள் மோதின. இதில் டாஸ் வென்ற பெங்களூர் அணி பந்துவீச்சை தேர்வு செய்தது.

முதலில் விளையாடிய ஹைதராபாத் அணி 20 ஓவர்களில் 5 விக்கெட்களை இழந்து 186 ரன்களை எடுத்தது. அதிகபட்சமாக க்ளாசன் 104 ரன்களை எடுத்தார். பெங்களூர் அணியில் ப்ரேஸ்வெல் 2 விக்கெட்களை எடுத்தார். சிராஜ், ஹர்சல் படேல், சபாஸ் அஹமத் தலா 1 விக்கெட்டை எடுத்தனர். பின் களமிறங்கிய பெங்களூர் அணி 19.2 ஓவர்களில் 2 விக்கெட்களை மட்டுமே இழந்து 187 ரன்களை எடுத்து வெற்றி பெற்றது. அதிகபட்சமாக விராட் கோலி 100 ரன்களை எடுத்தார். ஃபாஃப் டுப்ளசிஸ் 71 ரன்களை எடுத்தார். ஹைதராபாத் அணியில் புவனேஷ் குமார் மற்றும் நடராஜன் தலா 1 விக்கெட்களை எடுத்தனர்.

ஐபிஎல் போட்டிகளில் அதிகமுறை 50+ பாட்னர்ஷிப் இணைகளின் பட்டியலில் ஃபாஃப் டுப்ளசிஸ் விராட் கோலி இணை இணைந்தனர். முன்னதாக டேவிட் வார்னர் மற்றும் ஜான் பேர்ஸ்டோ, ஃபாஃப் டு ப்ளசிஸ் ஜோடிகள் 7 முறை 50+ ரன்களை எடுத்திருந்தது. இதில் ஃபாஃப் டுப்ளசிஸ் மற்றும் விராட் கோலி இணையும் 7 முறை 50+ ரன்களை எடுத்து இணைந்துள்ளனர். 

விராட் கோலி இன்றைய போட்டியில் சதமடித்ததன் மூலம் ஐபிஎல் போட்டிகளில் அதிகமுறை சதமடித்தவர்கள் பட்டியலில் க்ரிஸ் கெயிலுடன் முதலிடத்தை பகிர்ந்து கொண்டுள்ளார். இருவரும் 6 முறை சதமடித்துள்ளனர். அடுத்தபடியாக ஜாஸ் பட்லர் 5 முறை சதமடித்துள்ளார். அதிகமுறை சதமடித்த இந்திய வீரர்களில் விராட் முதலிடத்தில் உள்ளார். ஆட்ட நாயகனாக விராட் கோலி தேர்வு செய்யப்பட்டார்.