விமான நிலைய கன்வேயரில் வந்தது சடலமா? பயணிகளை பதறவைத்த சம்பவம்!

விமான நிலையத்தில் பயணிகள் கொண்டுவரும் லக்கேஜ்களை எடுத்து வரும் கன்வேயர் பெல்ட்டில் வந்த வினோத பார்சல் பரபரப்பை ஏற்படுத்தியுள்ளது.

லண்டன் விமான நிலையத்தில் பயணிகளின் உடைமைகள் கன்வேயரில் கொண்டு சென்றபோது பயணிகள் தங்களின் உடைமைகளைச் சேகரிக்க காத்திருந்தனர். அப்பொழுது கன்வேயரில் மனித உடல் போன்று வெள்ளைத்தாளில் சுற்றப்பட்ட பார்சல் ஒன்று வந்தது அங்கிருந்த பயணிகளை அச்சத்திற்கு உள்ளாக்கியது. இதுதொடர்பான காட்சிகளும் சமூக வலைத்தளங்களில் வைரலாகிய நிலையில் இது தொடர்பாக நடத்தப்பட்ட விசாரணையில் அது வெறும் மெனிஃகுயின் லேம்ப் எனப்படும் மனித உருவிலான விளக்கு என்பது தெரியவந்துள்ளது. மேலும் இந்த வீடியோ ஏற்கனவே வெளியாகி வைரலாகி இருந்ததும் தெரியவந்துள்ளது.