அ.தி.மு.க எம்.எல்.ஏ.வின் மனைவி மாயம்; போலீசார் விசாரணை

Published on 22/10/2017 | Edited on 22/10/2017

அ.தி.மு.க எம்.எல்.ஏ.வின் மனைவி மாயம்; போலீசார் விசாரணை

திருப்பூர் மாவட்டம், தாராபுரத்திலுள்ள அண்ணாநகரை சேர்ந்தவர் கே.பொன்னுச்சாமி. இவர் அ.தி.மு.க.கட்சியில் முன்னாள் எம்.எல்.ஏ-வாக இருந்தவர். இவரது மனைவி பெயர் சத்தியபாமா, (வயது-45). இவர்களுக்கு ஒரு மகனும், ஒரு மகளும் உள்ளனர். இவர்கள் இருவரும் வெளியூரில் தங்கிப்படித்து வருகிறார்கள்.

இந்த நிலையில், கடந்த நான்கு நாளுக்கு முன்பு காலை 5.15 மணி அளவில் வீட்டில் இருந்தபோது விவசாய கூலித்தொழிலாளர்கள் உழவர் சந்தைக்கு கொண்டு செல்லும் காய்கறிகளை கொண்டு சத்தியபாமாவிடம் காண்பித்துள்ளனர்.

அதன்பிறகு சத்தியபாமா வீட்டில் இருந்து புறப்பட்டு நடைபயிற்சிக்காக வெளியே சென்றுள்ளார். அதன்பிறகு அவர் வீட்டிற்கு திரும்பி வரவில்லை. அவர் எங்கு? சென்றார், என்ன ஆனார்...? என்பது பற்றி தெரியவில்லை.

இதனைத் தொடர்ந்து சத்தியபாமாவை அவரது உறவினர்கள் பல்வேறு இடங்களில் தேடிப்பார்த்தனர். ஆனால், அவருடைய உறவினர் மற்றும் நண்பர்கள் யார் வீட்டுக்கும் சத்தியபாமா செல்லவில்லை என்பது தெரிந்தது.

அதன் பின்னர் இது குறித்து சத்தியபாமாவின் கணவர் பொன்னுசாமி அளித்த புகாரின் பேரில் தாராபுரம் போலீசார் வழக்குப்பதிவு செய்து தீவிர விசாரணை நடத்தி வருகிறார்கள்.

சிவசுப்பிரமணியன்