மருத்துவர் ஒருவர் ஓட்டிச் சென்ற ஜீப்பானது கட்டுப்பாட்டை இழந்து எதிரே வந்த வாகனத்தின் மீது மோதியதோடு இரண்டு இருசக்கர வாகனங்கள் மீது மோதி அருகிலிருந்த கடைக்குள் நுழைந்த பரபரப்பு சிசிடிவி காட்சிகள் வெளியாகி கேரளாவில் பரபரப்பை ஏற்படுத்தி இருக்கிறது.
கேரள மாநிலம் பத்தனம்திட்டா பகுதிக்கு உட்பட்ட பந்தளம் பகுதியில் சாலையில் சென்று கொண்டிருந்த ஜீப் ஒன்று ஓட்டுநரின் கட்டுப்பாட்டை இழந்து முதலில் ஒரு காரின் மீதும் இரண்டாவதாக பெண் ஒருவர் ஓட்டி வந்த இருசக்கர வாகனத்தின் மீதும் மூன்றாவதாக இளைஞர் ஒருவர் வந்த இருசக்கர வாகனத்திலும் மோதி சாலையோரம் திறந்து வைக்கப்பட்டிருந்த கடைக்குள் அதிவேகமாக நுழைந்தது.
இதில் இருசக்கர வாகனங்களில் வந்த இருவரும் பலத்த காயத்துடன் மருத்துவமனையில் அனுமதிக்கப்பட்டுள்ளனர். இதுகுறித்து போலீசார் மேற்கொண்ட விசாரணையில் ஜீப்பை ஒட்டி வந்தது தனியார் மருத்துவமனையைச் சேர்ந்த மருத்துவர் என்பதும் செல்போனில் பேசிக்கொண்டே ஜீப்பை இயக்கியதால் இந்த விபத்து நிகழ்ந்தது எனவும் தெரிவிக்கப்பட்டுள்ளது. தற்பொழுது இந்த விபத்து தொடர்பான சிசிடிவி காட்சிகள் சமூக வலைதளங்களில் வைரலாகி வருகிறது.
- "எல்லாருமே பார்ப்பீங்க" - விவரிக்கும் 'கூச முனுசாமி வீரப்பன்'
- "அதான் அடிச்சு தூக்குனேன்" - கூலாக சொன்ன கூச முனுசாமி வீரப்பன்
