12- ஆம் வகுப்பு வேதியியல் தேர்வு- 3 மதிப்பெண் போனஸ்!

தமிழகத்தில் 12- ஆம் வகுப்பு விடைத்தாள் திருத்தும் பணிகள் நேற்று (27/05/2020) தொடங்கியது. இந்த நிலையில் 12- ஆம் வகுப்பு வேதியியல் தேர்வில் தமிழ் வழி மாணவர்களுக்கு மூன்று மதிப்பெண்கள் கூடுதலாக வழங்கப்படும் என்று தமிழ்நாடு அரசு தேர்வுகள் இயக்ககம் அறிவித்துள்ளது. 
 

ஏனெனில் +2 வேதியியல் தேர்வு தமிழ் வினாத்தாள் கேள்வி ஒன்றில் புரதம் என்ற தமிழ்ச் சொல்லுக்குப் பதிலாக புரோட்டின் என ஆங்கிலத்தில் (மொழி பெயர்ப்பில் தவறு) இருந்ததால் 3 மதிப்பெண்கள் போனஸ் என்று தெரிவிக்கப்பட்டுள்ளது. அதேபோல் மாணவர்கள் இந்தக் கேள்விக்கு பதில் அளித்திருந்தாலே 3 மதிப்பெண்கள் கிடைக்கும் என்பது குறிப்பிடத்தக்கது.