ராயல் சேலஞ்சர்ஸ் பெங்களூரு மற்றும் சன்ரைசர்ஸ் ஐதராபாத் அணிகள் மோதும் டி20 கிரிக்கெட் போட்டி இன்று நடைபெறுகிறது. பெங்களூருவில் உள்ள எம்.சின்னச்சாமி மைதானத்தில் நடக்கும் இந்தப் போட்டி, இரவு 8 மணிக்கு தொடங்குகிறது.
லீக் சுற்றில் இந்த இரண்டு அணிகளும் மோதிய முந்தைய போட்டியில் ஜெயித்திருக்க வேண்டிய வாய்ப்பை நூலிழையில் தவறவிட்டது பெங்களூரு அணி. அந்தப் போட்டியில் 146 ரன்களில் ஆல்அவுட் ஆகிய ஐதராபாத் அணி, தனது வலிமையான பந்துவீச்சினால் பெங்களூரு அணியை 141 ரன்களுக்குள் தடுத்து நிறுத்தியது. ஐந்து விக்கெட்டுகள் கையில் இருந்தும் அன்றைய போட்டியில் பரிதாபமாக தோற்றது பெங்களூரு அணி.
இன்று மீண்டும் இந்த இரண்டு அணிகளும் மோதுகின்றன. பெங்களூரு அணி சொந்த மண்ணில் ஆடும் கடைசி போட்டி இதுவென்பதாலும், கடைசி இரண்டு போட்டிகளில் பெங்களூரு அணியின் அதிரடி ஆட்டத்தை வெளிப்படுத்தியிருப்பதாலும் அதிக எதிர்பார்ப்புகள் கிளம்பியிருக்கின்றன. பெங்களூரு அணி மீதமிருக்கும் இரண்டு போட்டிகளில் நல்ல ரன்ரேட்டுடன் வெற்றிபெற்றாக வேண்டிய கட்டாயத்தில் இருக்கிறது. வலுவான எதிரணியாக இருக்கும் சன்ரைசர்ஸ் ஐதராபாத், தொடர்ந்து அதிரடியான ஆட்டத்தை வெளிப்படுத்தலாம்.
- "எல்லாருமே பார்ப்பீங்க" - விவரிக்கும் 'கூச முனுசாமி வீரப்பன்'
- "அதான் அடிச்சு தூக்குனேன்" - கூலாக சொன்ன கூச முனுசாமி வீரப்பன்
