பொன்னியின் செல்வன் படத்திற்கு பிறகு நடிகை ஐஸ்வர்யா லெக்ஷ்மி, சாருகேஷ் சேகர் எழுதி இயக்கியுள்ள அம்மு படத்தில் நடித்துள்ளார். கார்த்திக் சுப்புராஜ் தயாரித்துள்ள இப்படம் வரும் 19 ஆம் தேதி அமேசான் ப்ரைமில் தமிழ், தெலுங்கு, மலையாளம், கன்னடம், மற்றும் இந்தி மொழிகளில் வெளியாகவுள்ளது.
இதனையொட்டி இப்படத்தின் ட்ரைலர் வெளியிட்டு விழா அண்மையில் நடைபெற்றது. இவ்விழாவில் பேசிய ஐஸ்வர்யா லக்ஷ்மி, "அம்மு, அதிகாரமளிக்கும் கதை. ஒரு தவறான உறவில் சிக்கிய ஒரு பெண்ணின் பாத்திரத்தை எனக்குச் சித்தரிப்பது சவாலாகவும், அதன் தனிப்பட்ட முறையில் வலுப்படுத்துவதாகவும் இருந்தது. ஒரு பெண்ணாக அம்முவுடன் தொடர்பு கொள்ள நிறைய இருக்கிறது, அதில் மிக முக்கியமானது எப்போதும் ஒருவரின் உண்மையைப் பேசுவதும், ஒருவரின் சுயத்திற்காக நிற்பதும் ஆகும். அம்முவுக்கு பார்வையாளர்களின் எதிர்வினை கருத்தைப் பார்க்க ஆவலாக இருக்கிறேன்" எனத் தெரிவித்துள்ளார்.
இதனைத்தொடர்ந்து பேசிய இயக்குநர், "அம்மு என் மனதிற்கு மிகவும் நெருக்கமானவள். தன்னை ஒடுக்குபவருக்கு எதிரான நிலைப்பாட்டை எடுக்கக் கற்றுக்கொண்ட அம்முவின் திரைப்படப் பயணம், பார்வையாளர்களை சிலிர்க்க வைக்கும் மற்றும் அதன் வெளிப்படுத்தும் பொருத்தமான இருக்கும்" என்றார்.
