Skip to main content

ஆஸ்கர் மேடையில் பளார்... கண்ணீருடன் மன்னிப்பு கேட்ட வில் ஸ்மித்!

Published on 28/03/2022 | Edited on 28/03/2022

 

actor will smith apology after oscar slap

 

அமெரிக்காவின் லாஸ் ஏஞ்சல்ஸ் நகரில் இன்று காலை 94வது ஆஸ்கர் விருது வழங்கும் விழா நடைபெற்றது. இவ்விழாவில் சிறந்த நடிகருக்கான விருதை 'கிங் ரிச்சர்ட்' படத்திற்காக வில் ஸ்மித் பெற்றுள்ளார். இந்த படம் வில்லியம்ஸ் சகோதரிகளின் தந்தையின் வாழ்க்கை வரலாற்றை மையமாக வைத்து எடுக்கப்பட்ட படம். இதில் வீனஸ்-செரினா வில்லியம்ஸ் சகோதரிகளின் தந்தையாக நடித்த வில் ஸ்மித் சிறந்த நடிகருக்கான விருதைத் தட்டி சென்றுள்ளார்.

 

இவ்விழாவில் வில் ஸ்மித் மனைவி ஜடா பிங்கெட் ஸ்மித்தின் முடியற்ற தலையை "ஜி.ஐ. ஜேன்" படத்தில் டெமி மூரின் தோற்றத்துடன் ஒப்பிட்டு தொகுப்பாளர் கிரிஸ் ராக் கிண்டலடித்தார். இதைக் கேட்ட வில் ஸ்மித் உடனே இருக்கையிலிருந்து எழுந்து ஆஸ்கர் மேடை ஏறி தொகுப்பாளர் கிரஸ் ராக்கை கன்னத்தில் ஓங்கி அறைந்தார். அதன் பின் அமைதியாகத் தனது இருக்கையில் அமர்ந்த வில் ஸ்மித் "என் மனைவி குறித்து இனி உன் வாயிலிருந்து வார்த்தை வரக்கூடாது" எனக் காட்டமாகத்  தெரிவித்தார். இது மேடையிலிருந்த அனைவரையும் அதிர்ச்சியில் ஆழ்த்தியது. நடிகர் வில் ஸ்மித்தின் மனைவி ஜடா பிங்கெட் அலோபீசியா என்ற நோயால் பாதிக்கப்பட்டுள்ளது குறிப்பிடத்தக்கது.

 

அதன் பிறகு தனது விருதைப் பெற்ற வில் ஸ்மித் கண்ணீருடன் மன்னிப்பு கேட்டுள்ளார். இது தொடர்பாக அவர் பேசுகையில், "நான் ஆஸ்கர் அகாடமியிடம் மற்றும் சக நாமினிகளிடம் மன்னிப்பு கேட்டுக் கொள்கிறேன். இது ஒரு மகிழ்ச்சியான தருணம். விருது வென்றதற்காக நான் அழவில்லை. நாம் கலையை நேசிக்கிறோம். ரிச்சர்ட் வில்லியம்ஸ் குறித்து அவர்கள் சொன்னது போல நான் பைத்தியக்கார தந்தை போல இருக்கிறேன். காதல் உங்களை பைத்தியக்காரத்தனமான செயலை செய்ய வைக்கும்"  எனக் கண்ணீருடன் கூறினார். இந்த வீடியோ தற்போது சமூக வலைத்தளங்களில் ரசிகர்களால் அதிகம் பகிரப்பட்டு வருகிறது.

 

 

சார்ந்த செய்திகள்

Next Story

ஆஸ்கர் விழா; இஸ்ரேல் - ஹமாஸ் போரை நிறுத்த திரைப் பிரபலங்கள் வலியுறுத்தல்

Published on 11/03/2024 | Edited on 11/03/2024
Oscars 2024 Celebrities call for Israel-Hamas ceasefire

திரைத்துறையின் உயரிய விருதாகக் கருதப்படும் ஆஸ்கர் விருது ஆண்டுதோறும், சிறந்த படம், சிறந்த நடிகர், சிறந்த நடிகை, சிறந்த தொழில்நுட்பக் கலைஞர்கள் எனப் பல்வேறு பிரிவுகளில் வழங்கப்பட்டு வருகிறது. 96வது ஆஸ்கர் விருது விழா வழக்கம் போல் லாஸ் ஏஞ்சல்ஸின் ஓவேஷன் ஹாலிவுட்டில் உள்ள டால்பி தியேட்டரில் கோலாகலமாக நடைபெற்றுள்ளது. இதில் கிறிஸ்டோஃபர் நோலன் இயக்கத்தில் சிலியன் மர்பி நடித்துள்ள ஓபன்ஹெய்மர் படம் 13 பிரிவுகளில் போட்டியிட்டு 7 பிரிவுகளில் வென்று பலரது பாராட்டைப் பெற்றுள்ளது.

இதனிடையே ஆஸ்கர் 2024 சிவப்பு கம்பள வரவேற்பில், இஸ்ரேல்-ஹமாஸ் போர் நிறுத்தத்திற்கு தங்களது ஆதரவை  தெரிவித்துள்ளனர். அதனை வலியுறுத்தும் விதமாக ஆர்டிஸ்ட்ஸ் 4 சீஸ் ஃபையர் (Artists4Ceasefire) அமைப்பினுடைய ஒரு சின்னத்தை தங்களது ஆடையில் அணிந்திருந்தார்கள். ஒரு கைக்குள் ஒரு இதயம் இருப்பது போல அந்த சின்னத்தில் வரையப்பட்டிருந்தது. இதேபோல் கடந்த மாதம் நடந்த கிராமி விருது விழாவிலும் இந்த பேட்சை அணிந்திருந்தனர் என்பது குறிப்பிடத்தக்கது. சமீபத்தில் ஹாலிவுட்டை சேர்ந்த 400க்கும் மேற்பட்டவர்கள், அமெரிக்க ஜனாதிபதி ஜோ பைடனுக்கு எழுதிய கடிதத்தில் கையெழுத்திட்டார்கள் என்பது நினைவுகூரத்தக்கது.

இஸ்ரேல் - ஹமாஸ் அமைப்பினர் இடையே கடந்த 5 மாதங்களாக நடைபெற்று வரும் மோதலில் இதுவரை முப்பதாயிரத்திற்கும் அதிகமானோர் பலியாகியுள்ளனர். அறுபதாயிரத்திற்கும் மேற்பட்டோர் படுகாயமடைந்துள்ளனர். இந்தப் போர் தொடர்ந்து நடைபெற்று வருகிறது. 

Next Story

ஆஸ்கர் 2024 - ஆடையில்லாமல் வந்து அதிர்ச்சியைக் கொடுத்த ஜான் சீனா

Published on 11/03/2024 | Edited on 11/03/2024
oscar 2024 john cena comes stage on without dress

திரைத்துறையின் உயரிய விருதாகக் கருதப்படும் ஆஸ்கர் விருது ஆண்டுதோறும், சிறந்த படம், சிறந்த நடிகர், சிறந்த நடிகை, சிறந்த தொழில்நுட்பக் கலைஞர்கள் எனப் பல்வேறு பிரிவுகளில் வழங்கப்பட்டு வருகிறது. கடந்த வருட ஆஸ்கர் விழாவில், நீலகிரி முதுமலையைச் சேர்ந்த பொம்மன் - பெள்ளி தம்பதியை வைத்து எடுக்கப்பட்ட 'தி எலிஃபெண்ட் விஸ்பெரர்ஸ்' என்ற ஆவணக் குறும்படம், சிறந்த ஆவணக் குறும்படம் பிரிவில் விருது வென்றது. ராஜமௌலில் இயக்கிய 'ஆர்.ஆர்.ஆர்' படத்தில் இடம் பெற்ற 'நாட்டு நாட்டு' பாடலும் சிறந்த பாடல் என்ற பிரிவில் விருது வாங்கியது.  
 
இதில் சிறந்த சர்வதேச திரைப்படம் (Best International Feature Film) என்ற பிரிவில் இந்தாண்டு இந்தியாவிலிருந்து மலையாள படமான '2018' படம் அனுப்பப்பட்டது. ஆனால் இப்படம் இறுதிப் பரிந்துரை பட்டியல் வரை செல்லவில்லை. அதற்கு முந்தைய சுற்றிலேயே வெளியேறியது. இதையடுத்து இந்தியாவில் நடந்த கதையை வைத்து எடுக்கப்பட்ட ‘டு கில் எ டைகர்’ என்ற ஆவணப்படம், சிறந்த ஆவணப்படம் பிரிவில் நாமினேஷனுக்கு தேர்வானது. இப்படம் ஜார்க்கண்டில், கூட்டுப் பாலியல் வன்கொடுமையால் ஆளாக்கப்பட்ட தனது மகளுக்கு நீதி போராட்டத்தை நடத்திய தந்தை குறித்து எடுக்கப்பட்டது ஆகும். இப்படமும் விருது பெறவில்லை.  

இந்த நிலையில் 96வது ஆஸ்கர் விருது விழா வழக்கம் போல் லாஸ் ஏஞ்சல்ஸின் ஓவேஷன் ஹாலிவுட்டில் உள்ள டால்பி தியேட்டரில் கோலாகலமாக நடைபெற்றுள்ளது. இந்த விழாவில் தொகுப்பாளர் ஜிம்மி கிம்மல், ஒவ்வொரு விருதாக அறிவித்து வந்தார். அந்த வகையில் சிறந்த ஆடை வடிவமைப்பு விருது வழங்குவதற்கு முன் பேசிய அவர், ஆஸ்கர் வரலாற்றில் எந்த தருணம் பைத்தியக்காரத்தனமாக இருக்க முடியும். 46வது ஆஸ்கர் விருது விழா நடக்கும் போது, டேவிட் நெவின் எலிசபெத் டெய்லரை அறிமுகம் செய்து கொண்டிருந்தபோது ஒருவர் ஆடையில்லாமல் மேடையில் ஓடினார். அதே போல் இன்றைய நிகழ்வில் ஆடையில்லாமல் ஒருவர் மேடையில் ஓடி சென்றால் எப்படி இருக்கும் என கற்பனை செய்து பார்க்க முடியுமா? அது பைத்தியக்காரத்தனம்போல் இருக்காது? என கேட்டார். உடனே அரங்கம் சிரிப்பலையில் மூழ்கியது. 

பின்பு மேடையின் பின்புறம் ஓரத்திலிருந்து பிரபல குத்து சண்டை வீரர் ஜான் சீனா, எட்டிப் பார்க்க அவர், தொகுப்பாளரை அழைத்து மேடையில் நிர்வாண நிலையில் ஓடும் எண்ணம் இப்போது எனக்கு தோன்றவில்லை. அது சரியாக இருக்கும் என நினைக்கவில்லை. இது ஒரு அருமையான நிகழ்ச்சி. இதில் போய் ஆடையில்லாமல் மேடையில் ஓடச் சொல்லும் ஐடியாவுக்காக நீங்கள் வெட்கப்பட வேண்டும். ஆண் உடல் ஒன்றும் நகைச்சுவைக்கானது அல்ல என்று ஜாலியாக பேசினார். பின்பு ஆடையில்லாமல் மெல்ல மெல்ல மேடையின் நடுப்பகுதிக்கு வந்து அனைவரின் முன்பும் தோன்றினார். பின்பு மைக்கில் பேசிய அவர், ஆடை ரொம்ப முக்கியமானது என கூறினார். இதையடுத்து தொகுப்பாளர் வந்து, விருதுக்கான நாமினேஷன் பட்டியலை அறிவித்தார். அதன் பிறகு மேடையில் உள்ள விளக்குகளை அனைத்து, ஜான் சீனாவிற்கு சிலர் உடை எடுத்துவந்து அணிவித்துவிட்டு சென்றனர். இந்த செயல் அரங்கத்தில் சிரிப்பலையை ஏற்படுத்தியது. இது தொடர்பான வீடியோக்களும் சமூக வலைத்தளங்களில் வைரலாகி வருகிறது.