இயக்குநர் கவுதமன் கைது - ஜூலை 6 வரை நீதிமன்றக்காவல்

இயக்குநர் வ.கௌதமன் கைது செய்யப்பட்டு ஜூலை 6ம் தேதி வரை நீதிமன்றக்காவலில் வைக்கப்பட்டுள்ளார்.

காவிரி போராட்டம் தீவிரம் அடைந்த நிலையில், சென்னையில் ஐபிஎல் கிரிக்கெட் போட்டிகள் நடத்தக்கூடாது என பல்வேறு அமைப்பினர் போராட்டத்தில் ஈடுபட்டனர். அப்போது, இயக்குநர் கௌதமன் தலைமையிலும் பலர்  போராட்டத்தில் ஈடுபட்டனர். 

இதன் காரணமாக இன்று  சென்னை சூளைமேட்டில் உள்ள அவரது வீட்டில் இருந்த கௌதமனை போலீசார் விசாரணைக்காக திருவல்லிக்கேணி காவல்நிலையத்துக்கு அழைத்து சென்றனர்.   பின்னர்,  கொலை முயற்சி , அரசு பணியாளர்களை பணிசெய்யவிடாமல் தடுத்தல் உள்ளிட்ட 14 பிரிவுகளின் கீழ் போலீசார் அவரை கைது செய்துள்ளதாக தெரிவித்தனர்.   இதன் பின்னர்  எழும்பூர் குற்றவியல் 10-வது நடுவர் மன்ற நீதிபதி முன்பு ஆஜர்படுத்பட்ட கவுதமனை ஜூலை 6  ம் தேதி நீதிமன்ற காவலில் வைக்க உத்தரவிட்டார்.