Skip to main content

திண்டுக்கல் கோட்டைமாரியம்மன் மாசி திருவிழாவில் பூத்தேர் பவனி!;ஆயிரக்கணோர் அம்மனை தரிசித்தனர்!!

Published on 01/02/2019 | Edited on 01/02/2019

 

திண்டுக்கல்லில் பிரசித்தி பெற்ற கோட்டை மாரியம்மன் கோவில் மாசித்திருவிழா பூத்தமலர் மற்றும் பூச்சொரிதல், பூத்தேருடன்  தொடங்கியது.

 

      

திண்டுக்கல்லில் கோட்டை மாரியம்மன் கோவில் பிரசித்தி பெற்ற கோயிலாக விளங்கி வருகிறது. இந்த கோவிலில் மாசித் திருவிழா பூத்த மலர் அலங்காரத்துடன் நேற்று தொடங்கியது. அதையொட்டி திண்டுக்கல் பூத்த மலர் அலங்காரம் மண்டகப்படி குழு சார்பில் அம்மனுக்கு பால், பழம், வாசனை திரவியங்கள் உட்பட 16 வகையான சிறப்பு அபிஷேகம் தீபாராதனை நடந்தது.

 

festival

 

அதன் பிறகு மதியம் மண்டகப்படி குழு தலைவரும் கொடை வள்ளலும்மான  ஜி.சுந்தரராஜ் தலைமையில் அம்மனுக்கு சிறப்பு அலங்காரம் பூஜைகள் நடைபெற்று பிரசாதம் வழங்கப்பட்டது. அதனைத் தொடர்ந்து மாலை 6 மணியளவில் அம்மனின் அலங்கார தரிசனம் நடைபெற்றது. இந்த மாசித் திருவிழாவில் கோவிலின் உள் மற்றும் புதுமண்டபத்தில் சாமிக்கு சிறப்பு அலங்காரம் மாக் கோலம், பூக்கோலம் வரையப்பட்டு பக்தர்கள் தரிசனத்திற்கு அனுமதிக்கப்படுவது வழக்கம். அதன்படி மூலவர் அம்மனுக்கு வண்ண மலர்களாலும், நாயகி சர்வாலங்கார முன்மண்டபத்தில் ஸ்ரீ லலிதாம்பிகை அலங்காரமும், புதுமண்டபத்தில் சீனிவாசப்பெருமாள் விஸ்வரூப தரிசன  அலங்காரம் செய்யப்பட்டிருந்தது. மாலையில் பக்தர்கள் வரிசையில் நின்று சாமி தரிசனம் செய்தனர். மாசித் திருவிழாவின் முதல் நாள் என்பதால் ஏராளமான பக்தர்கள் கோவிலுக்கு வருகை தந்து நீண்ட வரிசையில் நின்று சாமி தரிசனம் செய்தனர்.

 

festival

 

அதுபோல் இரண்டாம் நாளான இன்று, ஐயப்பன் பூச்சொரிதல் விழா தலைவர்  சிவசக்தி நாகராஜன்  சார்பில் பூச்சொரி, பூத்தேர் மண்டகப்படியில் நடைபெற்றது. இந்த பூத்தேரை திண்டுக்கல் கொடை வள்ளல் சுந்தர்ராஜ் .கோவில் நிர்வாக அறங்காவலர் முத்தரசன் மற்றும் பரம்பரை அறங்காவலர்கள் மற்றும் எம்பி கடிகார உலகம் உரிமையாளர் பிச்சை மாணிக்கம் ஆகியோர் பூத்தேரை தொடங்கி வைத்தனர் 

 

fire

 

இப்படி மாரியம்மன் கோவிலில் இருந்து புறப்பட்ட பூத்தேர், நகரின் முக்கிய வீதி வழியாக கோட்டைமாரியம்மன் பூத்தேரில் பவனி வந்தார். அதைக் கண்டு அங்கங்கே பொதுமக்கள் ஆயிரக்கணக்கில் பெருந்திரளாகதிரண்டு நின்று பூத்தேரில் வந்த மாரியம்மனுக்கு பூக்களை கொடுத்து தரிசனம் செய்தனர். இப்படி மாரியம்மனை காண வந்த ஆயிரக்கணக்கான பக்தர்களுக்கு அங்கங்கே அன்னதானம்,நீர்மோர், பால், பிஸ்கட் உள்பட உணவு பொருட்களை சமூக ஆர்வலர்கள் வழங்கினார்கள். அதேபோல் கோட்டை மாரியம்மன்  மாசி திருவிழாவை கடந்த 16 வருடங்களாக லோக்கலில் உள்ள சூப்பர் டிவி நேரடி ஒளிபரப்பு செய்வதன் மூலம் கோட்டை மாரியம்மன் தரிசிக்க வரமுடியாத பொதுமக்கள் கூட வீட்டில் இருந்தவாறே அம்மனை தரிசித்து வருகிறார்கள்.இந்த பூத் தேர் பவனி மூலம் திண்டுக்கல் நகரமே ஸ்தம்பித்தது. அதனால் போக்குவரத்தும் பல பகுதிகளில் மாற்றப்பட்டது.  

 

 

 

 

சார்ந்த செய்திகள்

Next Story

'அதிமுகவின் பொய் பிரச்சாரம் மக்களிடம் எடுபடாது'-ஐ.பி.செந்தில்குமார் பேச்சு

Published on 16/04/2024 | Edited on 16/04/2024
'AIADMK's false propaganda will not be accepted by the people' - IP Senthilkumar's speech

நாடாளுமன்ற மக்களவைத் தேர்தல் ஏழு கட்டங்களாக நடைபெற உள்ளது. அதன்படி, முதற்கட்டமாக ஏப்ரல் 19 ஆம் தேதி தமிழகத்தில் வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே அரசியல் கட்சிகள் தேர்தல் பணிகளில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது. அதே சமயம் தமிழக அரசியல் கட்சிகள் வேட்பாளர்களை அறிவித்து பிரச்சாரங்களைத் தீவிரப் படுத்தியுள்ளன.

இந்நிலையில், திண்டுக்கல் கிழக்கு மாவட்ட திமுக செயலாளரும், பழனி சட்டமன்றத் தொகுதி திமுக உறுப்பினருமான ஐ.பி.செந்தில்குமார் திண்டுக்கல் பாராளுமன்றத் தொகுதியில் போட்டியிடும் சிபிஎம் வேட்பாளர் சச்சிதானந்தம் ஆகியோர் தீவிரமாகப் பிரச்சாரம் செய்து அரிவாள் சுத்தியல் நட்சத்திரம் சின்னத்திற்கு வாக்குகள் சேகரித்தார். பிரச்சாரத்திற்கு ரெட்டியார்சத்திரம் தெற்கு ஒன்றிய செயலாளரும், ஒன்றிய பெருந்தலைவருமான சிவகுருசாமி தலைமை தாங்கினார். திண்டுக்கல் கிழக்கு மாவட்ட திமுக அவைத்தலைவர் வழக்கறிஞர் காமாட்சி ஒன்றிய குழு உறுப்பினர் தமிழ்ச்செல்வி முத்துகிருஷ்ணன், ரெட்டியார்சத்திரம் ஒன்றிய சிபிஎம் செயலாளர் சக்திவேல் வரவேற்றுப் பேசினார்.

நிகழ்வில் மாவட்டச் செயலாளர் ஐ.பி.செந்தில்குமார் பேசுகையில், ''மலைவாழ் மக்களுக்கு திமுக அரசு துரோகம் செய்தது போல் பொய்யான பிரச்சாரத்தை அதிமுகவினர், பாஜகவினர் பரப்பி வருகின்றனர். இது முற்றிலும் மோசடியான பிரச்சாரம் இது பொதுமக்கள் மத்தியில் எடுபடாது. கடந்த ஆண்டு 5.8.22 ஆம் தேதி அன்று, நமது திமுக பாராளுமன்ற உறுப்பினர் வேலுச்சாமி அவர்கள் ஆடலூர் மற்றும் பன்றி மலைப் பகுதியில் வசிக்கும் பொலையர் இன மக்களைப் பழங்குடியின மக்களாக மாற்றி அவர்களுக்கான உரியச் சான்றிதழ் வழங்க வேண்டும் என்று மத்திய பழங்குடியின துறை அமைச்சர் அர்ஜீன் முன்டாவிடம் கோரிக்கை மனு கொடுத்துள்ளார்.

இதோ அந்தக் கோரிக்கை மனு என்று மனுவைத் தூக்கி காண்பித்து பிரச்சாரம் செய்தார். எதையும் ஆதாரத்துடன்தான் நாங்கள் பேசுவோம். ஆத்தூர் தொகுதியின் செல்லப் பிள்ளையாக இருக்கும் அமைச்சர் ஐ.பெரியசாமி ஆடலூர் ஊராட்சிக்கு மட்டும் எண்ணற்ற நலத்திட்டங்களைச் செயல்படுத்தியுள்ளார். இங்குள்ள மக்கள் மருத்துவ வசதிக்காக தாண்டிக்குடி, கொடைக்கானல் செல்ல வேண்டிய நிலையை மாற்றி ஆடலூருக்கும் பன்றி மலைக்கும் இடையே மிகப்பெரிய மருத்துவமனையைக் கொண்டு வந்துள்ளார். தேர்தல் முடிந்த பின்பு மருத்துவமனை திறக்கப்படும். ஆம்புலன்ஸ் வசதியுடன் மலையில் உள்ள எந்தக் கிராம மக்களும் இங்கு வந்து சிகிச்சை பெறலாம், விரைவில் மலைக் கிராமத்தில் வசிக்கும் பெண்களும் இலவசமாகப் பேருந்தில் பயணம் செய்ய தமிழக முதல்வர் முக.ஸ்டாலின் விரைவில் உத்தரவிட உள்ளார். அதன்பின்னர் நீங்கள்(பெண்கள்) திண்டுக்கல்லுக்கு இலவசமாகப் பயணம் செய்யலாம்'' என்று கூறினார்.

Next Story

திண்டுக்கல்லில் காவி நிறத்தில் வந்தே பாரத்?

Published on 10/04/2024 | Edited on 10/04/2024
nn

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாக தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

இந்நிலையில் மதுரையில் இருந்து பெங்களூருக்கு காவி நிறத்தில் வந்தே பாரத் ரயில் சேவை விரைவில் தொடங்கப்பட இருப்பதாக தகவல் வெளியாகி உள்ளது. இந்த மக்களவை தேர்தல் முடிந்தவுடன் வந்தே பாரத் ரயில் சேவை தொடங்க வாய்ப்புள்ளதாக தகவல்கள் வெளியாகியுள்ளது. இந்த வந்தே பாரத் ரயில் திண்டுக்கல், கரூர், சேலம், தர்மபுரி, ஓசூர் உள்ளிட்ட இடங்களில் நின்று செல்லும் எனவும் கூறப்படுகிறது. மதுரை பெங்களூரு இடையே 435 கிலோமீட்டர் தூரத்தையும் 5.30 மணி நேரத்தில் வந்தே பாரத் கடக்கும் என்றும் தகவல்கள் வெளியாகியுள்ளது.