'சூர்யா விளையாட வேண்டாம்; மாணவர்களை அளவிட ஒரு அளவுகோல் தேவை' -பாஜக துணை தலைவர் வானதி சீனிவாசன் பேட்டி

நடிகர் சூர்யா நீட் தேர்வு குறித்து வெளியிட்டிருக்கும் அறிக்கை தொடர்பாக விவாதங்கள் தற்போது தமிழகத்தில் எழுந்துள்ள நிலையில், மாணவர்கள் வாழ்க்கையில் சூர்யா விளையாட வேண்டாம் என தமிழக பாஜக துணை தலைவர் வானதி சீனிவாசன் தெரிவித்துள்ளார்.

கோவை செல்வபுரத்தில் தமிழக பாஜக துணை தலைவர் வானதி சீனிவாசன் செய்தியாளர்களை சந்தித்தார். அப்போது பேசுகையில், ''சினிமாவில் வசனம் பேசுவதை போல மாணவர்களின் வாழ்க்கையில் சூர்யா விளையாட வேண்டாம். மாணவர்களின் தற்கொலையைத் தொடர்ந்து போட்டித் தேர்வுகளே கூடாது என்பதுபோல் சூர்யா பேசுகிறார். படிக்கும் மாணவர்களை அளவிட ஒரு அளவுகோல் தேவைப்படுவதால்  தேர்வு நடத்தப்படுகிறது. அவரது படம் ஓடட்டும், நன்றாக வசனங்கள் பேசுங்கள், ஆனால் எங்கள் மாணவர்களை இருட்டில் தள்ளி விடாதீர்கள்'' எனக் கூறினார்.