6 ஐ.ஏ.எஸ் அதிகாரிகள் இடமாற்றம்; தலைமை செயலாளர் உத்தரவு!

தமிழகத்தில் 6 ஐஏஎஸ் அதிகாரிகளை இடமாற்றம் செய்ய தலைமைச் செயலாளர் உத்தரவு பிறப்பித்துள்ளார். அதன்படி வீட்டுவசதி துறை முதன்மைச் செயலாளராக ராஜேஷ் லக்கானி நியமிக்கப்பட்டுள்ளார். சுற்றுலாத்துறை இயக்குனர் மற்றும் சுற்றுலா வளர்ச்சி கழக மேலாண் இயக்குனராக அமுதவல்லி நியமனம் செய்யப்பட்டுள்ளார். 

மிகவும் பிற்படுத்தப்பட்டோர் நலத்துறை இயக்குனராக மதிவாணன் நியமிக்கப்பட்டுள்ளார். நகரமைப்பு திட்டமிடல் இயக்குனராக சந்திரசேகர் சாகமுரி நியமிக்கப்பட்டுள்ளார். சிஎம்டிஏ உறுப்பினர் மற்றும் செயலாளராக கார்த்திகேயன் நியமிக்கப்பட்டுள்ளார். அதேபோல் தமிழ்நாடு கடல்சார் வாரியம் துணை தலைவர் மற்றும் தலைமை நிர்வாக அலுவலராக சம்பத் நியமனம் செய்யப்பட்டுள்ளார்.