Published on 21/06/2021 | Edited on 21/06/2021
'ஈஸ்வரன்' படத்தைத் தொடர்ந்து, நடிகர் சிம்பு நடிப்பில் உருவாகிவரும் படம் 'மாநாடு'. வெங்கட் பிரபு இயக்கும் இப்படத்தை சுரேஷ் காமாட்சி தயாரிக்கிறார். நீண்ட இழுபறிக்குப் பிறகு தொடங்கப்பட்ட இப்படத்தின் பணிகள் தற்போது முழுவீச்சில் நடைபெற்று வருகின்றன. இப்படத்தின் ஃபர்ஸ்ட் லுக் கடந்த நவம்பர் மாதம் வெளியாகி ரசிகர்களின் கவனத்தை ஈர்த்த நிலையில், படத்தின் மோஷன் போஸ்டரும் டீசரும் ரசிகர்களிடையே மிகுந்த வரவேற்பை பெற்றன.
இந்த நிலையில், மாநாடு படத்தில் இடம்பெற்றுள்ள 'மெஹெரசைலா' என்ற பாடலை முதல் பாடலாகப் படக்குழு இன்று வெளியிட்டுள்ளது. இப்பாடலுக்கு மதன் கார்க்கி வரிகள் எழுதியுள்ளார். பாடல் வெளியான சில நிமிடங்களிலேயே யூ-டியூப் தளத்தில் ஒரு லட்சத்திற்கும் மேற்பட்ட பார்வையாளர்களால் கேட்டு ரசிக்கப்பட்டுள்ளது.
