Skip to main content

ஆசியா கோப்பை டி20: முதல் வெற்றியை பதிவு செய்தது இந்தியா

Published on 29/08/2022 | Edited on 29/08/2022

 

Asia Cup. India registered the first win.

 

ஆசியா கோப்பை டி20 விளையாட்டு போட்டியின் பரபரப்பான ஆட்டத்தில் இந்தியா தனது முதல் வெற்றியை பதிவு செய்தது.

 

போட்டியில் டாஸ் வென்று பந்து வீச்சை தேர்வு செய்தார் இந்திய அணி கேப்டன் ரோஹித் சர்மா. 
விராட் கோலியின் 100வது டி20 போட்டி, இந்தியா பாகிஸ்தான் போட்டி என ஏகப்பட்ட எதிர்பார்ப்புகளுக்கு மத்தியில் நடந்த போட்டியில் இந்திய அணி போராடி வென்றது. 

 

முதலில் பேட்டிங் செய்த பாகிஸ்தான் அணியின் தொடக்க ஆட்டக்காரர்களாக களமிறங்கிய கேப்டன் பாபர் ஆசாம் புவனேஸ்வர் குமார் பந்து வீச்சில் 10 ரன்களில் ஆட்டம் இழக்க ரிஸ்வான் பொறுமையாக ஆடி 43 ரன்கள் அடித்தார். பாகிஸ்தான் அணியின் மற்ற அனைத்து வீரர்களும் சொற்ப ரன்களில் ஆட்டம் இழக்க பாகிஸ்தான் அணி 19.5 ஓவர்களில் அனைத்து விக்கெட்களையும் இழந்து 147 ரன்கள் எடுத்தது. இந்திய அணி சார்பில் சிறப்பாக பந்து வீசி புவனேஸ்வர்குமார் 4 விக்கெட்களையும் ஹர்டிக் பாண்டியா 3 விக்கெட்களையும் அர்ஷிதீப் சிங்  2 விக்கெட்களையும் வீழ்த்தினர்.

 

பின்னர் களம் இறங்கிய இந்திய அணியின் தொடக்கமே அதிர்ச்சி தந்தது.  பெரிதும் எதிர்பார்க்கப்பட்ட கே.எல். ராகுல் தான் எதிர் கொண்ட  முதல் பந்திலேயே ஆட்டம் இழந்தார். ரோஹித் சர்மாவும் சொற்ப ரன்களில் வெளியேற விராட் கோலி நிதானமாக ஆடி  ரன்களை சேர்த்தார். 35 ரன்களில் இருந்த போது கேட்ச் கொடுத்து வெளியேற ரவீந்திர ஜடேஜாவும் சூரியகுமார் யாதவும் ஆட்டத்தை தொடர்ந்தனர். பொறுமையாக ஆடிய இந்த ஜோடியில் சூரியகுமார் யாதவ் 18 ரன்கள் எடுத்திருந்த நிலையில் போல்ட் ஆனார். பின் களம் இறங்கிய ஹர்டிக் பாண்டியா அதிரடி காட்டினார். ஜடேஜா ஹர்டிக் ஜோடி இந்திய அணியை தோல்வியில் இருந்து மீட்டனர். ஹர்டிக் காட்டிய அதிரடியில் கடைசி  ஓவரில் 7 ரன்கள் தான் தேவை என்ற நிலை வந்தது.  இந்நிலையில் ஓவரின் முதல் பந்திலேயே ஜடேஜா போல்ட் ஆனார். தினேஷ் கார்த்திக் இறங்கி ஒரு ரன் எடுத்துக்கொடுக்க சிக்ஸ் அடித்து ஆட்டத்தை முடித்தார் ஹர்டிக் பாண்டியா. இந்திய அணியில் அதிக பட்சமாக விராட் கோலி 35 ரன்களும் ஜடேஜா 35 ரன்களும் ஹர்டிக் பாண்டியா 17 பந்துகளில் 33 ரன்களும் எடுத்தனர். 

 

பாகிஸ்தான் சார்பில் முகம்மது நவாஸ் 3 விக்கெட்களும் நசீம் ஷாஹ் 2 விக்கெட்களையும் கைப்பற்றினர். சிறப்பாக  பந்து வீசி 33 ரன்கள் எடுத்த ஹர்டிக் பாண்டியா ஆட்டநாயகன் விருதை வென்றார். 

 

 

 

Next Story

“மீண்டு வர சிறிது காலம் ஆகும்” - மருத்துவமனையில் முகமது ஷமி

Published on 28/02/2024 | Edited on 28/02/2024
Mohammed Shami tweet after surgery

இந்திய கிரிக்கெட் அணியின் முன்னணி பந்து வீச்சாளர் முகமது ஷமி. கடந்த ஆண்டு நடைபெற்ற உலகக் கோப்பை கிரிக்கெட் தொடர்களில் அதிக விக்கெட் வீழ்த்திய வீரராக சாதனை படைத்தார். அந்த போட்டிகளில் விளையாடிய போதே, முகமது ஷமியின் இடது கணுக்காலில் காயம் ஏற்பட்டது. அதனால், ஒவ்வொரு போட்டியிலும் அவர், காயத்திற்கான ஊசி செலுத்திக்கொண்டு விளையாடி வந்தார் என்று கூறப்படுகிறது. 

இதனையடுத்து, ஆஸ்திரேலியாவுக்கு எதிரான இறுதிப் போட்டியில் கடைசியாக இந்தியாவுக்காக விளையாடி வந்த முகமது ஷமி, அதன் பின் லண்டனுக்கு சென்று கணுக்கால் காயத்துக்கு சிகிச்சை பெற்று வந்தார். ஆனால், அவருக்கு அளிக்கப்பட்ட சிகிச்சை பலன் அளிக்காத காரணத்தினால், அறுவை சிகிச்சை செய்ய வேண்டிய கட்டாயம் ஏற்பட்டது. இதனால், இங்கிலாந்து அணிக்கு எதிரான தொடரிலும் முகமது ஷமி தேர்வு செய்யப்படவில்லை. 

இந்த நிலையில், நேற்று முன்தினம் (26-02-24) லண்டனில் உள்ள மருத்துவமனை ஒன்றில் முகமது ஷமிக்கு வெற்றிகரமாக அறுவை சிகிச்சை மேற்கொள்ளப்பட்டது. சிகிச்சைக்கு பின்னர் தனது புகைப்படத்தை எக்ஸ் (ட்விட்டர்) பக்கத்தில் பகிர்ந்து, அறுவை சிகிச்சை வெற்றிகரமாக முடிந்துள்ளதாகத் தெரிவித்துள்ளார். இது தொடர்பாக அவர் வெளியிட்ட பதிவில், “வெற்றிகரமாக அறுவை சிகிச்சை முடிந்தது. குணமடைய சிறிது காலம் ஆகும். மீண்டு வருவதற்கு ஆவலோடு காத்திருக்கிறேன்” என்று பதிவிட்டுள்ளார்.

இதனையடுத்து, அறுவை சிகிச்சை செய்து கொண்ட முகமது ஷமிக்கு பிரதமர் மோடி வாழ்த்துகளைத் தெரிவித்துள்ளார். இது தொடர்பாக அவர் தனது எக்ஸ் (ட்விட்டர்) பக்கத்தில் தெரிவித்துள்ளதாவது, “நீங்கள் விரைவில் குணமடைந்து நல்ல ஆரோக்கியத்துடன் இருக்க வாழ்த்துகிறேன் முகமது ஷமி. மிகவும் தைரியத்துடன் இந்த காயத்தை நீங்கள் சமாளிப்பீர்கள் என்று நான் நம்புகிறேன்” என்று தெரிவித்துள்ளார்.

முகமது ஷமி அறுவை சிகிச்சை மேற்கொண்டுள்ளதால், அடுத்த மாதம் நடைபெறும் ஐ.பி.எஸ் தொடரிலும் ஜூன் மாதம் அமெரிக்கா, மேற்கு இந்திய தீவுகளில் நடைபெற உள்ள ஐசிசி டி20 கிரிக்கெட் உலகக் கோப்பை தொடரிலும் அவர் விளையாட வாய்ப்பில்லை என்று கூறப்படுகிறது. இது அவரது ரசிகர்கள் மத்தியில் பெரும் சோகத்தை ஏற்படுத்தியுள்ளது.

Next Story

சாதனை படைத்த அஸ்வின்; “சென்னையின் மைந்தன்” - தமிழக முதல்வர் வாழ்த்து

Published on 16/02/2024 | Edited on 16/02/2024
Greetings from the Chief Minister of Tamil Nadu Accomplished by cricket player Ashwin

இங்கிலாந்து கிரிக்கெட் அணி இந்தியாவில் சுற்றுப்பயணம் மேற்கொண்டு 5 டெஸ்ட் போட்டிகள் கொண்ட தொடரில் விளையாடி வருகிறது. இதில், முதல் இரு டெஸ்ட் போட்டிகளிலும், இந்திய அணியும் இங்கிலாந்து அணியும் தலா ஒரு வெற்றியைப் பதிவு செய்தன. இதனையடுத்து, நேற்று (15ம் தேதி) குஜராத் மாநிலம், ராஜ்கோட் மைதானத்தில் மூன்றாவது டெஸ்ட் போட்டி துவங்கியது. இந்த போட்டியின் முதல் இன்னிங்ஸில் இங்கிலாந்து வீரர் ஜாக் கிராலியின் விக்கெட்டை இந்திய அணி வீரர் அஸ்வின் வீழ்த்தினார். 

இந்த விக்கெட்டை வீழ்த்தியதன் மூலம் டெஸ்ட் போட்டியில் 500 விக்கெட்களை வீழ்த்திய வீரர் என்ற வரலாற்றுச் சாதனையை அஸ்வின் படைத்துள்ளார். 87 இன்னிங்ஸ்களில் ஸ்ரீலங்கா வீரர் முரளிதரன் 500 விக்கெட்களை வீழ்த்தி சாதனை படைத்த நிலையில், தற்போது 98 இன்னிங்ஸ்களில் இந்திய வீரர் அஸ்வின் 500 விக்கெட்களை வீழ்த்தியுள்ளார். அஸ்வினின் இந்த சாதனைக்கு பலரும் தங்கள் வாழ்த்துகளைத் தெரிவித்து வருகின்றனர். 

அந்த வகையில் தமிழக முதல்வர் மு.க. ஸ்டாலின், இந்திய கிரிக்கெட் அணி வீரர் அஸ்வினுக்கு வாழ்த்துகளைத் தெரிவித்துள்ளார். இது குறித்து முதல்வர் மு.க. ஸ்டாலின் தனது எக்ஸ் (ட்விட்டர்) பக்கத்தில் தெரிவித்துள்ளதாவது, “டெஸ்ட் கிரிக்கெட் வரலாற்றில் தனது 500வது விக்கெட்டை பெற்ற அஸ்வினுக்கு வாழ்த்துகள். சாதனைகளை முறியடித்து கனவுகளை நனவாக்கியவர் சென்னையின் மைந்தன் அஸ்வின். அவரின் பந்துவீச்சில் திறமை, தீர்க்கமான இலக்கு வெளிப்படுகிறது. இது உண்மையான மைல்கல்லைக் குறிக்கிறது. அவரது மாயாஜால பந்துவீச்சு, 500வது விக்கெட்டை கைப்பற்ற உதவியுள்ளது. அவர் மேலும் ஏராளமான விக்கெட்டுகளை வீழ்த்தி வெற்றிகளைக் குவிக்க வாழ்த்துகள்’ என்று குறிப்பிட்டுள்ளார்.