Skip to main content

“இந்த பாட்டெல்லாம் நான்தான் பாடினேன்...” - ஆச்சரியமளிக்கும் பாடகி பிரியா பிரகாஷ்!

Published on 01/04/2023 | Edited on 01/04/2023

 

Singer Priya Prakash Interview

 

சில பாடல்களைக் கேட்கும்போதெல்லாம் இந்தப் பாடலைப் பாடிய பாடகி யாராக இருக்கும் என யோசிப்போம். திடீரென கூகுளில் தேடுவோம். இவங்கதான் அந்தப் பாடலை பாடினார்களா என்று ஆச்சரியமாகக் கூட இருக்கும். அப்படியான நாம் கேட்டு வியந்த பல பாடல்களைப் பாடிய பாடகி பிரியா பிரகாஷ் அவர்களை நக்கீரன் ஸ்டூடியோ சார்பாக சந்தித்தோம். 

 

பிரியா பிரகாஷ் பேசியதாவது “வாழ்க்கையில் நாம் பொறுமையாக இருந்தால் நமக்கு வர வேண்டிய அங்கீகாரம் நிச்சயம் வந்து சேரும் என்பதற்கு நானே ஒரு உதாரணம். அனைத்து வகையான குரல்களிலும் பாடியிருக்கிறேன். புது முயற்சிகள் செய்வதற்கு என்னுடைய குடும்பத்தினர் கொடுத்த ஊக்கம் மிக முக்கியமானது. மேஜிக் மேஜிக் என்கிற 3D படத்தில் குட்டிச்சாத்தான் குரலிலும், சாதாரண குரலிலும் வேறுபாடு காட்டி நானே பாடினேன். ஹாரிஸ் ஜெயராஜ் இசையில் கோரஸ் பாடியுள்ளேன்”.

 

ஒவ்வொருவர் சொல்லும் வித்தியாசமான வார்த்தைகளையும் ஒன்றாகக் கோர்த்து பாடலில் சரியான இடங்களில் சேர்த்து விடுவார் ஹாரிஸ் ஜெயராஜ் சார். பத்ரி படத்தில் 'சலாம் மகாராசா' பாடல் பாடினேன். பாடி முடித்த பிறகுதான் அது விஜய் அண்ணாவின் படத்திற்கான பாடல் என்பதே தெரிந்தது. மிகவும் மகிழ்ச்சியாக இருந்தது. ஒருமுறை கனடாவில் முழுக்க முழுக்க விஜய்யின் பாடல்களை மையப்படுத்திய 'விஜய் நைட்' என்கிற நிகழ்ச்சி நடந்தது. அதற்காக நானும் கனடா சென்றேன். அவருடைய நண்பர்கள் எல்லாம் அந்த நிகழ்ச்சிக்கு வந்தனர்.

 

அப்படி ஒரு நிகழ்ச்சியை விஜய்க்காக நடத்தியது அந்த ஒருமுறை மட்டும்தான் என்று நினைக்கிறேன். அங்கு விஜய் பல பாடல்களைப் பாடினார். மேடையில் ஆடினார். அப்போதே அங்கு ரசிகர்களிடம் அவருக்கு அவ்வளவு கிரேஸ். மொத்தம் இரண்டு ஷோக்கள் நடந்தன. அப்போது ஷோபா அம்மா என்னை அவ்வளவு அன்பாக கவனித்துக்கொண்டார். அந்த நிகழ்ச்சியை என்னுடைய வாழ்வில் மறக்கவே முடியாது. அப்போதே விஜய் அவ்வளவாகப் பேச மாட்டார். சரவணன் மீனாட்சி தொடரின் ஆரம்பப் பாடலை நான்தான் பாடினேன். 

 

நான் பாடிய பல பாடல்களை, நான்தான் பாடினேன் என்பதே பலருக்குத் தெரியாது. தெரிந்த பிறகு ஆச்சரியமாகக் கேட்பார்கள். தனியார் தொலைக்காட்சி விவாத  நிகழ்ச்சிக்குப் பிறகு தான் என்னைப் பற்றிப் பலருக்கும் தெரிகிறது. என்னுடைய வேலைகளை நான் தொடர்ந்து சரியாகச் செய்துகொண்டே இருந்தேன். அதற்கான அங்கீகாரம் இப்போது கிடைத்துள்ளது. இசையுலகில் சாதிக்க வயது என்பது ஒரு தடையே கிடையாது. அதற்கு நானே சாட்சி.
 

 

 

சார்ந்த செய்திகள்

Next Story

‘ஃபேமிலி படம்’ படத்தின் படப்பிடிப்பு துவக்கம் 

Published on 23/03/2024 | Edited on 23/03/2024
family padam shooting starts

யுகே கிரியேஷன் சார்பில் கே.பாலாஜி தயாரிப்பில், செல்வா குமார் திருமாறன் இயக்கத்தில் உதய் கார்த்திக் சுபிக்‌ஷா நடிக்கும், படம் ‘ஃபேமிலி படம்’. இப்படத்தில் நாயகனாக டைனோசர்ஸ் பட நாயகன் உதய் கார்த்திக் நடிக்கிறார். நாயகியாக சுபிக்‌ஷா நடிக்கிறார். இவர்களுடன் விவேக் பிரசன்னா, பார்த்திபன், ஶ்ரீஜா, சந்தோஷ், மோகன சுந்தரம், ஆர்.ஜே பிரியங்கா, ஜனனி ஆகியோர் முக்கிய பாத்திரங்களில் நடிக்கிறார்கள். அனிவீ இசையமைக்கிறார்.  
 
ஒரு குடும்பத்தில் இருக்கும் மூன்று அண்ணன் தம்பிகள், வாழ்வில் ஜெயிக்க போராடுகிறார்கள், அவர்களுக்குள் நிகழும் சண்டைகள், காதல், காமெடி என அனைத்தும் கலந்து உருவாக்கப்பட்டுள்ளதாக தெரிவிக்கப்பட்டுள்ளது. இப்படத்தின் படப்பிடிப்பு, படக்குழுவினர் கலந்துகொள்ள, பூஜையுடன் துவங்கியது. 

முதற்கட்டப் படப்பிடிப்பு சென்னையில் துவங்கி பரபரப்பாக நடந்து வருகிறது. படத்தின் முக்கியமான சில காட்சிகளை மதுரையில் படமாக்க படக்குழு திட்டமிட்டுள்ளது. படத்தின் ஃபர்ஸ்ட்லுக் மற்றும் படம் குறித்த மற்ற தகவல்கள் விரைவில் அதிகாரப்பூர்வமாக அறிவிக்கப்படும் என தெரிவிக்கப்பட்டுள்ளது.

Next Story

போன சம்மருக்கு மிஸ்ஸிங்; இந்த கோடையில் களமிறங்கும் ஜி.வி பிரகாஷ்!

Published on 23/03/2024 | Edited on 23/03/2024
gv prakash kalvan movie trailer released

ஜி.வி. பிரகாஷ் நடிகராக ரெபல், இடி முழக்கம், 13, கள்வன், டியர், கிங்ஸ்டன் உள்ளிட்ட படங்களைக் கைவசம் வைத்துள்ளார். இசையமைப்பாளராக தங்கலான், அமரன், சூர்யாவின் 43வது படம் உள்ளிட்ட படங்களில் பணியாற்றுகிறார். இதில் ரெபல் படம் நேற்று திரையரங்குகளில் வெளியானது. கலவையான விமர்சனங்களை பெற்று வருகிறது. 

இதனிடையே, 'கள்வன்' படத்தில் ஜி.வி பிரகாஷோடு, பாரதிராஜாவும் முதன்மைக் கதாபாத்திரத்தில் நடித்துள்ளார். மேலும் இவானா கதாநாயகியாக நடிக்க தீனா, ஞானசம்பந்தன் உள்ளிட்ட பலர் முக்கியக் கதாத்திங்களில் நடித்துள்ளனர். டில்லி பாபு தயாரித்துள்ள இப்படத்தை பி.வி.ஷங்கர் இயக்கியுள்ளார். ஜி.வி.பிரகாஷ் இசை பணிகளையும் மேற்கொண்டுள்ளார். இப்படத்தின் மோஷன் போஸ்டர் மற்றும் டீசர் கடந்த ஆண்டு ஜனவரியில் வெளியானது. மேலும் கடந்த வருட கோடையில் வெளியாகும் என தெரிவிக்கப்பட்டது. ஆனால் வெளியாகவில்லை. 

gv prakash kalvan movie trailer released

இந்த நிலையில் நீண்ட இடைவெளிக்கும் பிறகு தற்போது இப்படத்தின் ட்ரைலர் வெளியாகியுள்ளது. ட்ரைலரில் காட்டு யானைகளால் பாதிக்கப்படும் மலைவாழ் மக்களின் வாழ்வியலை அடிப்படையாகக் கொண்டு இப்படம் உருவாகியுள்ளது போல் தெரிகிறது. ஏப்ரல் 4அம் தேதி இப்படம் திரையரங்குகளில் வெளியாகவுள்ளதாக அறிவிக்கப்பட்டுள்ளது.