Skip to main content

"பால் கொள்முதல் விலையை உயர்த்தி தர முன்வர வேண்டும்" -நல்லுசாமி 

Published on 13/05/2023 | Edited on 13/05/2023

 

trichy nallusamy talks about milk consumer increase buying rate 

 

தமிழ்நாடு கள் இயக்கத்தின் தலைவர் நல்லுசாமி நேற்று தனியார் ஹோட்டலில் செய்தியாளர்களைச் சந்தித்து பேசினார் அதில்  உச்சநீதிமன்றம் காவிரி நீர் பங்கீடு தொடர்பாக கொடுத்த திருத்தப்பட வேண்டியது. அதற்கு காரணம் கர்நாடக அரசு குறிப்பிட்ட சில மாதங்களுக்கு மட்டும் தண்ணீர் விட வேண்டும் என்று கூறி அதில் 284.75 டிஎம்சி தண்ணீர் கர்நாடகாவிற்கும், 177.25டிஎம்சி தண்ணீர் தமிழகம் மற்றும் புதுச்சேரிக்கும் 21டிஎம்சி தண்ணீர் கேரளாவிற்கும் என்று ஒதுக்கப்பட்டுள்ளது. கர்நாடக அரசு இதுவரை தமிழகத்தை உபரி நீரை வெளியேற்றும் வாய்க்காலாகவே கருதுகிறதே தவிர. அவர்கள் நமக்கு தண்ணீர் தர வேண்டும் என்ற எண்ணம் இல்லை, எனவே மாதந்தோறும் நீர் பங்கீடு என்பதை, நாள்தோறும் நீர் பங்கீடு கொண்டுவர. வேண்டும். எனவே அதற்கு தமிழக அரசு மறுசீராய்வு மனுவை தாக்கல் செய்ய வேண்டும்.

 

அதேபோல் பூரண மதுவிலக்கு குறித்து தொடர்ந்து குரல் எழுப்பி வரும் அரசியல் தலைவர்கள் கள் பூரண மதுவிலக்கில் உள்ளதா. இல்லையா என்று கூற வேண்டும் கள் ஒரு போதை பானம் என்று சொல்பவர்கள் கள் இயக்கத்துடன் விவாதிக்க முன்வர வேண்டும். ஒருவேளை கள் ஒரு போதை பானம் என்று உறுதி செய்தால், கள் இயக்கம் எங்களுடைய நிலைப்பாட்டில் இருந்து விலகி கொள்வோம். அதே சமயம் அதை நிரூபிப்பவர்களுக்கு 10 கோடி ரூபாய் அன்பளிப்பும் வழங்குவதாகத் தெரிவித்தார்.

 

தமிழகத்தில் நெல் கொள்முதல் செய்ததில் கிலோவிற்கு 1 ரூபாய் வீதம் லஞ்சமாக பெறப்பட்டது உண்மை தான் என்று கூட்டுறவு. துறையின் செயலாளர் ராதாகிருஷ்ணன் கூறியிருந்தார். எனவே தமிழக அரசு ஒரு வெள்ளை அறிக்கையை தாக்கல் செய்ய வேண்டும். அதேபோல் ஒன்றிய அரசானது இந்தியாவில் 69 சதவீதம் பாலில் கலப்படம் உள்ளது என்று ஒப்புக்கொண்டுள்ளது. எனவே கலப்படத்தை தடை செய்தும், கலப்படம் செய்பவர்கள் மீது கடுமையான நடவடிக்கை எடுத்தாலே நோய் பாதிப்பு இல்லாமல் மக்கள் நிம்மதியாக வாழ்வார்கள். அதிக அளவில் கலப்படம் செய்வது தான், பல நோய்களுக்கு ஆதார மாத உள்ளது. தென்னை மரத்திலிருந்து நீரா இறக்குவதற்கு அரசு அனுமதி அளிக்க வேண்டும் இந்த நீரா என்ற பானத்தில் எந்தவித கலப்படமும், நிறமிகளும், பதப்படுத்தும் கெமிக்கல்கள் என எதுவும் கலக்கவில்லை. ஆனால் அதற்கு பல கட்டுப்பாடுகள் விதிமுறைகள் உள்ளது. எனவே அவற்றை தளர்த்தி நீரா இறக்குவதற்கு அரசு அனுமதி அளிக்க முன்வர வேண்டும்.

 

தற்போது பால் கொள்முதல் எடுத்துக்கொண்டால் சொசைட்டியில் 1லி பசுமாட்டு பால் ரூ.31க்கு கொள்முதல் செய்கிறார்கள். அதே பாதை தனியார், ரூ.40க்கு கொள்முதல் செய்கிறார்கள். எருமை பாலை 1லி ரூ.44க்கு சொசைட்டி, கொள்முதல் செய்கிறது. தனியார் ரூ.60க்கு கொள்முதல் செய்கிறது. இப்படி பட்ட நிலை தொடர்ந்து நீடித்தால் ஆவின் நிறுவனத்தை இழுத்து மூடும் நிலை உருவாகும். எனவே அரசு பால் கொள்முதல் விலையை உயர்த்தி தர முன்வர வேண்டும். மேலும் பனை, தென்னை,ஈச்சம் மரத்திலிருந்து கிடைக்கும் பொருட்களுக்கு மதிப்பு கூட்டு பண்டங்களாக மாற்றி அதை கொண்டு பொருளாதாரத்தை பெருக்கினால் அரசிற்கும் நல்ல வருமானம் கிடைக்கும். எனவே இந்த கோரிக்கைகளை அரசு செயல்படுத்திட முன்வர வேண்டும். கள் என்பது போதை பானம் அல்ல. அது ஒரு உணவு பொருள் என்பதை அரசு உணர்ந்திட முன்வர வேண்டும். 30 ஆண்டுகளாக தொடர்ந்து கோரிக்கைகளை முன் வைத்து வருகிறோம் என்றார். 

 

 

சார்ந்த செய்திகள்

 

Next Story

சட்டமன்றம் வரை சென்ற வேட்டி விவகாரம்; வணிக வளாகத்திற்கு எதிராக அதிரடி நடவடிக்கை!

Published on 19/07/2024 | Edited on 19/07/2024
Action against the shopping mall in bangalore

கர்நாடகா மாநிலம், பெங்களூர் மாகடி சாலையில் ஜி.டி. வேர்ல்ட் என்ற தனியார் வணிக வளாகத்தில் கடந்த 16ஆம் தேதி பகீரப்பா என்ற விவசாயி தனது மகன் நாகராஜுடன், அங்குள்ள மல்டிபிளக்ஸ் தியேட்டரில் படம் பார்க்க வந்துள்ளார். 

ஆனால், பகீரப்பா வேட்டி அணிந்து வந்திருந்ததால், அவரை உள்ளே செல்ல அனுமதிக்காமல் பாதுகாவலர்கள் தடுத்து நிறுத்தி அனுமதி மறுத்துள்ளனர். இது தொடர்பான வீடியோ சமூக வலைத்தளங்களில் வெளியாகி வைரலானது. மேலும், வேட்டி அணிந்து வந்ததால் விவசாயிக்கு அனுமதி அளிக்காத வணிக வளாகத்திற்கு எதிராக கண்டனங்கள் எழுந்து வந்தது. இதனைத் தொடர்ந்து, கன்னட அமைப்பினர் மற்றும் விவசாய சங்கத்தினர், நேற்று அந்த தனியார் வணிக வளாகம் முன்பு போராட்டம் நடத்தினர். விவசாயியை வணிக வளாகத்திற்குள் அனுமதிக்காமல் தடுத்து நிறுத்தியதற்காக வணிக நிர்வாகம், விவசாயி பகீரப்பாவிடம் மன்னிப்பு கேட்க வேண்டும் என்று வலியுறுத்தி போராட்டம் நடத்தினர். இந்த விவகாரம் கர்நாடகா மாநிலம் முழுவதும் பேசுபொருளாக மாறியது. அதுமட்டுமல்லாமல், இந்த விவகாரம் சட்டமன்றம் வரையிலும் சென்றது. 

இந்த நிலையில், வேட்டி அணிந்து வந்த விவசாயியை உள்ளே விட அனுமதி மறுத்த வணிக வளாகத்திற்கு எதிராக அம்மாநில அரசு அதிரடி நடவடிக்கை எடுத்துள்ளது. அதன்படி, அந்த வணிக வளாகத்தை ஒரு வாரத்திற்கு மூட வேண்டும் என்று உத்தரவிட்டுள்ளது. இதனையடுத்து, அந்த வளாகத்திற்கு அதிகாரிகள் சீல் வைத்து நடவடிக்கை எடுத்தனர். இந்த சம்பவம் பெங்களூரில் பரபரப்பை ஏற்படுத்தியுள்ளது. 

Next Story

பாதயாத்திரை விபத்தில் பலியான 5 பேர்; நிவாரணத் தொகையை வழங்க அமைச்சர்கள்

Published on 18/07/2024 | Edited on 18/07/2024
5 lose their live in padayatra accident; Ministers to provide relief amount

சமயபுரம் கோவிலுக்கு பாதயாத்திரை சென்ற போது விபத்தில் பலியான 5 பக்தர்களின் குடும்பங்களுக்கு நிவாரணம் அறிவிக்கப்பட்டுள்ளது.

புதுக்கோட்டை மாவட்டம் கந்தர்வக்கோட்டை சட்டமன்றத் தொகுதிக்குட்பட்ட கல்லாக்கோட்டை ஊராட்சி கண்ணுகுடிப்பட்டி கிராமத்தைச் சேர்ந்த ஆண்கள், பெண்கள் என ஏராளமானவர்கள் சமயபுரம் முத்துமாரியம்மன் கோவிலுக்கு பாதயாத்திரை சென்றனர். இந்நிலையில் நேற்று அதிகாலை தஞ்சை மாவட்டம் வளப்பக்குடி கிராமம் அருகே நடந்து சென்ற பக்தர்கள் மீது சரக்கு வாகனம் மோதி விபத்து ஏற்பட்டுள்ளது.

இந்த விபத்தில் கண்ணுகுடிப்பட்டி என்கிற ஒரே கிராமத்தைச் சேர்ந்த முத்துசாமி (60), ராணி (37), மோகனாம்பாள் (27), மீனா (26), தனலட்சுமி (36) ஆகிய 5 பேரும் பரிதாபமாக உயிரிழந்தனர். மேலும் இவர்களுடன் நடந்து சென்ற சங்கீதா படுகாயமடைந்து தஞ்சாவூர் மருத்துவக்கல்லூரி மருத்துவமனையில் தீவிர சிகிச்சைப் பிரிவில் சிறப்புச் சிகிச்சை பெற்று வருகிறார். இந்த சம்பவம் குறித்து தகவலறிந்த தமிழ்நாடு முதலமைச்சர் விபத்தில் உயிரிழந்த குடும்பத்தினருக்கு இரங்கல் தெரிவித்ததுடன் உயிரிழந்தவர்களின் குடும்பங்களுக்கு நிவாரணமாக தலா ரூ.2 லட்சமும், காயமடைந்து சிகிச்சை பெற்று வரும் நபருக்கு ரூ.1 லட்சம் நிவாரணம் வழங்க உத்தரவிட்டார்.

இந்நிலையில் இன்று அமைச்சர்கள் ரகுபதி, மெய்யநாதன், கந்தர்வக்கோட்டை சட்டமன்ற உறுப்பினர் சின்னதுரை மற்றும் புதுக்கோட்டை வருவாய் கோட்டாட்சியர் ஐஸ்வர்யா ஆகியோர் கண்ணுக்குடிப்பட்டி கிராமத்திற்கு சென்று பாதிக்கப்பட்டவர்களின் குடும்பத்தினர்களுக்கு ஆறுதல் கூறி முதலமைச்சரின் நிவாரண நிதிக்கான காசோலையை வழங்கினர். நிகழ்ச்சியில் அதிகாரிகள் மற்றும் உள்ளாட்சி பிரதிநிதிகள் கலந்து கொண்டனர்.