Skip to main content

சாராயம் விற்று சிக்கிக்கொண்ட பாமக மாவட்ட நிர்வாகி; தோல்வியில் முடிந்த பஞ்சாயத்து

Published on 27/08/2019 | Edited on 27/08/2019

 


திருவண்ணாமலை நகரத்தில் வீட்டில் வைத்து போலி மதுபானம் விற்கிறார்கள், கூடவே சாராயம் விற்பனை செய்கிறார்கள் என வந்த தகவலின் அடிப்படையில் திருவண் ணாமலை நகர காவல்துறை அதிகாரிகள், மாரியம்மன் கோயில் தெருவில் உள்ள ஒரு வீட்டில் சோதனை நடத்தியுள்ளனர். அந்த சோதனையில் 200 கள்ள மதுப்பாட்டில்கள் மற்றும் சாராய கேன்கள் இருந்துள்ளன. அதனை கைப்பற்றிய போலிஸார் அருண்குமார் மற்றும் அவருக்கு உதவியாக இருந்த அதே பகுதியை சேர்ந்த பிரபு என இருவரை காவல்நிலையம் அழைத்து  சென்றுள்ளனர்.

 

w

 

அருண்குமார் என்பவர், பாமகவின் திருவண்ணாமலை தெற்கு மாவட்ட துணை செயலாளராக உள்ளார் என்கிற தகவல் போலிஸாருக்கு கிடைத்துள்ளது. அருண்குமார் காவல்நிலையம் அழைத்து செல்லப்பட்டார் என்கிற தகவல் கிடைத்ததும் பாமகவினர் அதிர்ச்சியாகினர்.


மதுவுக்கு எதிராக தொடர்ச்சியாக போராட்டம் நடத்தி வரும் கட்சி மற்றும் மது விலக்கு என்பதை கட்சி கொள்கையாகவே வைத்துள்ள கட்சியின் மாவட்ட நிர்வாகியே கள்ள மது விற்பனை செய்தார் என கைது செய்யப்பட்டால் அவமானம் என நினைத்த பாமகவின் முக்கிய நிர்வாகிகள் சிலர் காவல்துறை அதிகாரிகளிடம், பேசியுள்ளனர். இதனால் ஆகஸ்ட் 26ந்தேதி மாலை கைது செய்யப்பட்டவர்கள் மீது ஆகஸ்ட் 27ந்தேதி காலை வரை வழக்கு போடாமல், கைது செய்ததை கணக்கு காட்டாமல் வைத்திருந்தனர் காவல்துறையினர். 


ஆளும்கட்சியான அதிமுகவுடன் பாமக கூட்டணி வைத்திருப்பதால், அதனை பயன்படுத்தி வழக்கு போடாமல் தடுக்க சில முயற்சிகளை பாமக நிர்வாகிகள் எடுத்தனர். ஆனால் அதற்குள் இந்த தகவல் வெளியே பரவிவிட்டதால் எங்களால் எதுவும் செய்ய முடியாது எனச்சொல்லி கள்ளச்சாராயம் மற்றும் மதுபாட்டில்கள் விற்பனை செய்தவர்கள் மீது வழக்கு பதிவு செய்தது காவல்துறை.


வழக்கமாக இப்படி கைது செய்யப்படுபவர்களை மதுபாட்டில்களோடு நிற்கவைத்து புகைப்படம் எடுத்து பத்திரிக்கைக்கு காவல்துறையினர் தருவது வழக்கம். இந்த வழக்கில் காவல்துறை அப்படி எதுவும் தரவில்லை. கைது செய்யப்பட்டவர்களை பத்திரிக்கை, தொலைக்காட்சி முன்பு காட்டாமல் நீதிமன்றத்தில் நிறுத்தி சிறையில் அடைத்தனர் என்பது குறிப்பிடதக்கது. 

சார்ந்த செய்திகள்

Next Story

காண வருவோருக்கு மது பாட்டில்; எம்எல்ஏவின் காணும் பொங்கல் அலப்பறை

Published on 18/01/2024 | Edited on 18/01/2024
A bottle of wine for visitors;  MLA gift to volunteers

தமிழர் திருநாளான பொங்கல் விழா கொண்டாட்டங்கள் முடிந்திருக்கும் நிலையில் ஆந்திராவிலும் சில இடங்களில் பொங்கல் பண்டிகை கொண்டாடப்பட்டு வருகிறது. இந்தநிலையில் ஆந்திராவில் எம்எல்ஏ ஒருவர் காணும் பொங்கல் தினத்தன்று தன்னை காண வருவோருக்கு மது பாட்டிலும் உயிருடன் கோழியும் பரிசாக அளித்தது பரபரப்பு ஏற்படுத்தி இருக்கிறது.

ஆந்திர மாநிலம் விசாகப்பட்டினம் தொகுதியின் ஒய்எஸ்ஆர் காங்கிரஸ் எம்எல்ஏ வாசுப்பள்ளி கணேஷ் என்பவர் காணும் பொங்கல் அன்று தன்னைக் காண வரும் தொண்டர்களுக்கு முழு மது பாட்டிலையும், உயிருடன் ஒரு கோழியையும் வழங்குவதாக தொண்டர்கள் தெரிவித்துள்ளனர். இது தொடர்பான வீடியோ காட்சிகள் இணையத்தில் வைரலாகி வருகிறது.

எம்.எல்.ஏ வாசுபள்ளி கணேஷ் குமார் மீது ஏற்கனவே இதுபோன்ற குற்றச்சாட்டுகள் இருக்கிறது. தசரா பண்டிகையின்போது கட்சிக்காரர்களுக்கு சினிமா டிக்கெட், கோழிக்கறி, மதுபானம் ஆகியவற்றை கொடுத்துள்ளார்.  ஆந்திராவில் ஒரு நபர்  அதிகபட்சமாக மூன்று பாட்டில்களை சேமிக்க மட்டுமே அனுமதி உள்ள நிலையில் 400 மதுபாட்டில்களை சேமித்து விநியோகித்த எம்எல்ஏவின் செயல் குறித்து கலால் அதிகாரிகள் இதுவரை கருத்து தெரிவிக்கவில்லை என்பது குறிப்பிடத்தக்கது.

Next Story

“அம்புட்டும் ஒயினாம்...” - ஒயின் வெள்ளத்தில் சிக்கிய ஊர்

Published on 12/09/2023 | Edited on 20/09/2023

 

A town caught in a flood of wine

 

மழைக் காலங்களில் நீர் வடிகால் இல்லாத பகுதிகளில் வெள்ளம் அடித்துக்கொண்டு செல்வதையும் அதில் சிக்கிக்கொண்ட மக்களை மீட்பதையும் பார்த்திருப்போம் அல்லது கேள்விப்பட்டிருப்போம். ஆனால் ஒயின் வெள்ளம் கேள்விப்பட்டதுண்டா? ஆமாம் ஒரு ஊரையே சுற்றி வளைத்துத் திகைக்க வைத்துள்ளது இந்த திடீர் ஒயின் வெள்ளம்.

 

போர்ச்சுக்கல்  நாட்டின் அனாடியாவில், டெஸ்டிலேரியா லெவிரா எனும் ஒயின் ஆலையில் இரண்டு டாங்குகள் திடீரென வெடித்துச் சிதறின. இதன் விளைவாக, ஒயின் கசிவு ஏற்பட்டு வெளியேறத் துவங்கியது. ஆலையின் எல்லைக்கு அப்பால் தெறித்து, நகரின் பல தெருக்களில் ஒயின் வெள்ளம் போல் ஓடியது. இந்த சம்பவம் செப்டம்பர் 10ம் தேதி நடந்தது. எதனால் இந்த உடைப்பு ஏற்பட்டது என்பது இன்னும் கண்டறியப்படவில்லை. இதில் சுமார் 2.2 மில்லியன் லிட்டர் ஒயின் கசிந்துள்ளது. இதனை நபர் ஒருவர் வீடியோ எடுத்து வெளியிட்ட நிலையில், அந்த ஒயின் வெள்ளக் காட்சிகள் இணையத்தில் வைரலாகி வருகின்றன.