![india coronavirus ministry of health and family welfare](http://image.nakkheeran.in/cdn/farfuture/sk7k9_2dnLVhs26nJflsEZ6fhOiYauoC9txYF-cnA9U/1598072109/sites/default/files/inline-images/i8%20%281%29.jpg)
இந்தியாவில் கரோனா வைரஸால் பாதிக்கப்பட்டவர்களின் எண்ணிக்கையும், உயிரிழந்தவர்களின் எண்ணிக்கையும் தொடர்ந்து அதிகரித்து வருகிறது.
இன்று (22/08/2020) காலை 08.00 மணி நிலவரப்படி, இந்தியாவில் கரோனாவால் பாதிக்கப்பட்டவர்களின் எண்ணிக்கை 29,05,823 லிருந்து 29,75,701 ஆக உயர்ந்துள்ளது. இந்தியாவில் கரோனா பாதிப்பால் உயிரிழந்தவர்களின் எண்ணிக்கை 54,849 லிருந்து 55,794 ஆக அதிகரித்துள்ளது. அதேபோல் இந்தியாவில் கரோனா பாதிப்பிலிருந்து குணமடைந்தோர் எண்ணிக்கை 21.58 லட்சத்திலிருந்து 22.22 லட்சமாக அதிகரித்துள்ளது. குறிப்பாக இந்தியாவில் ஒரே நாளில் 63,631 பேர் கரோனா பாதிப்பிலிருந்து குணமடைந்துள்ளனர். கரோனா பாதித்த 6.97 லட்சம் பேருக்கு இந்தியாவில் உள்ள மருத்துவமனைகளில் சிகிச்சை அளிக்கப்படுகிறது.
![india coronavirus ministry of health and family welfare](http://image.nakkheeran.in/cdn/farfuture/BdgdPDTsOkUBHwRXbRBR682D09YhR0ak0RW8PpazCBk/1598072212/sites/default/files/inline-images/mh_1.jpg)
இந்தியாவில் ஒரே நாளில் 69,878 பேருக்கு கரோனா கண்டறியப்பட்டுள்ள நிலையில், ஒரே நாளில் கரோனாவுக்கு 945 பேர் உயிரிழந்தனர். இந்தியாவில் கரோனா உயிரிழப்பு விகிதம் 1.89% ஆகவும், குணமடைந்தோர் விகிதம் 74.30% ஆகவும் உள்ளது. இந்த தகவலை மத்திய சுகாதார மற்றும் குடும்ப நலத்துறை அமைச்சகம் அதிகாரப்பூர்வமாக அறிவித்துள்ளது.