இயக்குநர் பாரதிராஜாவின் மகன் மனோஜ் இயக்குநராக அறிமுகமாகவுள்ள படம் 'மார்கழி திங்கள்'. இப்படத்தை இயக்குநர் சுசீந்திரன் தயாரிக்க, பாரதிராஜா முக்கியக் கதாபாத்திரத்தில் நடிக்கிறார். சுசீந்திரனும் வில்லன் கதாபாத்திரத்தில் நடித்துள்ளார். முதன்மை கதாபாத்திரத்தில் அறிமுக கலைஞர்கள் சியாம் செல்வன், ரக்ஷனா நடித்துள்ளனர். இளையராஜா இசைப் பணிகளை மேற்கொள்கிறார்.
படத்தின் டீசர், ட்ரைலர் ஆகியவை வெளியாகி ரசிகர்களின் கவனத்தை ஈர்த்துள்ளது. ட்ரைலரில் விரைவில் படம் ரிலீஸாகவுள்ளதாக படக்குழு குறிப்பிட்ட நிலையில் விரைவில் ரிலீஸ் தேதி அறிவிக்கப்படும் என எதிர்பார்க்கப்படுகிறது.
இந்த நிலையில் இந்த படக்குழுவைச் சேர்ந்த சுசீந்திரன், மனோஜ் பாரதிராஜா, நாயகன் சியாம் செல்வன், நாயகிகள் நக்ஷா சரண், ரக்ஷனா உள்ளிட்ட 16 பேர் உடல் உறுப்புகளை தானம் செய்யவுள்ளதாக சுகாதாரத்துறை அமைச்சர் மா.சுப்பிரமணியன் அவரது எக்ஸ் பக்கத்தில் தெரிவித்துள்ளார். மேலும் தானம் செய்வதற்குரிய படிவங்களை இன்று காலை அவரிடம் ஒப்படைத்ததாகவும் மனிதநேயம் மிக்க அவர்களுடைய இச்செயல் மற்றவர்களுக்கு முன்னுதாரணமானதாக இருக்கும் என்றும் பாராட்டியுள்ளார்.
திரைத்துறை இயக்குனர்கள் சுசீந்திரன், மனோஜ் பாரதிராஜா
மக்கள் தொடர்பாளர் நிகில் முருகன், நாயகன் சியாம் செல்வன், நாயகிகள் நக்ஷா சரண்,
ரக்ஷனா உள்ளிட்ட 16 பேர் உடல் உறுப்புகளை தானம் செய்வதற்குரிய படிவங்களை இன்று காலை நம்மிடத்தில் ஒப்படைத்தனர் மனிதநேயம் மிக்க அவர்களுடைய இச் செயல்… pic.twitter.com/OqZDdmW9Mq— Subramanian.Ma (@Subramanian_ma) September 30, 2023
