பஹ்ரைன் நாட்டில் புதிய பிரதமர் நியமனம்...

பஹ்ரைன் நாட்டின் புதிய பிரதமராக இளவரசர் சல்மான் பின் ஹமீத் அல் கலீஃபா தேர்ந்தெடுக்கப்பட்டுள்ளார். 

1783 ஆம் ஆண்டு முதல் பஹ்ரைனை ஆண்டுவரும் அல் கலீஃபா குடும்பத்தில் கடந்த 1935 ஆம் ஆண்டு பிறந்த கலீஃபா பின் சல்மான் அல் கலீஃபா, 1970 முதல் பஹ்ரைன் பிரதமராக இருந்து வந்தார். உலகிலேயே நீண்ட காலம் ஒரு நாட்டின் பிரதமராகத் தொடர்ந்து பதவிவகித்தவர் என்ற பெருமையை உடைய இவர், உடல்நிலை சரியில்லாததால் அமெரிக்காவின் மாயோ கிளினிக் மருத்துவமனையில் சிகிச்சை பெற்றுவந்தார். இந்தச் சூழலில் சிகிச்சை பலனின்றி, 84 வயதான அவர், நேற்று காலமானார். அமெரிக்காவிலிருந்து அவரது உடல் பஹ்ரைன் கொண்டுவரப்பட்ட பின்னர், இறுதிச் சடங்குகள் நடைபெறும் என்று அறிவிக்கப்பட்டுள்ளது. இந்நிலையில், பஹ்ரைன் நாட்டின் புதிய பிரதமராக இளவரசர் சல்மான் பின் ஹமீத் அல் கலீஃபா தேர்ந்தெடுக்கப்பட்டுள்ளார்.