நாளை முதல் நீட் தேர்வு பயிற்சி- தமிழக அரசு அறிவிப்பு!

தமிழகத்தில் கடந்த மாதம் தொடங்கிய காலாண்டு தேர்வுகள் இன்றுடன் நிறைவடையும் நிலையில், நாளை (24/09/2019) முதல் அரசு நீட் தேர்வு பயிற்சி வகுப்புகள் தொடங்கும் என்று தமிழக அரசு அறிவித்துள்ளது.

அதன்படி, தமிழகத்தில் மொத்தம் உள்ள 412 அரசு நீட் தேர்வு பயிற்சி மையங்களில், 12- ஆம் வகுப்பு மாணவர்களுக்கான நீட் தேர்வு பயிற்சி வகுப்புகள் நாளை (24/09/2019) முதல் தொடங்குகின்றனர். இதனிடையே மொழி தாள்கள் ஒரே தாளாக்கப்பட்டதை அடுத்து, 10- ஆம் வகுப்புக்களுக்கான மாதிரி வினா தாள்களை மாநில கல்வியியல் ஆராய்ச்சி மற்றும் பயிற்சி மையம் (SCERT) வெளியிட்டுள்ளது. அதில் தமிழ் மற்றும் ஆங்கில மாதிரி வினாத்தாள் வெளியிடப்பட்டுள்ளது.