தமிழக பாஜக தலைவர் தமிழிசை சவுந்தரராஜன் தெலுங்கானா மாநிலத்தின் ஆளுநராக தேர்ந்தெடுக்கப்பட்டதற்கு பல்வேறு அரசியல் தலைவர்கள் தங்களது வாழ்த்துக்களை தெரிவித்துள்ளனர்.
பாரம்பரியம் மிக்க அரசியல் குடும்பத்திலிருந்து, தெலங்கானா மாநில ஆளுநராக பொறுப்பேற்கும் அன்புச் சகோதரி @DrTamilisaiBJP அவர்களுக்கு வாழ்த்துகள்!
— M.K.Stalin (@mkstalin) September 1, 2019
அடித்தட்டு மக்களின் நலனுக்காகப் பாடுபட்டு, இந்திய அரசியல் சட்டத்தின் மாண்புகளை எந்நாளும் அவர் பாதுகாப்பார் என பெரிதும் நம்புகிறேன். https://t.co/kItr919Ux2
தமிழிசை சௌந்தரராஜனுக்கு திமுக தலைவர் ஸ்டாலின் தொலைபேசியில் வாழ்த்து தெரிவித்துள்ளார். தெலுங்கான ஆளுநராக நியமிக்கப்பட்ட அவருக்கு என்னுடைய வாழ்த்துக்கள். அன்பு சகோதரி தமிழிசை அடித்தட்டு மக்களின் நலனுக்காக பாடுபட்டு அரசியல் சட்ட மாண்புகளை அவர் பாதுகாப்பார் என நம்புகிறேன் என டுவிட்டரிலும் வாழ்த்து தெரிவித்துள்ளார்.
அதேபோல் திராவிடர் கழகத் தலைவர் கி வீரமணி வாழ்த்துக்கள் தெரிவித்துள்ளார். ஆயிரம் கருத்து வேறுபாடுகள் இருந்தாலும் அன்பு மகள் தமிழிசைக்கு வாழ்த்துக்கள் என அவர் தெரிவித்துள்ளார். தெலுங்கானா மாநில ஆளுநராக தமிழிசை நியமிக்கப்பட்டதற்கு தேமுதிக பொருளாளர் பிரேமலதாவிஜயகாந்த் வாழ்த்துக்கள் தெரிவித்துள்ளார்!
- "எல்லாருமே பார்ப்பீங்க" - விவரிக்கும் 'கூச முனுசாமி வீரப்பன்'
- "அதான் அடிச்சு தூக்குனேன்" - கூலாக சொன்ன கூச முனுசாமி வீரப்பன்
