தமிழகத்துக்கு நீர்வரத்து 65,000 கனஅடியாக குறைந்தது!

தமிழக எல்லையான பிலிகுண்டுலுவில் காவிரி நீர்வரத்து விநாடிக்கு 80,000 கனஅடியில் இருந்து 65,000 கனஅடியாக குறைந்தது. 

இன்று (23/09/2020) காலை நிலவரப்படி, மேட்டூர் அணைக்கு நீர்வரத்து விநாடிக்கு 71,000 கனஅடியில் இருந்து 70,000 கனஅடியாக குறைந்துள்ளது. மேட்டூர் அணையின் நீர்மட்டம் 95.27 அடியாகவும், நீர் இருப்பு 58.88 டி.எம்.சி.யாகவும் இருக்கிறது. அணையிலிருந்து டெல்டா பாசனத்துக்கு விநாடிக்கு 18,000 கனஅடியும், கிழக்கு மற்றும் மேற்கு கால்வாய் பாசனத்துக்கு விநாடிக்கு 700 கனஅடி நீரும் திறக்கப்படுகிறது.