Published on 31/05/2021 | Edited on 31/05/2021
அண்ணா பல்கலைக்கழகத்தின் துணைவேந்தர் பதவிக்கு விண்ணப்பிக்க கால அவகாசம் நீட்டிக்கப்பட்டுள்ளது. விண்ணப்பப் படிவங்களை www.annauniv.edu என்ற இணையதள முகவரியில் பதிவிறக்கம் செய்துகொள்ளலாம். nodalofficer2021@annauniv.edu என்ற இணையதளத்தில் விண்ணப்பங்களைச் சமர்ப்பிக்கலாம். துணைவேந்தர் பதவிக்கு விண்ணப்பிப்பதற்கான கால அவகாசம் ஜூன் 30ஆம் தேதிவரை நீட்டிக்கப்பட்டுள்ளது. தகுதியான மூன்று நபர்களைத் தேர்வு செய்து தேடுதல் குழு ஆளுநரிடம் பட்டியலை அளிக்கும்.
கடந்த மார்ச் மாதம் தேர்வுக் குழு அமைத்து துணைவேந்தர் தேர்வு பணி நடந்து வரும் நிலையில், அவகாசம் நீட்டிக்கப்பட்டுள்ளது குறிப்பிடத்தக்கது.