Skip to main content

என்னை அந்த கேரக்டருக்கு எப்படி இயக்குநர் தேர்வு செய்தாரோ? - பகவதி பெருமாள் ஆச்சரியம்

Published on 29/03/2023 | Edited on 29/03/2023

 

 Bagavathi Perumal Interview

 

பல்வேறு திரைப்படங்களில் வித்தியாசமான கதாபாத்திரம் மூலம் ரசிகர்களை கவர்ந்தவர் நடிகர் பக்ஸ் என்கிற பகவதி பெருமாள். தற்போது அவர் செங்களம் வெப்சீரிஸில் நடித்து முடித்துள்ளார். அந்த வெப்சீரிஸில் நடித்த அனுபவங்களோடு பல்வேறு தகவல்களை நம்மோடு பகிர்ந்து கொள்கிறார் 

 

செங்களம் வெப்சீரிசில் ஒரு எம்.எல்.ஏவின் உதவியாளராக நடித்துள்ளேன். மிகவும் சுவாரசியமான ஒரு பாத்திரம். ரசிகர்கள் நிச்சயம் ரசிக்கும்படி இருக்கும். சூப்பர் டீலக்ஸ் படத்தில் அந்த கதாபாத்திரத்தை எனக்கு வழங்க வேண்டும் என்று குமாரராஜா சார் எடுத்த முடிவு என்னை இன்றும் பிரமிக்க வைக்கிறது. நான் எதிர்பார்த்த மாதிரியான ஒரு வேடம் அது. குமாரராஜா சாருடைய படத்தில் வேலை செய்ய வேண்டும் என்றும் விரும்பினேன். இரண்டும் அதில் நடந்தது. வித்தியாசமான பாத்திரங்களை என்னால் நன்றாகச் செய்ய முடியும் என்று இயக்குநர்கள் நம்புகிறார்கள். 

 

அரசியல் பற்றிய புரிதல் இருப்பவர்களுக்கு செங்களம் வெப்சீரிஸ் ஒரு விருந்தாக இருக்கும். அரசியல் புரிதல் இல்லாதவர்களுக்குப் புரிதலை இது ஏற்படுத்தும். இயக்குநரின் எழுத்து அவ்வளவு ஆழமாக இருக்கும். அஜித் சார் ஒரே நாளில் 2000 ரசிகர்களுடன் புகைப்படம் எடுத்துக்கொண்டது என் வாழ்வில் மறக்க முடியாதது. சினிமாவோ, வெப்சீரிசோ, பெரிய திரையில் பார்ப்பது எப்போதுமே அற்புதமான அனுபவம் தான். ஆனால் நான்கு மணி நேரத்துக்கு மேல் ஓடும் வெப்தொடரை ஓடிடியில் வெளியிடுவது தான் சரி. அதேபோல் தியேட்டரில் மார்க்கெட் போன்ற பிரச்சனைகள் இருக்கின்றன. ஓடிடியில் பலவற்றை சாதிக்க முடிகிறது. 

 

 

சார்ந்த செய்திகள்

Next Story

‘ஃபேமிலி படம்’ படத்தின் படப்பிடிப்பு துவக்கம் 

Published on 23/03/2024 | Edited on 23/03/2024
family padam shooting starts

யுகே கிரியேஷன் சார்பில் கே.பாலாஜி தயாரிப்பில், செல்வா குமார் திருமாறன் இயக்கத்தில் உதய் கார்த்திக் சுபிக்‌ஷா நடிக்கும், படம் ‘ஃபேமிலி படம்’. இப்படத்தில் நாயகனாக டைனோசர்ஸ் பட நாயகன் உதய் கார்த்திக் நடிக்கிறார். நாயகியாக சுபிக்‌ஷா நடிக்கிறார். இவர்களுடன் விவேக் பிரசன்னா, பார்த்திபன், ஶ்ரீஜா, சந்தோஷ், மோகன சுந்தரம், ஆர்.ஜே பிரியங்கா, ஜனனி ஆகியோர் முக்கிய பாத்திரங்களில் நடிக்கிறார்கள். அனிவீ இசையமைக்கிறார்.  
 
ஒரு குடும்பத்தில் இருக்கும் மூன்று அண்ணன் தம்பிகள், வாழ்வில் ஜெயிக்க போராடுகிறார்கள், அவர்களுக்குள் நிகழும் சண்டைகள், காதல், காமெடி என அனைத்தும் கலந்து உருவாக்கப்பட்டுள்ளதாக தெரிவிக்கப்பட்டுள்ளது. இப்படத்தின் படப்பிடிப்பு, படக்குழுவினர் கலந்துகொள்ள, பூஜையுடன் துவங்கியது. 

முதற்கட்டப் படப்பிடிப்பு சென்னையில் துவங்கி பரபரப்பாக நடந்து வருகிறது. படத்தின் முக்கியமான சில காட்சிகளை மதுரையில் படமாக்க படக்குழு திட்டமிட்டுள்ளது. படத்தின் ஃபர்ஸ்ட்லுக் மற்றும் படம் குறித்த மற்ற தகவல்கள் விரைவில் அதிகாரப்பூர்வமாக அறிவிக்கப்படும் என தெரிவிக்கப்பட்டுள்ளது.

Next Story

போன சம்மருக்கு மிஸ்ஸிங்; இந்த கோடையில் களமிறங்கும் ஜி.வி பிரகாஷ்!

Published on 23/03/2024 | Edited on 23/03/2024
gv prakash kalvan movie trailer released

ஜி.வி. பிரகாஷ் நடிகராக ரெபல், இடி முழக்கம், 13, கள்வன், டியர், கிங்ஸ்டன் உள்ளிட்ட படங்களைக் கைவசம் வைத்துள்ளார். இசையமைப்பாளராக தங்கலான், அமரன், சூர்யாவின் 43வது படம் உள்ளிட்ட படங்களில் பணியாற்றுகிறார். இதில் ரெபல் படம் நேற்று திரையரங்குகளில் வெளியானது. கலவையான விமர்சனங்களை பெற்று வருகிறது. 

இதனிடையே, 'கள்வன்' படத்தில் ஜி.வி பிரகாஷோடு, பாரதிராஜாவும் முதன்மைக் கதாபாத்திரத்தில் நடித்துள்ளார். மேலும் இவானா கதாநாயகியாக நடிக்க தீனா, ஞானசம்பந்தன் உள்ளிட்ட பலர் முக்கியக் கதாத்திங்களில் நடித்துள்ளனர். டில்லி பாபு தயாரித்துள்ள இப்படத்தை பி.வி.ஷங்கர் இயக்கியுள்ளார். ஜி.வி.பிரகாஷ் இசை பணிகளையும் மேற்கொண்டுள்ளார். இப்படத்தின் மோஷன் போஸ்டர் மற்றும் டீசர் கடந்த ஆண்டு ஜனவரியில் வெளியானது. மேலும் கடந்த வருட கோடையில் வெளியாகும் என தெரிவிக்கப்பட்டது. ஆனால் வெளியாகவில்லை. 

gv prakash kalvan movie trailer released

இந்த நிலையில் நீண்ட இடைவெளிக்கும் பிறகு தற்போது இப்படத்தின் ட்ரைலர் வெளியாகியுள்ளது. ட்ரைலரில் காட்டு யானைகளால் பாதிக்கப்படும் மலைவாழ் மக்களின் வாழ்வியலை அடிப்படையாகக் கொண்டு இப்படம் உருவாகியுள்ளது போல் தெரிகிறது. ஏப்ரல் 4அம் தேதி இப்படம் திரையரங்குகளில் வெளியாகவுள்ளதாக அறிவிக்கப்பட்டுள்ளது.