மத்திய தகவல் மற்றும் ஒளிப்பரப்பு துறையின் இணையமைச்சர் டாக்டர் எல்.முருகனை சென்னையில் உள்ள அவரது இல்லத்தில் பிரபல இசையமைப்பாளரும், நடிகருமான ஜி.வி.பிரகாஷ் நேற்று (03/11/2022) மாலை 05.00 மணியளவில் நேரில் சந்தித்துப் பேசினார்.
அப்போது, சூரரைப்போற்று திரைப்படத்தின் சிறந்த பின்னணி இசையமைப்பாளருக்கான தேசிய விருதினைப் பெற்றதற்காக மத்திய அமைச்சரிடம் ஜி.வி.பிரகாஷ் வாழ்த்து பெற்றார்.
Next Story
மன்மத லீலை படத்தை தொடர்ந்து அசோக் செல்வன் நடிப்பில் வெளிவரும் திரைப்படம் 'ஹாஸ்டல்'. அசோக் செல்வனுக்கு ஜோடியாக பிரியா பவானிசங்கர் நடித்துள்ளார். சதீஷ், நாசர் உள்ளிட்ட பலர் நடித்துள்ளனர். ஆர்.ரவீந்திரன் தயாரிக்கும் இப்படத்திற்கு போபோ சசி இசையமைத்துள்ளார். சுமந்த் ராதாகிருஷ்ணன் இயக்கியுள்ளார். இப்படத்தின் டீசர் கடந்த ஆண்டு வெளியாகி இருந்தது. வரும் ஏப்ரல் மாதம் 28-ஆம் தேதி திரையரங்கில் இப்படம் வெளியாகிறது.
இந்நிலையில் இப்படத்தின் ட்ரைலர் வெளியாகியுள்ளது. இதனை ஜி.வி பிரகாஷ் குமார் தனது ட்விட்டர் பக்கத்தில் வெளியிட்டுள்ளார். கல்லூரி மாணவர்களின் ஹாஸ்டல் வாழ்க்கையை காமெடி கலந்த திகில் ஜானரில் இப்படம் உருவாகியுள்ளது. 2015-ல் மலையாளத்தில் வெளியான 'அடி கப்யரே கூட்டமணி' படத்தின் தமிழ் ரீமேக் என்பது குறிப்பிடத்தக்கது.
Next Story
ஜீ.வி. பிரகாஷ் குமார் ஹீரோவாக நடிக்கும் படங்கள் அடுத்தடுத்து திரையில் வெளியாகி வருகின்றன. அந்த வகையில் 'ஈட்டி' பட இயக்குநர் ரவியரசு இயக்கத்தில் ஜீ.வி. பிரகாஷ் குமார் நடித்திருக்கும் படம் 'ஐங்கரன்'. இப்படத்தினுடைய ட்ரைலர் வெளியாகி மூன்று ஆண்டுகள் ஆகிவிட்டன. இப்படத்தில் மகிமா நம்பியார் கதாநாயகியாக நடித்துள்ளார். காளி வெங்கட், அருள் தாஸ், ஆடுகளம் நரேன் உள்ளிட்ட பலர் நடிக்கின்றனர். நீண்ட காலமாக நிலுவையில் இருந்த இப்படத்தை தற்போது 'ஏப்ரல் 28-ல்' ரிலீஸ் செய்ய படக்குழு திட்டமிட்டுள்ளதாக தகவல் வெளியாகியுள்ளது.
இந்நிலையில் விஜய் சேதுபதி, நயன்தாரா, சமந்தா நடிப்பில் உருவான 'காத்து வாக்குல இரண்டு காதல்' படம் ஏப்ரல் 28-ல் வெளியாகவுள்ளது. ஹன்சிகாவின் 50-வது படமான 'மகா' படமும் அதே தேதியில் திரைக்கு வரவிருக்கிறது. இப்படத்தில் நடிகர் 'சிம்பு' கெளரவ வேடத்தில் நடித்திருக்கிறார். நீண்ட இடைவெளிக்கு பிறகு வெளியாகும் ஐங்கரன் இரண்டு பெரிய படங்களுடன் இணைந்து ரிலீஸ் ஆவதால் ஜீ.வி பிரகாஷ் ரசிகர்கள் மத்தியில் பெரும் எதிர்பார்ப்பு ஏற்பட்டுள்ளது.
