Skip to main content

டாடா படத்தின் தாக்கம்; கணவருடன் சேர மனைவி விருப்பம்; நெகிழ்ந்து போன இயக்குநர்

Published on 17/02/2023 | Edited on 17/02/2023

 

After watching dada movie wife expressed her desire live with her husband

 

சிங்கிள் மதர் ஒருவர் தனக்கு அனுப்பிய வாட்சப் சாட்டை பொதுவெளியில் பகிர்ந்துள்ள ‘டாடா’ பட இயக்குநரின் ட்வீட் ஒன்று சோசியல் மீடியாவில் வைரலாகி வருகிறது.

 

அறிமுக இயக்குநர் கணேஷ் கே. பாபு இயக்கத்தில் கவின் நடிப்பில் வெளியாகியுள்ள படம் 'டாடா'. ரிலீஸுக்கு முன்பாகவே திரைப் பிரபலங்கள் மற்றும் பத்திரிகையாளர்களுக்கு இந்த படத்தின் ப்ரிவீவ் ஷோ திரையிடப்பட்டது. படம் பார்த்த அனைவரும் படத்தை பாராட்டி பேச, ரிலீஸாகி ரசிகர்கள் மத்தியிலும் அப்ளாசை அள்ளியது டாடா. சமீபத்தில் வெளியான இப்படம்., ஃபீல் குட் காதல் கதை லிஸ்டில் இடம்பிடித்து விமர்சன ரீதியாகவும் வசூல் ரீதியாகவும் நல்ல வரவேற்பைப் பெற்று வருகிறது. இப்படத்தில் கவினுக்கு ஜோடியாக அபர்ணா தாஸ் நடிக்க, ஒலிம்பியா மூவிஸ் சார்பில் எஸ்.அம்பேத்குமார் இத்திரைப்படத்தை தயாரித்துள்ளார். பாசிட்டிவான விமர்சனங்களை பெற்றுவரும் ‘டாடா’வுக்கு பின்னணியில் இருக்கும் கணேஷ் கே பாபுவை எல்லோரும் ஆச்சரியத்துடன் பார்த்து வருகின்றனர்.

 

அதே ஆச்சரியத்துடன் படக்குழுவை சந்தித்த நடிகர் கமலஹாசனும் தனது அன்பான வாழ்த்துகளைப் பகிர்ந்துள்ளார். முதல் படத்திலேயே முரட்டு ஹிட் கொடுத்துள்ள இயக்குநரை, கோலிவுட் வட்டாரம் சும்மா விடுமா என்ன... டாடா படத்துக்கு கிடைத்த முதல் நாள் ரெஸ்பான்சை வைத்தே, பிரபல தயாரிப்பு நிறுவனமான லைகா ப்ரொடக்‌ஷன் இயக்குநர் கணேஷ் கே பாபுவுடன் அடுத்த படத்திற்கான அதிகாரப்பூர்வ ஒப்பந்தத்தை போட்டுள்ளது. லைகா நிறுவனம் தற்போது கமலின் இந்தியன் - 2, ரஜினி சிறப்பு தோற்றத்தில் நடிக்கும் 'லால் சலாம்' மற்றும் அஜித்தின் 62வது படத்தை தயாரித்து வருவது குறிப்பிடத்தக்கது.

 

இதற்கிடையில், இயக்குநர் கணேஷ் கே பாபுவின் ட்விட்டர் பதிவு ஒன்று சமூக வலைத்தளங்களில் வைரலாகி வருகிறது. அதில், தன் குழந்தையை தனியாக வளர்க்கும் தாய் ஒருவர், டாடா படம் பார்த்த பிறகு தனது கணவருடன் சேர இருப்பதாக இயக்குநரிடம் வாட்சப்பில் உருகியுள்ளார். இதை அவரின் அனுமதியோடு, அவரது அடையாளத்தை மறைத்துவிட்டு இயக்குநர் பதிவிட்டு... ‘இதுதான் எனக்கு கிடைத்த உண்மையான வெற்றி’ என நெகிழ்ச்சியாக டிவிட்டரில் பதிவிட்டுள்ளார். இதைப் பார்த்த பலரும் இயக்குநரை பாராட்டி அந்த பதிவை ரீட்வீட் செய்து வருகின்றனர்.

 

 

 

சார்ந்த செய்திகள்

Next Story

கனவை நோக்கி ஓடும் ‘ஸ்டார்’ கவின்

Published on 27/04/2024 | Edited on 27/04/2024
kavin star movie trailer released

டாடா பட வெற்றியை தொடர்ந்து 'பியார் பிரேமா காதல்' பட இயக்குநர் இளன் இயக்கத்தில் 'ஸ்டார்' படத்தில் நடித்துள்ளார் கவின். மேலும் நடன இயக்குநர் சதீஷ் இயக்குநராக அறிமுகமாகும் படத்திலும் நடிக்கிறார். இரு படத்தின் பணிகளும் முழு வீச்சில் நடைபெற்று வருகிறது.

இதில் ஸ்டார் படம் ரிலீஸுக்கு தயாராகி வருகிறது. ரைஸ் ஈஸ்ட் எண்டர்டெயின்மெண்ட் மற்றும் ஸ்ரீ வெங்கடேஷ்வரா சினி சித்ரா என இரண்டு நிறுவனங்கள் தயாரிக்கும் இப்படத்தில் லால், அதிதி போஹங்கர், ப்ரீத்தி முகுந்தன், கீதா கைலாசம் உள்ளிட்டோர் நடித்துள்ளனர். யுவன் ஷங்கர் ராஜா இசையில் உருவாகியுள்ள இப்படம் அடுத்த மாதமான மே 10ஆம் தேதி வெளியாகவுள்ளது. இப்படத்தின் 4 பாடல்கள் முன்னரே அடுத்தடுத்து வெளியான நிலையில் சமீபத்தில் வெளியான ‘மெலோடி’ பாடல் ரசிகர்களை கவர்ந்தது. இதில் கவின் பெண் வேடமிட்டு நடனமாடும் காட்சிகள் சமூக வலைத்தளங்களில் வைரலானது. 

இதையடுத்து இயக்குநர் இளனுக்கு தயாரிப்பாளர் பெண்டேலா சாகர், வீட்டு மனை வாங்கி கொடுத்துள்ளார். “ஸ்டார் படத்தை பார்ப்பதற்கு முன்பே ஹைதராபாத்தில் எனக்கு ஒரு வீட்டு மனை வாங்கி தந்துள்ளார்” என இயக்குநர் இளன் அவரது எக்ஸ் பக்கத்தில் நெகிழ்ச்சியுடன் பதிவிட்டிருந்தார். இந்த நிலையில் இப்படத்தின் ட்ரைலர் தற்போது வெளியாகியுள்ளது. சினிமாவில் நடிகனாக ஆக வேண்டும் என்ற கனவோடு ஓடும் இளைஞன், வாழ்க்கையில் என்னென்ன சிக்கல்களை சந்திக்கிறான், அதை எதிர்கொண்டு எப்படி ஹீரோவாக மாறினான் என்பதை காதல், காமெடி, எமோஷன் என கலந்து விரிவாக விவரிக்கும் படமாக இப்படம் உருவாகியுள்ளது போல் தெரிகிறது. கவின் பல்வேறு கெட்டப்புகளில் தோன்றுகிறார். இந்த ட்ரைலர் தற்போது ரசிகர்களின் வரவேற்பை பெற்று வருகிறது. 

Next Story

படம் வெளியாவதற்கு முன்பே பரிசு - இயக்குநருக்கு இன்ப அதிர்ச்சி கொடுத்த தயாரிப்பாளர்

Published on 22/04/2024 | Edited on 22/04/2024
star movie director elan got a plot from producer before a movie release

டாடா பட வெற்றியை தொடர்ந்து 'பியார் பிரேமா காதல்' பட இயக்குநர் இளன் இயக்கத்தில் கவின், ஸ்டார் படத்தில் நடித்துள்ளார். மேலும் நடன இயக்குநர் சதீஷ் இயக்குநராக அறிமுகமாகும் படத்தில் நடிக்கிறார். இரு படத்தின் பணிகளும் முழு வீச்சில் நடைபெற்று வருகிறது.

இதில் ஸ்டார் படம் ரிலீஸுக்கு தயாராகி வருகிறது. ரைஸ் ஈஸ்ட் எண்டர்டெயின்மெண்ட் மற்றும் ஸ்ரீ வெங்கடேஷ்வரா சினி சித்ரா என இரண்டு நிறுவனங்கள் தயாரிக்கும் இப்படத்தில் லால், அதிதி போஹங்கர், ப்ரீத்தி முகுந்தன், கீதா கைலாசம் உள்ளிட்டோர் நடித்துள்ளனர். யுவன் ஷங்கர் ராஜா இசையில் உருவாகியுள்ள இப்படம் அடுத்த மாதமான மே 10ஆம் தேதி வெளியாகவுள்ளது. இதுவரை படத்தின் 4 பாடல்கள் வெளியான நிலையில் அண்மையில் வெளியான ‘மெலோடி’ பாடல் ரசிகர்களை கவர்ந்தது. இதில் கவின் பெண் வேடமிட்டு நடனமாடும் காட்சிகள் சமூக வலைத்தளங்களில் வைரலானது. 

star movie director elan got a plot from producer before a movie release

இந்த நிலையில் இயக்குநர் இளனுக்கு தயாரிப்பாளர் பெண்டேலா சாகர் வீட்டு மனை வாங்கி கொடுத்துள்ளார். இதனை இளன் தனது எக்ஸ் பக்கத்தில் பகிர்ந்து, மகிழ்ந்துள்ளார். அந்த பதிவில் அவர் குறிப்பிட்டிருப்பதாவது, “ஸ்டார் படத்தை பார்ப்பதற்கு முன்பே ஹைதராபாத்தில் எனக்கு ஒரு வீட்டு மனை வாங்கி தந்துள்ள எனது தயாரிப்பாளர் பெண்டேலா சாகருக்கு எனது மனமார்ந்த நன்றிகள். நான் அவரை படம் பார்க்க அழைத்தபோது, ​​அவர் அதைப் பார்ப்பதற்கு முன்பு எனக்கு பரிசளிக்க வேண்டும் என்று கூறினார்” என பதிவிட்டுள்ளார்.