ஐ.பி.எல். சீசன் 11 இறுதிக்கட்டத்தை எட்டியிருக்கிறது. சென்னை சூப்பர் கிங்ஸ், சன்ரைசர்ஸ் ஐதராபாத் மற்றும் டெல்லி டேர்டெவில்ஸ் அணிகளைத் தவிர மற்ற அணிகள் அனைத்தும் ப்ளே ஆஃப் தகுதிச்சுற்றில் தகுதிபெறுவதற்காக ஓடிக்கொண்டிருக்கின்றன. அந்த வகையில், கொல்கத்தா நைட் ரைடர்ஸ் அணி ப்ளே ஆஃப் சுற்றில் தகுதி பெறுவதற்காக சன்ரைசர்ஸ் ஐதரபாத் அணியுடன் அதன் சொந்த மண்ணில் எதிர்கொள்கிறது.
புள்ளிப்பட்டியலில் மூன்றாவது இடத்தில் இருந்தாலும், கொல்கத்தா நைட்ரைடர்ஸ் அணி - 0.091 ரன்ரேட்டுடன் ஆபத்தான நிலையில் இருக்கிறது. ப்ளே ஆஃப் தகுதிக்காக ஓட்டம் பிடித்திருக்கும் மற்ற அணிகளுக்கு, கொல்கத்தாவின் தோல்வி எளிமையான வாய்ப்பைத் தந்துவிடும். எனவே, இன்றைய போட்டியில் நிச்சயம் வெற்றிபெற்றாக வேண்டிய கட்டாயத்தில் கொல்கத்தா அணி இருக்கிறது.
இந்த சீசனில் மிகச்சிறப்பாக ஆடிக் கொண்டிருக்கும் சன்ரைசரஸ் ஐதராபாத் அணி, கடைசியாக களமிறங்கிய இரண்டு போட்டிகளில் தோல்வியைத் தழுவியிருக்கிறது. அதேபோல், கொல்கத்தா அணி கடைசி இரண்டு போட்டிகளில் வெற்றிபெற்றிருக்கிறது. இந்த இரண்டு அணிகளும் மோதும் டி20 கிரிக்கெட் போட்டி ஐதராபாத்தில் உள்ள ராஜீவ்காந்தி மைதானத்தில் வைத்து நடைபெறுகிறது. ஸ்பின்னர்களுக்கு சாதகமான இந்த மைதானத்தில், அனுபவமும், திறமையும் வாய்ந்த ஸ்பின்னர்களைக் களமிறக்க இந்த இரு அணிகளும் தயாராக உள்ளன. வெற்றி யார்பக்கம் என்பதை பொறுத்திருந்து பார்ப்போம்.
- "எல்லாருமே பார்ப்பீங்க" - விவரிக்கும் 'கூச முனுசாமி வீரப்பன்'
- "அதான் அடிச்சு தூக்குனேன்" - கூலாக சொன்ன கூச முனுசாமி வீரப்பன்
