Breaking

அரசு அலுவலர் வீட்டில் சோதனை மேற்கொண்ட லஞ்ச ஒழிப்புத்துறையினர்!

Photographer

Published on 13/10/2021 | Edited on 13/10/2021

Anti-bribery officers raid the home of a government official

தமிழகத்தில் தொடர்ந்து லஞ்ச ஒழிப்புத்துறையினர் அதிரடி காட்டிவரும் நிலையில், அரசு அலுவலகங்களில் அவ்வப்போது அதிரடியாகச் சோதனை செய்து லஞ்சம் பெறும் அதிகாரிகளையும் கைது செய்வதோடு, சட்ட ரீதியான நடவடிக்கைகள் எடுத்து வருகின்றனர். அதன் ஒருபகுதியாகக் கடந்த 2016ல் நடைபெற்ற வழக்கு தொடர்பாகக் குற்றம்சாட்டப்பட்டுள்ள திருச்சிராப்பள்ளி கூட்டுறவு வீடு கட்டுமான சங்கம் செயலாளராக இருந்த கார்மேகம் என்பவர் 2016 ஆம் ஆண்டு அண்ணாநகரில் கட்டுமான சங்கத்திற்குச் சொந்தமான 7 பிளாட் நிலத்தை விற்பனை செய்துள்ளார்.

அன்றைய அரசு மதிப்பு விலையான சதுர அடி 3000 ரூபாய்க்கு விற்பனை செய்யாமல், இந்த நிலத்தினை சதுர அடி 150 ரூபாய் வீதம் 7 பிளாட்டுகளையும் விற்பனை செய்துள்ளார். இதனால் அரசுக்கு 6 கோடியே 55 லட்சத்து 97ஆயிரம், இழப்பீடு ஏற்பட்டது. எனவே இதுதொடர்பாக 2018 -19 ஆண்டில் அவர் மீது லஞ்ச ஒழிப்புத்துறையினர் வழக்குப் பதிவு செய்தனர். இந்நிலையில் இன்று(13.10.2021) காலை திருச்சி புதிய செல்வாநகா் பகுதியில் உள்ள விசார்த்தி கார்டனில் உள்ள அவருடைய வீட்டில் லஞ்ச ஒழிப்புத்துறையினர் சோதனையிட்டனர். அப்போது சில பத்திரங்களும், 45 சவரன் நகையும், 2லட்சத்து 70ஆயிரம் பணமும், 150 சவரன் நகை வங்கி பாதுகாப்பு பெட்டகத்தில் வைத்திருந்ததும், 18 லட்சம் ரூபாய் மதிப்புள்ள காரும் இருப்பதை லஞ்ச ஒழிப்புத்துறையினர் சோதனையில் கைப்பற்றியுள்ளனர்.

விரிவான அலசல் கட்டுரைகள்

சார்ந்த செய்திகள்

நக்கீரன் செய்திப்பிரிவு

Photographer

Published on 25/04/2024 | Edited on 25/04/2024

79-year-old ex-registrar sentenced to 5 years in prison for Asset transfer case

திருச்சி மாவட்டத்தைச் சேர்ந்தவர் ஜானகிராமன் (79). இவரது மனைவி வசந்தி (65). ஜானகிராமன் கடந்த 1989ஆம் ஆண்டு முதல் 1993ஆம் ஆண்டு வரை சார்பதிவாளராக பணியாற்றி வந்தார். ஜானகிராமனின் பணிகாலத்தில் அவரது பெயரிலும், அவரது மனைவி பெயரிலும் பல்வேறு இடங்களில் 37 லட்சத்துக்கும் மேற்பட்ட சொத்துக்களை வாங்கியுள்ளதாக குற்றச்சாட்டு எழுந்தது. இது தொடர்பாக போலீசாருக்கு புகார் அளிக்கப்பட்டது.

அந்தப் புகாரின் பேரில், வருமானத்திற்கு அதிகமான சொத்துக்களை சேர்த்ததாக கணவர் மற்றும் மனைவி மீது திருச்சி மாவட்ட ஊழல் தடுப்பு மற்றும் லஞ்சஒழிப்பு போலீசார் வழக்குப்பதிவு செய்து விசாரணை நடத்தி வந்தனர். மேலும், இது தொடர்பான வழக்கு திருச்சி ஊழல் தடுப்பு சிறப்பு நீதிமன்றத்தில் விசாரணை நடைபெற்று வந்தது.

இந்த நிலையில், இந்த விசாரணை இன்று (25-04-24) நீதிபதிகள் முன்பு வந்தது. அப்போது, இந்த வழக்கை விசாரணை நடத்திய நீதிபதிகள், இருவர் மீதான குற்றச்சாட்டுகளையும் உறுதிப்படுத்தினர். இதனையடுத்து, ஜானகிராமனுக்கும், அவரது மனைவி வசந்திக்கும் ஐந்து ஆண்டுகள் சிறை தண்டனை விதித்து நீதிபதி அதிரடி தீர்ப்பளித்தார். அவர்கள் இருவரது பெயரில் உள்ள சொத்துக்களின் தற்போதைய மதிப்பு ரூ.100 கோடிக்கும் மேல் இருக்கும் எனக் கூறப்படும் நிலையில், அவற்றை பறிமுதல் செய்யவும் நீதிபதி உத்தரவிட்டார்.

விரிவான அலசல் கட்டுரைகள்

மகேஷ்

Photographer

Published on 25/04/2024 | Edited on 25/04/2024

Sp conducts surprise inspection of rice mills to prevent smuggling in Trichy

அத்தியாவசிய பண்டங்கள் கடத்தல் மற்றும் பதுக்கல் ஆகிய குற்றங்களை தடுக்கும் பொருட்டு தீவிரமான கண்காணிப்பு நடவடிக்கையில் தொடர்ந்து பல இடங்களில் ரோந்து சென்று தமிழ்நாடு குடிமைப் பொருள் வழங்கல் குற்றப்புலனாய்வு துறை காவல்துறை தலைவர் ஜோஷி நிர்மல்குமார் உத்தரவிட்டுள்ளார். அதன்படி, திருச்சி மண்டல குடிமை பொருள் வழங்கல் குற்ற புலனாய்வுத்துறை காவல் கண்காணிப்பாளர் சுஜாதா உத்தரவின் படி திருச்சி மாவட்டத்தில் காவல் ஆய்வாளர் செந்தில்குமார் , உதவி ஆய்வாளர் கண்ணதாசன் மற்றும் காவலர்கள் அடங்கிய குழுவினர் ஈடுபட்டு வருகின்றனர்.

இந்நிலையில் திருச்சி மண்டல காவல் கண்காணிப்பாளர் சுஜாதா மணப்பாறையில் உள்ள தனியார் நவீன அரிசி ஆலைகள் மற்றும் ரேஷன் அரிசி அரவை முகவர் அரிசி ஆலைகளில் ஏதேனும் முறைகேடு நடைபெறுகிறதா? என திடீர் சோதனையில் ஈடுபட்டார். ஆய்வின் போது திருச்சி காவல் ஆய்வாளர் ,உதவி ஆய்வாளர் மற்றும் காவலர்கள் இருந்தனர். மேலும் திருச்சி மாவட்ட எல்லையோர பகுதிகளில் பல இடங்களில் இக்குழு திடீர் வாகன சோதனைகளில் ஈடுபட்டு ரேஷன் அரிசி கடத்தலை தடுக்க நடவடிக்கை மேற்கொண்டு வருகின்றனர்.