Skip to main content

மெட்ரோ ரயில் காத்தாடுவது ஏன்???

Published on 31/05/2018 | Edited on 31/05/2018

சென்னையில் இதுவரை வெறிச்சோடி காணப்பட்ட மெட்ரோ ரயில் நிலையங்கள், கடந்த ஒரு வாரமாக திருவிழா கணக்காக மக்கள் வெள்ளம் தடம்புரண்டு ஓடுகிறது. 2015 ஆம் ஆண்டில் ஆரம்பித்த இந்த ரயில் சேவை பச்சையப்பன் கல்லூரி முதல் ஏர்போர்ட் வரையும், இன்னொரு வழியில் கிண்டி முதல் ஏர்போர்ட் வரையிலும் சேவை இருந்தது. தற்போது சென்ட்ரல் முதல் ஏர்போர்ட் வரை சேவை தொடரப்பட்டுள்ளது. இதை மக்களுக்கு தெரிவிக்கும் வகையில்தான் ஐந்து நாட்களாக இலவச பயணம் அளித்து வந்தனர். அதனால்தான் கூட்டம் கோலாகலமாக இருந்திருக்கிறது. எப்போது இலவசம் ரத்து செய்யப்படுகிறதோ அப்போது லட்சக்கணக்கான கூட்டம், சொற்பமானதாக ஆகிவிடும் என்று அரசாங்கத்துக்கு தெரியாதா என்ன. இதற்கு எல்லாம் காரணம் மெட்ரோ ரயில் நிலையத்தின் மோசமான சேவை அல்ல, நல்ல சேவைக்காக அவர்கள் வசூல் செய்வதுதான்? நல்ல சேவை என்பதற்காக எவ்வளவு வேண்டுமானாலும் விலை நிர்ணயம் செய்துகொள்வது சிறிதும் ஏற்புடையதல்ல.

 

metro

 

 



இந்தியாவில் மெட்ரோ ரயில் சேவை டெல்லி, மும்பை, கொல்கத்தா, பெங்களூரு, ஹைதராபாத், குர்காவன், ஜெய்ப்பூர் மற்றும் கொச்சின் ஆகிய நகரங்களில் தொடங்கி, செயல்பட்டுக் கொண்டிருக்கிறது. லக்னோ மற்றும் நொய்டா போன்ற ஏழு நகரங்களில் மெட்ரோ ரயில் நிலைய சேவை கட்டுமான பணிகளில் இருக்கிறது. மெட்ரோ ரயில் சேவை தொழில்நுட்ப புரட்சிகளின் பரிணாம வளர்ச்சிகளில் ஒன்று, மற்ற நாடுகளில் புல்லட் ரயில்கள் வரை சென்றுவிட்ட போதிலும் மெட்ரோ ரயில்களுக்கான கட்டுமான பணிகளில்தான் இந்தியா இருக்கிறது. இருக்கின்ற நகரங்களில் லாபத்துடன்தான் செயல்படுகிறதா? மெட்ரோ ரயில் சேவை லாபத்துடன் செயல்படாததற்கு ஒரே காரணம் குறிப்பாக மும்பையிலும் சென்னையிலும் அதன் கட்டணங்கள்தான். 2015 ஆம் ஆண்டில் சென்னையில் ஆரம்பிக்கப்பட்ட சேவையின் போதே எல்லோரையும் யோசிக்க வைத்தது இதன் கட்டணம் தான் ஒரு நிலையத்திலிருந்து அடுத்த நிலையத்திற்கு பத்து ரூபாய் என்று வைத்து அதிகபட்ச கட்டணமாக நாற்பது ரூபாய் என்றனர். இது பலரால் விமர்சிக்கப்பட்டது. மூன்று லட்சம் பேர் பயணிப்பார்கள் என்று பார்க்கையில் 33,000 பேர்தான் பயணிப்பதாக தெரிவிக்கின்றனர்.
 

metro

 

 


தற்போது சென்ட்ரல் முதல் ஏர்போர்ட் வரை சேவை நீடித்திருப்பதால் அதிகபட்ச கட்டணம் எழுபது ரூபாவாக உயர்ந்துள்ளது. இது மேலும் மக்களுக்கு பீதியையே அளிக்குமே தவிர, மெட்ரோ ரயிலை மக்கள் நாடுவதற்கு துணையாக ஒரு போதும் இருக்காது. இந்தியாவின் எல்லா நகரங்களிலும் இதே நிலைமைதான், ஆனால் சற்று பரவாயில்லை என்று சொல்ல வைக்கிறது, சென்னையின் விலை பட்டியலையும் மும்பையின் அதிகபட்ச கட்டண விலையையும் ஒப்பிட்டு பார்க்கையில். ஆனால், கொல்கத்தா மட்டும்தான் மக்களின் கவனத்தை ஈர்ப்பதற்காகவே விலைபட்டியலை 5 ரூபாய் முதல் 35 ரூபாய் வரையே வைத்திருக்கின்றனர். இதன் மூலம் அவர்களுக்கு ஆரம்ப காலங்களில் லாபம் கிடைக்காது, இருந்தாலும் மக்களை மெட்ரோ ரயில் சேவையை அதிகமாக பயன்படுத்தவைக்க முடியும். அதன் பின்னர் சற்று விலைபட்டியலை கூட்டினால் கூட அது லாபத்தை அளிக்கும். டெல்லியில் வைத்திருக்கும் விலைப்பட்டியலில் மக்களிடம் எடுக்கப்பட்ட சர்வே மூலமாகத்தான் விலைப்பட்டியல் நிர்ணயம் செய்திருக்கின்றனர். தமிழகத்தில் இதுபோன்று எதுவும் நடக்கவில்லை என்பது மக்களின் மீதான அக்கறையின்மைதான் காரணமாக இருக்க முடியும்.  தனியார் நிறுவனம் போன்று லாபத்தை மட்டுமே நோக்கி, மக்களின் கவனத்தையும், மக்களுக்கான சேவையையும் செய்ய மறந்துவிடுகின்றனர். இது கார்ப்பரேட் நிறுவனம் அல்ல, மக்களுக்கான அரசாங்கம் என்பதை மறவாதீர்கள்.       

 

 

 

 

Next Story

சம்போ செந்தில் வெளிநாடு தப்பியோட்டம்?

Published on 21/07/2024 | Edited on 21/07/2024
Sambo Senthil fled abroad

பகுஜன் சமாஜ் கட்சியின் மாநிலத் தலைவர் ஆம்ஸ்ட்ராங் (வயது 52) என்பவர் கடந்த 5 ஆம் தேதி (05.07.2024) அன்று மாலை கொலை செய்யப்பட்டார். இது குறித்து செம்பியம் காவல் நிலையத்தில் வழக்குப்பதிவு செய்து விசாரணை நடைபெற்று வருகிறது. இந்த கொலைக்கான காரணத்தைக் கண்டறிந்து சம்மந்தப்பட்ட குற்றவாளிகளை உடனடியாக கைது செய்ய சென்னை பெருநகர காவல் ஆணையாளர் உத்தரவிட்டிருந்தார். அந்த உத்தரவின்படி தனிப்படைகள் அமைக்கப்பட்டு ஏற்கனவே 14 குற்றவாளிகள் கைது செய்யப்பட்டு சிறையில் அடைக்கப்பட்டுள்ளனர்.

இத்தகைய சூழலில் தனிப்படை போலீசார் தீவிர விசாரணை செய்து இந்த கொலை வழக்கில் சம்பந்தப்பட்ட திருவள்ளூர் மாவட்டம் கடம்பத்தூர் பகுதியைச் சேர்ந்த கோதண்டராமன் என்பவரது மகன் ஹரிதரன் (வயது 37) என்பவரை நேற்று (20.07.2024) கைது செய்தனர். மேலும் விசாரணையில் கைது செய்யப்பட்ட ஹரிதரன் வழக்கறிஞராக பணியாற்றி வருவதும், இவர் அதிமுகவின் கடம்பத்தூர் ஒன்றிய குழு உறுப்பினராக உள்ளதும் தெரியவந்தது. 

Sambo Senthil fled abroad

இவர் ஆம்ஸ்ட்ராங் கொலை வழக்கில் கைது செய்யப்பட்ட ஹரிஹரன் மற்றும் அருளின் நண்பர் ஆவார். அருள் இவ்வழக்கில் குற்றவாளிகள் பயன்படுத்திய 6 செல்போன்களை ஹரிதரனிடம் ஒப்படைத்துள்ளார். இந்த செல்போன்களை மற்றொரு குற்றவாளியான ஹரிஹரன் யாருக்கும் தெரியாமல் தூக்கி எறியுமாறு ஹரிதரனிடம் தெரிவித்ததன் பேரில், ஹரிதரன் 6 செல்போன்களையும் சேதப்படுத்தி திருவள்ளுவர் மாவட்டம், வெங்கத்தூரில் உள்ள கொசஸ்தலை ஆற்றில் வீசி எறிந்துள்ளார்.

இதனையடுத்து தனிப்படை போலீசார் தமிழ்நாடு தீயணைப்பு மற்றும் மீட்புப் பணிகள் துறையைச் சேர்ந்த நீச்சல் பயிற்சி பெற்ற வீரர்களின் உதவியுடன் கொசஸ்தலை ஆற்றிலிருந்து 3 செல்போன்கள் மீட்கப்பட்டன. மற்ற செல்போன்களையும் கண்டுபிடிக்க மீட்புக் குழுவினர் தீவிரமாகத் தேடி வருகின்றனர். அதே சமயம் அதிமுக கவுன்சிலர் ஹரிதரனை அதிமுகவின் அடிப்படை உறுப்பினர் பொறுப்பு உட்பட அனைத்துப் பொறுப்புகளில் இருந்தும் நீக்கி அக்கட்சியின் பொதுச்செயலாளர் எடப்பாடி பழனிசாமி உத்தரவிட்டிருந்தார். 

Sambo Senthil fled abroad

அதே சமயம் ஹரிதரன், வெங்கத்தூர் கூவம் ஆற்றில் வீசியெறிந்த 3 செல்போன்கள் நேற்று (20.07.2024) மீட்கப்பட்ட நிலையில் அந்த செல்போன்கள் தடய அறிவியல் சோதனைக்கு அனுப்பப்பட்டன.  மேலும் 3 செல்போன்களை தீயணைப்புத்துறையினர் இன்று (21.07.2024) 2வது நாளாக ஆற்றில் தேடி வருகின்றனர்.

இந்நிலையில் ஆம்ஸ்ட்ராங் கொலை வழக்கில்  தேடப்படும் ஏற்கனவே லுக் அவுட் நோட்டீஸ் வழங்கப்பட்ட ரவுடி சம்போ செந்தில் போலி பாஸ்போர்ட் மூலம் வெளிநாடு தப்பிச் சென்றாரா என போலீசார் விசாரணை நடத்தி வருகின்றனர் தோப்பு பாலாஜி மீது வெடிகுண்டு வீசிய வழக்கில் சம்போ செந்திலுக்கு எதிராக கடந்த 2020 ஆம் ஆண்டு லுக் அவுட் நோட்டீஸ் பிறப்பிக்கப்பட்டிருந்தது குறிப்பிடத்தக்கது. 

Next Story

அஞ்சலைக்கு நீதிமன்ற காவல் விதிப்பு!

Published on 21/07/2024 | Edited on 21/07/2024
Court custody order for anjalai

தமிழக பகுஜன் சமாஜ் கட்சியின் மாநில தலைவர் ஆம்ஸ்ட்ராங் கடந்த 5 ஆம் தேதி (05.07.2024) இரவு பெரம்பூரில் உள்ள அவரது வீட்டின் அருகே 6 பேர் கொண்ட மர்ம கும்பலால் வெட்டி படுகொலை செய்யப்பட்டார். இது தொடர்பாக சரணடைந்த ஆற்காடு சுரேஷின் தம்பி பொன்னை பாலு, ராமு, திருவேங்கடம், திருமலை, செல்வராஜ், மணிவண்ணன், சந்தோஷ், அருள், கோகுல், விஜேஷ், சிவசக்தி ஆகிய 11 நபர்களும் போலீசார் கஸ்டடியில் எடுக்கப்பட்டு விசாரணை நடைபெற்றது.

இத்தகைய சூழலில் இந்த வழக்கில் தொடர்புடைய முக்கிய குற்றவாளியான பிரபல ரவுடி திருவேங்கடம் 14.07.2024 அன்று அதிகாலை என்கவுண்டர் செய்யப்பட்டது பரபரப்பை ஏற்படுத்தியது. மீதமுள்ள 10 பேர் பூவிருந்தவல்லி தனி கிளைச் சிறையில் அடைக்கப்பட்டனர். அதே சமயம் இந்த கொலை சம்பவம் தொடர்பாக அரசியல் கட்சியில் தொடர்புடையவர்கள் கைது செய்யப்பட்டு வருகின்றனர். அந்த வகையில் இந்த கொலை தொடர்பாக பாஜகவினுடைய வட சென்னை மேற்கு மாவட்ட துணைத் தலைவர் பதவியிலிருந்த அஞ்சலை என்பவரை போலீசார் தேடிவந்தனர்.

இதற்கிடையே பாஜகவின் வட சென்னை மேற்கு மாவட்ட துணைத் தலைவர் பதவியில் இருந்து அஞ்சலை நீக்கப்படுவதாக கட்சியின் மாநில துணைத் தலைவர் கரு நாகராஜன் பாரதிய ஜனதா கட்சி சார்பில் அறிக்கை ஒன்றை வெளியிட்டிருந்தார். இதனையைடுத்து ஆம்ஸ்ட்ராங் வழக்கு தொடர்பாக தேடப்பட்டு வந்த பாஜக முன்னாள் நிர்வாகி அஞ்சலை நேற்று முன் தினம் கைது செய்யப்பட்டார். இந்நிலையில் ஆம்ஸ்ட்ராங் கொலை வழக்கில் கைதான பாஜக முன்னாள் நிர்வாகி அஞ்சலைக்கு ஆகஸ்ட் 2 ஆம் தேதி வரை நீதிமன்றக் காவல் விதித்து சென்னை எழும்பூர் நீதிமன்றம் உத்தரவிட்டது. இதனைத் தொடர்ந்து அஞ்சலை புழல் சிறையில் அடைக்கப்பட்டார், ஆம்ஸ்ட்ராங்க் கொலை வழக்கில் இதுவரை 15 பேர் கைது செய்யப்பட்டது குறிப்பிடத்தக்கது.