Skip to main content

அரசியலுக்கு வரும் கலைஞர்களுக்கு ‘வாத்தியார்’ எம்.ஜி.ஆரே! -விஜய்யும் மறு உருவமே!

Published on 05/09/2020 | Edited on 05/09/2020

 

‘Vathiyar’ MGR for artists coming to politics! -Success is the re-image!

 

இது யாரு பார்த்த வேலை? என்று கேட்க முடியாது. ஏனென்றால், அந்த வேலையைப் பார்த்தவர்கள் ‘நாங்கதான்’ என்று தங்களின் முகத்தைக் காட்டியிருக்கின்றனர். வேற ஒண்ணுமில்லீங்க.. வழக்கம்போல போஸ்டர் பரபரப்புதான்..

 

நடிகர் விஜய் ‘வாத்தியார்’ அவதாரம் எடுத்திருப்பதை, நக்கீரன் இணையத்தில், கடந்த ஜூன் 22-ஆம் தேதியே, ‘வாத்தியார் ஆன விஜய்’ எனத் தலைப்பிட்டு. போஸ்டர் ஆதாரங்களோடு செய்தி வெளியிட்டிருந்தோம். அடுத்து, அதே மதுரையில், மதுரை மாநகர் தெற்கு மாவட்ட தொண்டரணி சார்பில், ‘நாங்கள் கண்ட புரட்சி தலைவரே – புரட்சி தலைவியே’ என எம்.ஜி.ஆர். – ஜெயலலிதா கெட்டப்பில் விஜய் – சங்கீதா படங்களை அச்சிட்டு போஸ்டர் ஒட்டினார்கள். அத்தோடு நிற்கவில்லை. ‘எம்.ஜி.ஆரின் மறு உருவமே! 2021-ல் தமிழகம் தலையேற்க வாங்க தலைவா!’ எனத் தேனி மாவட்ட இளைஞரணி சார்பில் போஸ்டர் ஒட்டியுள்ளனர். 


‘விஜய்யை விஜய்யாகவே காட்ட வேண்டியதுதானே? அதென்ன எம்.ஜி.ஆரை ‘டார்கெட்’ வைத்து போஸ்டர் ஒட்டுவது?’ என்று அ.தி.மு.க தரப்பு முணுமுணுக்க.. இந்த போஸ்டர்கள் தொடர்பான கேள்விக்கு பதிலளித்த அமைச்சர் ஜெயகுமார் “மீசை வைத்தவர்களெல்லாம் கட்டபொம்மன் ஆகிவிட முடியாது; செஞ்சிக்கோட்டை ஏறியவர்களெல்லாம் ராஜா தேசிங்கு கிடையாது.” என்றிருக்கிறார், சூடாக. 


மதுரையில் போஸ்டர் ஒட்டிய விஜய் ரசிகர்கள் தரப்பிலோ, தங்களின் அடையாளத்தை மறைத்து,  “உண்மையைச் சொல்லட்டுமா?” என்று பக்காவாக அரசியல் பேசினார்கள். இப்பவரைக்கும், அரசியலுக்கு வர்ற சினிமாக்காரங்க எல்லாருக்குமே  வாத்தியாரா இருக்கிறவர் எம்.ஜி.ஆர்.  பிரபல நடிகராக இருந்து அரசியலுக்கு வந்து, 1977-ல் முதன்முதலில் தமிழகத்தின் முதலமைச்சரானார். தொடர்ந்து மூன்று தடவை, முதலமைச்சரா இருந்திருக்காரு. எம்.ஜி.ஆர். மாதிரியே, ஹாலிவுட் நடிகராக இருந்த ரொனால்டு ரீகன் 1981-ல் அமெரிக்க அதிபரானார். பிறகுதான், ஆந்திர மக்கள் தெய்வமாகவே வழிபட்ட நடிகர் என்.டி.ராமராவ் அரசியலுக்கு வந்து, 1982-ல் ஆந்திர முதல்வரானார். ஆக, சினிமாவில் நடித்து, மக்கள் மனதில் இடம்பிடித்துவிட்டால், ஆட்சியிலும் அமரமுடியும் என்பதற்கு, உலகத்துக்கே ‘பிள்ளையார் சுழி’ போட்டவர் எம்.ஜி.ஆர். அப்புறம் என்னங்க? விஜய் நடிகர்தானே? அவரோட ரசிகர்களான நாங்க, எம்.ஜி.ஆர். ரூட்ல போறதுல என்ன தப்பு? 1969-ல் ஆரம்பிச்சதுங்க.

 

‘Vathiyar’ MGR for artists coming to politics! -Success is the re-image!

 

அப்பயிருந்தே சினிமா பாதிப்பு தமிழ்நாட்டுல இருந்துட்டுவருது. அறிஞர் அண்ணா யாரு? நாடகத்துல நடிச்சிருக்காரு. சினிமாவுக்கு கதை-வசனம் எழுதிருக்காரு. கலைஞரும் அண்ணா மாதிரியேதான். ரெண்டும் பண்ணிருக்காரு. அதற்கப்புறம் எம்.ஜி.ஆர்.. அடுத்து அவரோட மனைவி வி.என்.ஜானகியும் சினிமாவுல நடிச்சவங்கதான். ஜெயலலிதாவும் ஃபேமஸ் நடிகைதான்.  சினிமா சம்பந்தப்பட்ட இவங்கள எப்படி மக்கள் முதலமைச்சர் நாற்காலில உட்கார வச்சாங்களோ, அதேமாதிரிதான் விஜய்யையும் 2021-ல் உட்கார வைப்பாங்க. எங்க எதிர்பார்ப்பை விமர்சிக்கிற தகுதி இங்கே யாருக்கும் இல்ல.” என்று அனலடிக்க பேசினார்கள்.   

 

Ad


விஜய் ரசிகர்கள் ஒட்டிய போஸ்டர்கள் ‘சீரியஸ்’ ரகமென்றால், தமிழக முதல்வர் எடப்பாடி பழனிசாமிக்காக ஒட்டப்பட்ட போஸ்டர்கள் காமெடியானவை. 

 

‘Vathiyar’ MGR for artists coming to politics! -Success is the re-image!

 

‘வரம் தந்த கடவுளே! எங்கள் வசந்தத்தின் விடியலே! வணங்குகிறோம் தலைவா!’ என, அரியர் பாய்ஸ் மற்றும் அரியர்ஸை வீட்டில் மறைத்த மாணவர்களின் சார்பில், நாகப்பட்டினத்தில் போஸ்டர் ஒட்டியிருக்கின்றனர். ஒரே கேள்விதான்! அரியர்ஸை வீட்டில் மறைத்த மாணவர்கள் ஏன் தங்களின் போட்டோவை ஊரே பார்க்கும்படி போஸ்டரில் போட்டார்கள்? 


தமிழகத்தில் ‘சகலமும்’ அரசியலாகவே இருக்கிறது!
 

 

 

சார்ந்த செய்திகள்

 

Next Story

“தமிழக போலீசார் சரியாகச் செயல்படவில்லை” - சசிகலா பேச்சு!

Published on 03/07/2024 | Edited on 03/07/2024
Tamil police are not working properly" - Sasikala speech

தமிழக போலீசார் சரியாகச் செயல்படவில்லை எனச் சசிகலா பேட்டியளித்துள்ளார்.

சென்னையில் சசிகலா செய்தியாளர்களைச் சந்தித்து பேசினார். அப்போது அவர், “அதிமுகவை ஒருங்கிணைக்கும் பணி 90 சதவிதம் நிறைவு பெற்றுள்ளது. இன்னும் 10 நாட்களில் தமிழகம் முழுவதும் சுற்றுப்பயணம் மேற்கொள்வேன். தற்போது அதிமுக தொண்டர்கள் உற்சாகத்துடன் உள்ளனர். தமிழக போலீசார் சரியாக செயல்படவில்லை.

தமிழகத்தின் முன்னாள் முதல்வர் ஜெயலலிதா ஆட்சி நடத்திய போது அவர் ஒரு பெண் முதல்வர் என்பதால் அரசியல் கட்சியினர் பலரும் அவரை விமர்சனம் செய்தனர். தற்போது ஜெயலலிதா புகைப்படம் பலருக்கும் தேவைப்படுகிறது. அதற்கு அவர் ஆற்றிய பணிகளே காரணம்” எனத் தெரிவித்தார். 

Next Story

கலைஞர் பயோபிக் - ஆசையை வெளிப்படுத்திய ஜீவா

Published on 06/06/2024 | Edited on 06/06/2024
jiiva about kalaignar bio pic

திமுகவின் முன்னாள் தலைவரும் தமிழகத்தின் முன்னாள் முதலமைச்சருமான கலைஞரின் நூற்றாண்டு விழா கடந்த ஆண்டு ஜூன் 3 ஆம் தேதி முதல் இந்தாண்டு ஜூன் 3 வரை தமிழக அரசு சார்பிலும், திமுக சார்பிலும் வெகு விமரிசையாகக் கொண்டாடப்பட்டது. இதன் வரிசையில் கலைஞரின் நூற்றாண்டு நிறைவு விழாவினை சிறப்பிக்கும் வகையில், கலைஞரின் வரலாற்று புகைப்பட கண்காட்சி சென்னை பாரிமுனையில் உள்ள ராஜா அண்ணனாமலை மன்றத்தில் அமைக்கப்பட்டது. அமைச்சர் சேகர்பாபு ஏற்பாட்டில் அமைகப்பட்டுள்ள இந்தக் கண்காட்சி கடந்த ஜூன் 1ஆம் தேதி நடிகர் பிரகாஷ் ராஜால் திறக்கப்பட்டது. 

இதில் கலைஞரின் வாழ்க்கையில் நடந்த முக்கிய நிகழ்வுகளான ‘திருவாரூரில் ஆரம்பித்து சென்னை மெரினா கடற்கரை நினைவிடம் வரை’ என 100-க்கும் மேற்பட்ட அரிய புகைப்படங்கள் கண்காட்சிக்கு வைக்கப்பட்டுள்ளது. மேலும் இக்கண்காட்சி அரங்கிற்குள் உள்ளே நுழைந்ததும் ஹாலோகிராபி தொழில்நுட்பத்துடன் கூடிய 40 வயது தோற்றத்துடன் கலைஞர் நேரடியாக மக்களுடன் தமிழைப் போற்றி பேசும் கவிதை காவியம் இடம்பெற்றுள்ளது. மேலும் ஒரு அரங்கில் ‘வாழும் வரலாறு முத்தமிழறிஞர் கலைஞரின் கதைப்பாடல்’ காட்சி இடம் பெற்றுள்ளது. இந்தக் கண்காட்சி ஜூன் 10 ஆம் தேதி வரை நடைபெறுகிறது. இதனால் தி.மு.க. தொண்டர்கள், மக்கள், திரை பிரபலங்கள் எனப் பலரும் பார்த்து வருகின்றனர். 

அந்த வகையில் நடிகர் ஜீவா கலைஞரின் வரலாற்றுப் புகைப்பட கண்காட்சியைப் பார்த்து ரசித்துள்ளார். அவருடன் பா.விஜய்யும் இருந்தார். பின்பு இருவரும் செய்தியாளர்களைச் சந்துத்து பேசினர். அப்போது ஜிவா பேசுகையில், “கலைஞரைப் பற்றி சினிமாவில் நிறைய கேள்வி பட்டிருக்கிறேன். ஆனால் இங்கு வந்து பார்க்கும் போது, சினிமாவைத் தாண்டி முதலமைச்சராக அவர் செய்ததைப் பார்க்க முடிந்தது. கிட்டதட்ட 40 வருஷம் மக்களுக்காக பணி செய்திருக்கார். அதை ரொம்ப அழகாக இங்கு வைத்திருந்தனர். வெளிநாட்டில் மியூசியம் இருப்பது போல் இந்தக் கண்காட்சி அமைந்துள்ளது. குறிப்பாக ஹாலோகிராமில் கலைஞர் பேசியது சிறப்பாக இருந்தது. அதே போல் பா.விஜய் எழுத்தில் இருந்த குறும்படம் அழகாக இருந்தது. என்னை அழைத்த பா.விஜய்க்கு நன்றி” என்றார். மேலும் தமிழக முதல்வர் மு.க.ஸ்டாலின் மக்களுக்காக நிறைய நல்லது செய்வதாக பாராட்டி அப்பணி தொடரவேண்டும் எனத் தெரிவித்தார்.

jiiva about kalaignar bio pic

பின்பு அவரிடம் கலைஞருடைய வாழ்க்கை வரலாறு படமாக எடுத்தால், அதில் நடிப்பீர்களா? என்ற கேள்வி கேட்கப்பட்டது. அதில் “நிச்சயமாக அந்தப் படத்தில் நடிப்பது எனக்கு பெருமை. கலைஞர் ஐயா கேரக்டரில் நடிக்க ஆசை. ஏனென்றால் சமீபத்தில் தெலுங்கில் அதே போன்ற கேரக்டர் பண்ணியிருந்தேன். அவர் வாழ்ந்து கொண்டிருக்கும் முதலமைச்சர். ஆனால் கலைஞரை வரலாற்றைப் படமாக எடுப்பதை விட வெப் சீரிஸாக எடுத்தால் சரியாக இருக்கும். அதைப் பா.விஜய்யே இயக்குவார் என்று நினைக்கிறேன” என்றார். உடனே அருகில் அமர்ந்திருந்த பா.விஜய், “கண்டிப்பாக அது போல வாய்ப்பு கிடைத்தால் யாராலும் மறுக்க முடியாது. அது ஒரு வரலாற்றுப் பதிவு” என்றார். 

பா.விஜய் இயக்கத்தில் ஜீவா ஒரு பெயரிடாத படத்தில் நடித்து வருகிறார். ஐசரி கணேஷ் தயாரிக்கும் இப்படத்தில் அர்ஜுன் நடிக்க யுவன் சங்கர் ராஜா இசையமைக்கிறார். இதனிடையே ஜீவா, ஆந்திர முதலமைச்சர் ஜெகன் மோகன் ரெட்டி வாழ்க்கை வரலாற்றுப் படத்தில் நடித்திருந்தார். யாத்ரா 2 என்ற தலைப்பில் உருவான இப்படம் கடந்த பிப்ரவரியில் தெலுங்கில் மட்டும் வெளியானது.