Skip to main content

தமிழ்நாடு மக்களவை தேர்தல்: எந்த எந்த வருடம்? எத்தனை பேர்? எவ்வளவு வாக்குப்பதிவு?

Published on 19/04/2019 | Edited on 19/04/2019

தமிழகத்தில் 38 மக்களவை தொகுதிகளில் 71.87 சதவிகித வாக்குகள்  பதிவாகியுள்ளன.   தர்மபுரியில் அதிகபட்சமாக 80.49 சதவிகித வாக்குகள் பதிவாகியுள்ளன.  குறைந்தபட்சமாக தென்சென்னையில் 56.41 சதவிகித வாக்குகள் பதிவாகியுள்ளன.
 

election

 

 

மக்களவைக்கு 7 கட்டங்களாக நடத்தப்படும் தேர்தலில் முதல் கட்டமாக  கடந்த 11ம் தேதி 20 மாநிலங்களில் உள்ள 91 தொகுதிகளில் வாக்குப்பதிவு நடந்தது.   தமிழ்நாடு மற்றும் புதுச்சேரி உள்பட 12 மாநிலங்களில் இருக்கும் 95 பாராளுமன்ற தொகுதிகளுக்கு நேற்று வாக்குப்பதிவு நடந்தது.  வேலூர் தொகுதி தேர்தல் ரத்து செய்யப்பட்டுள்ளதால் தமிழகத்தில் 38 தொகுதிகளுக்கு வாக்குப்பதிவு நடந்தது. இரவு 9 மணி நிலவரப்படி பதிவான வாக்குகள் சதவீதம் விவரம்:
 

திருவள்ளூர்- 72.02,  வடசென்னை-61.76, தென்சென்னை-56.41, மத்தியசென்னை-57.86, ஸ்ரீபெரும்புதூர்-60.61, காஞ்சீபுரம்-71.94, அரக்கோணம்-75.45, கிருஷ்ணகிரி-73.89, தர்மபுரி-80.49, திருவண்ணாமலை-71.27, ஆரணி-76.44,  விழுப்புரம்-74.96, கள்ளக்குறிச்சி-76.36, சேலம்-74.94, நாமக்கல்-79.75,  ஈரோடு-71.15, திருப்பூர்-64.56,  நீலகிரி-70.79, கோவை-63.67, பொள்ளாச்சி-69.98, திண்டுக்கல்-71.13, கரூர்-78.96, திருச்சி-71.89, பெரம்பலூர்-76.55, கடலூர்-74.42, சிதம்பரம்-78.43, மயிலாடுதுறை-71.13, நாகப்பட்டினம்-77.28, தஞ்சாவூர்-70.68, சிவகங்கை-71.55, மதுரை-62.01, தேனி-75.28, விருதுநகர்-70.27, ராமநாதபுரம்-68.26, தூத்துக்குடி-69.41, தென்காசி-71.60, நெல்லை-68.09, கன்னியாகுமரி-62.32

 
இன்று மாலைதான் அதிகாரப்பூர்வமாக தமிழ்நாட்டில் மக்களவை தேர்தலில் எத்தனை சதவீதம் வாக்குகள் பதிவாகியுள்ளன என்று அறிவிப்பார்கள். இந்நிலையில் கடந்த 1951ஆம் ஆண்டிலிருந்து 2014ஆம் ஆண்டு வரை நடந்த 16 மக்களவை தேர்தல்களில் தமிழ்நாட்டில் எவ்வளவு வாக்குகள் சதவீதம் எவ்வளவு பதிவாகியுள்ளன, அப்போதைய தேர்தல்களில் எவ்வளவு வாக்களர்கள் தமிழ்நாட்டில் இருந்திருந்தார்கள் என்பதையும் பார்ப்போம்...

 

 

 

  1. 1951- 56.33% - 1.99 கோடி (வாக்காளர்கள்)
  2. 1957- 47.75% - 1.09 கோடி
  3. 1962- 68.77% - 1.28 கோடி
  4. 1967- 76.56% - 1.59 கோடி
  5. 1971- 71.82% - 1.65 கோடி
  6. 1977- 67.13% - 1.82 கோடி
  7. 1980- 66.76% - 1.87 கோடி
  8. 1984- 72.98% - 2.25 கோடி
  9. 1989- 66.86% - 2.67 கோடி
  10. 1991- 63.92% - 2.55 கோடி
  11. 1996- 66.93% - 2.84 கோடி
  12. 1998- 57.95% - 2.64 கோடி
  13. 1999- 57.98% - 2.76 கோடி
  14. 2004- 60.81% - 2.87 கோடி
  15. 2009- 72.94% - 3.03 கோடி
  16. 2014- 73.74% - 4.06 கோடி 

 

 

 

 

 

Next Story

“தமிழகத்திற்குத் தண்ணீர் திறந்துவிட முடியாது” - கர்நாடக முதல்வர் திட்டவட்டம்

Published on 12/07/2024 | Edited on 12/07/2024
Karnataka  refusal to open water to Tamil Nadu

தமிழகத்திற்கு நாள் ஒன்றுக்கு 1 டிஎம்சி தண்ணீர் திறக்க வேண்டும் என்று காவிரி ஒழுங்காற்று குழு பரிந்துரை செய்திருந்தது. இந்த நிலையில் கர்நாடக முதல்வர் சித்தராமையா மற்றும் துணை முதல்வர் டி.கே.சிவக்குமார் தலைமையில் தமிழகத்திற்குத் தண்ணீர் திறப்பது குறித்து அதிகாரிகளுடன் ஆலோசனை நடத்தப்பட்டது. இதையடுத்து, தமிழகத்திற்குத் தண்ணீர் தரவே முடியாது என்று கர்நாடக முதல்வர் சித்தராமையா திட்டவட்டமாகத் தெரிவித்துள்ளார்.

இது தொடர்பாகச் செய்தியாளர்களைச் சந்தித்த கர்நாடக முதல்வர் சித்தராமையா, “காவிரி பாசனப் பகுதியில் 28 சதவீதம் தண்ணீர் பற்றாக்குறை உள்ளது. கர்நாடகாவின் வலியுறுத்தலை மீறி தண்ணீர் திறக்க காவிரி ஒழுங்காற்று குழு உத்தரவிட்டுள்ளது. கர்நாடகாவில் பற்றாக்குறை இருப்பதால் தற்போதைக்கு தமிழகத்திற்கு தண்ணீர் திறந்துவிட  முடியாது” என்று தெரிவித்தார். மேலும் இது குறித்து ஆலோசனை நடத்தக் கர்நாடக மாநிலத்தில் உள்ள அனைத்து கட்சியினருக்கும் முதல்வர் சித்தராமையா அழைப்பு விடுத்துள்ளார். 

Next Story

சிறையில் சிக்கிய குட்டி செல்போன்; ஆம்ஸ்ட்ராங் வழக்கில் பரபரப்பு

Published on 11/07/2024 | Edited on 11/07/2024
Little Cell Phone Trapped in Jail; The sensation in the Armstrong case

தமிழக பகுஜன் சமாஜ் கட்சியின் மாநில தலைவர் ஆம்ஸ்ட்ராங் கடந்த 05.07.2024 அன்று இரவு பெரம்பூரில் உள்ள அவரது வீட்டின் அருகே 6 பேர் கொண்ட மர்ம கும்பலால் வெட்டி படுகொலை செய்யப்பட்டது தமிழகத்தில் பரபரப்பை ஏற்படுத்தியுள்ளது. தொடர்ந்து ஆம்ஸ்ட்ராங்கின் உடல் பெரம்பூர் பந்தர் கார்டன் மாநகராட்சி பள்ளியில் பொதுமக்கள் அஞ்சலிக்காக வைக்கப்பட்டு பின்னர் அடக்கம் செய்யப்பட்டது. தொடர்ந்து இந்த கொலை சம்பந்தமாக தமிழக தலைமைச் செயலாளருக்கும், தமிழக டிஜிபிக்கும் தேசிய பழங்குடியினர் ஆணையம் பதிலளிக்க நோட்டீஸ் அனுப்பியுள்ளது.

இந்நிலையில் ஆம்ஸ்ட்ராங் கொலைக் குற்றவாளிகள் உள்ள சிறையில் செல்போன் கண்டுபிடித்தது பெரும் பரபரப்பை ஏற்படுத்தியுள்ளது. விரல் அளவு கொண்ட செல்போனை பொறி வைத்து காவல் துறையினர் பிடித்துள்ளனர். பூவிருந்தவல்லியில் உள்ள தனிக் கிளைச் சிறையில் சிறை கண்காணிப்பாளர் ஜேம்ஸ் லீ பிரிட்டோ காவலர்கள் குழுவுடன் சிறையில் திடீரென ஆய்வு செய்தார். அப்போது 1 வது ப்ளாக்கில் படிக்கட்டின் கீழே கை விரல் அளவே கொண்ட செல்போன், சிம் கார்டு, மற்றும் அதற்கு பயன்படுத்தப்படும் 3 பேட்டரி பறிமுதல் செய்தனர்.

Little Cell Phone Trapped in Jail; The sensation in the Armstrong case

இதுகுறித்து சிறை கண்காணிப்பாளராக பொறுப்பில் உள்ள ஜேம்ஸ் லீ பிரிட்டோ பூவிருந்தவல்லி காவல் நிலையத்தில் புகார் அளித்து இருந்தார். இதையடுத்து கஞ்சா வழக்கில் கைதான மாறன் மற்றும் கொள்ளை வழக்கில் கைதான பாஸ்கர் ஆகியோரிடம் காவல்துறையினர் விசாரணை நடத்தி வருகின்றனர். ஆம்ஸ்ட்ராங் படுகொலையில் கைது செய்யப்பட்ட குற்றவாளிகள் உள்ள பூவிருந்தவல்லி தனிக் கிளைச் சிறையில் செல்போன் பறிமுதல் செய்யப்பட்டது பெரும் பரபரப்பை ஏற்படுத்தியுள்ளது. மேலும் இந்த கொலை சம்பவம் தொடர்பாக சிறையில் உள்ள 11 பேருக்கு 5 நாட்கள் போலீஸ் காவல் வழங்கப்பட்டுள்ளது.